عنوان الموضوع : مين حابه تخسر 13 كيلو ؟ وعندها قوة ارادة وخلطات حلوه ؟..Wellcome Sbaya حمية و رشاقة
مقدم من طرف منتديات نساء الجزائر

مين حابه تخسر 13 كيلو ؟ وعندها قوة ارادة وخلطات حلوه ؟..Wellcome Sbaya



السلام عليكم

كل عام وانتو بتمام الصحه والعافيه

خصيت بهالموضوع الصبايا اللي حابين يخسرو 13 كيلو..(لانه هدفي اخسر 13 كيلو)..

واللي عندهم قوة اراده..( لانه الاراده اساس كل شي ناجح بالحياة)..

واللي عندهم خلطات حلوة..(لانه رح نهتم باجسامنا وشعرنا وبشرتنا..مش حيكون كله دايت)..

...............

اللي عجبتها فكرة الموضوع..يا ريت تكتب النظام اللي رح تتبعه في تخفيف وزنها 13 كيلو..ويا ريت ننسى الانظمة السريعه..ونتبع الانظمة طويلة المدى..واللي بتنزل الوزن بشكل تدريجي..حتى ما نأذي اجسامنا بالتشققات وشعرنا بالتساقط..

..............

يا ريت اللي حاسه حالها مو قد المسؤولية ما تفكر انها تشترك و تضعف ارادة باقي البنات

لاني بصراحه اشتركت بـ قروبات بمنتديات تانيه..وللأسف من اول اسبوعين كانو البنات يختفو..

..............

على جميع الاحوال..حتى لو ما كان في مشتركات..انا رح اكتب يومياتي بهالموضوع..حتى يبقى موجود و البنات يستفيدو من كل شي بعملو..لانه صراحه كل شي قررت أعمله هو عبارة عن ثمرة تجارب..جربت كتيرر اشياء ما نفعتني..وبالنهاااية صرت بالطريق السليم واتعلمت الاسلوب الصحي

.............

هاد كل شي عندي...
رح اوضح كل شي رح اعمله بوقت تاني..
وياريت يكون معي رفيقه تشجعني واشجعها ونستفيد من بعض..

.............

>>>>> ردود الأعضـــــــــــــــــــاء على الموضوع <<<<<
==================================


انا طبعاا هدفي انزل 13 كيلو..وبالتدرررريج

نظامي حيكون مرتب بطريقة تناسبني..لاني بداوم بالمدرسه..

الفطور دايما بخليه شي سخن..خاصه انه داخلين ع فصل الشتا

مثلا كوب نسكافيه مع قطعة بسكويت صغيره..او كوب حليب مع معلقه عسل

الساعه 10 او 11 بكون موعد البريك

لازم تكون وجبة منيحه حتى اقدر اكمل باقي دوامي..

مثلا حبة فواكه مع ساندوش لبنه او زعتر او جبنه بالاضافه لـ عصير او شوكو الخ...فهمتو قصدي اكيد

الغداا بكون كمية قليلة من أكل البيت..وقبل الغدا يفضل اكل السلطه او الشوربه حتى نشعر بالشبع

بين الغدا والعشا..حبة فواكه حتى نقدر نكمل من غير احساس بالجوع

والعشا خفيف متله متل الفطور بالضبط..

طبعاا انا بـ حكم انه مدرستي بعيده وبضطر اروحلها مشي..فـ بمشي باليوم ما يقارب الـ 40 دقيقة مشي سريع

ممنوعات التخفيف :

المشروبات الغازيه بأنواعها..
الشوكلت والشيبس

اضااافات:

لازم نخفف من المقالي و النشويات و الدهون
ونكثر من الخضروات والاشيا الغنيه بالالياف
.........

هاد اللي انقذتني فيه ذاكرتي حاليا..

يتبع


__________________________________________________ __________

نسيت اقول انه بداية الدايت بالنسبه الي حتكون يوم الخميس ان شاء الله بتاريخ 24/9/2009

واللي بتحب تبدى معي حياها..

مدة الدايت مفتوحه ل اوصل للوزن اللي بريده

و تنزيل 13 كيلو موضوع مش سهل ابدااا...خاصه انه وزني ببداية الستينات..وانتو عارفين انه الوزن كلما كان قليل..كلما كان نزوله ابطئ

يعني على هالنظام رح انزل بالشهر 3 كيلو او 4...ناهيك عن اياام ثبات الوزن اللي بتجنن الكل

يعني الموضوع بده وقت..

مش لازم ننسى انه النظام نظاام حياة

يعني انا ممكن اتبع اي نظام كيميائي واخسر من وزني 13 كيلو خلال فترة قياسيه...بس انا واثقه انه لو خسرتهم عن طريق السرعه..رح يرجعولي بسرعه..وفوقهم هديه كيلويين او تلاته

فالافضل انه الوزن ينزل بشكل تدريجي..

وانا برئيي هالوقت افضل وقت لتنزيل الوزن..

لانه نحنا بنهاية الصيفيه والمناسبات خفيفه..ورمضاان والعيد مرقو على خير..

يعني خليناا نكسب أجسامنا ونصير حلوووين خلال هالفتره اللي الكل بكون مشغول بدراسته او عمله وما حد متطلع علينا

و يجي الربيع والصيف ونحنا بأحلى طله..

.....

هاد كل شي بالنسبه للدايت..


__________________________________________________ __________

بالتوفيق ياغالية والله يعينك ويبلغك مرادك بصحة وعافية

وإلى الأمام يا سلين


__________________________________________________ __________

المشاركة الأصلية كتبت بواسطة ورود الجوري
بالتوفيق ياغالية والله يعينك ويبلغك مرادك بصحة وعافية

وإلى الأمام يا سلين

مشكورة يا ورود


__________________________________________________ __________

بالتوفيق ياغالية والله يعينك ويبلغك مرادك بصحة وعافية

ويمكن ابدا معاك بس لما اخلص الصيام ان شاء الله