عنوان الموضوع : شيخ المحشي يم يم لذيييذ(حلبي)$$$
مقدم من طرف منتديات نساء الجزائر

شيخ المحشي يم يم لذيييذ(حلبي)$$$



السلام عليكم حبيباتي كيفكن انشالله بخير اليوم بدي قدملكن هالاكلة اللذيذة بتمنى تعجبكن منبدا....
المقادير:
1كيلو كوسا ضغير
لحمة مفرومة
فلفل اسود نصف ملعقة ضغيرة
ملح حسب الرغبة
رز 3 اكواب
بقدونس مفروم ناعم
مكسرات مقلية
الطريقة :
بتاخدي الكوسا وبتغسليه منيح بعدين بتحفريه وبتحطيه ع جنب
بتاخدي ملعقتين طعام زيت نباتي وبتقلي اللحمة وبتحطيلها البهارات وبتضيفي البقدونس وبتطفي النار تحته منشان البقدونس ما يصير اسود
بعدين بتجيبي الكوسايات وبتحشيهن باللحمة بعدين بتجيبي طنجرة و3 ملاعق كبار سمنة بلدي او عادي بس البلدي اطيب وبتبلشي تقلي الكوسايات بالسمنة
لحتى يتقمروا يعني يتغير لونهن للبني بس ما تخليهن يحترقوا بعد ما تخلصي بتجيبي طنجرة وبيحطي باسفلها ملاعق وبتصفي الكوسايات بقلبا الملاعق مشان مايلصق الكوسا او بتجيبي لب الكوسا وبتحطية بدال الملاعق
بتحطي صحن ع قفاه فوق الكوسايات وبتقليه بتقلة محشي وبتحطيلو مي لحتى يتغمروا الكوسايات وملح وبتخلي ع نار عالية بس يغلي بتهدي النار للاخير لحتى يستوي بس انتبهي ما تخليه يغلي كتير فورا هدي النار وبتطبخي رز جنبو رز عادي ولبن متوم يعني الو توم بس من استوى شيخ المحشي بتصفي المي بتسكبي رز بطبق وبتصفي الكوسايات صف ع وشو وحطي المكسرات وصحن لبن مممممممممممعن جد اكلة كتير طيبة بس بدك تنتبهي لطبخها مستنية الردووود

>>>>> ردود الأعضـــــــــــــــــــاء على الموضوع <<<<<
==================================


ههههههه انا طابختها اليوم بس بطريقه بتختلف تماما انابقلي الكوسا بعد ما احشيه باللحمه و بحل اللبن وبسقطه باللبن وبغلوا مع بعض وبقليله شوية توم وبفلفل رز جنبه طلعت بتشهي روووووووووعه

عكل حال يسلموا ايديكي بجرب طريقتك وبشوف مين اطيب الواحد بموت وهو يتعلم يعطيكي العافيه


__________________________________________________ __________

هههههههههههههه حبيبتي طريقتك طريقة شامية بس نحنا بحلب هيك منطبخه بس التنين طيبين صحتين وهنا ع قلبك


__________________________________________________ __________

تسلم ايديك ويعطيك الف عافيه
والطبخ الحلبي والشامي يجنن
وسوريا كلها تجنن


__________________________________________________ __________

تسلميلي حبيبتي الله يوفقك ويحفظك ويخليلك جود


__________________________________________________ __________

يعطيك العافيه حبيبتي راح اعملها بكره انشاء الله على فكره انااحب الاكل السوري كثيييييييييييييييييييييييرونفسي اتعلمها كلها مشكوووووووووووووووووووووره