عنوان الموضوع : عطوني حل وش اللي فينا حياة اسرية
مقدم من طرف منتديات نساء الجزائر

عطوني حل وش اللي فينا






السلام عليكم .. انا جديده بالمنتدى وحبيت اطرح مشكلتي وياااارب احصل حل لها والمشكله هي اني متزوجه من سنتين ونص وبداية زواجي وانا بشهر العسل على اخر يوم زوجي تعب ومن بعده وهو كل يوم اشد من اللي قبله ولما كشف مره طلع عنده كهربة القلب ومره قولون ومره انزيمات القلب ومره مراره ومره عين ومره حسد وسحر الى ماجلس سنه كامله من علاج لعلاج ومن شيخ لشيخ وانا كل المده هذي ببيت اهلي يعني اروح لبيتي على اساس انه خلاص خف وانه بنعيش حالنا حال اللي توهم متزوجين ويرجع يتعب من جديد وعلى طول ارجع لاهلي واللي صار بعد اني حملت بعد زواجي بشهرين والله يا بنات اني مارجعت لبيتي وجلست فيه الا بعد ولادتي وحتى بعد الولادة كرهت البيت وصارت نفسيتي تعبااانه وصياح وحالتي حاله وارجع عندي اهلي برمضان ولا رجعت لبيت الى بشهر 11 يعني كان عمري ولدي 7 شهور ومن يوم اجيبه وانا بين فتره والثانيه عند اهلي وحتى زوجي يروح لاهله وينام عندهم واللي يتعبني اكثر زوجي دواااااااامه والله تعبت مانطلع ونبسط الى يتصلون عليه ويعكرون مزاجنا واذا طلبوه للدوام وهو رفض يظل طول الطلعه يهوجس ويفكر واذا سالته وش فيك يقول مافيني شي ووالله حتى مره سافرنا وجلسنا بس يوم ورجعو واتصلو عليه وقالو له تعال ولازم تجي والا انه الشرطه بتعطينا غرامه ورجعنا من السفر واول ماوصلنا راح زوجي عند العمال عشان بياخذ واحد فيهم ويروحون يزينون الشغل قالو له خلاص ضبط لا تروووح (( زوجي يشتغل بالمقاولات مع صاحب العمل )) والله والله انه حالتنا الماديه كل يوم تنزل ويمر علينا الشهر مامعنا الا 500 ريال بس وانا نفسيتي تعبانه واحيانا زوجي يطلع من عندي مبسوووط ويرجع متضايق ولا له خلق واذا سالته يقولي كالعاده مافيني شي واحاول قد مااقدر اخليه ينبسط واسولف عليه ولا يتغير شي .. والله تعبت عطوني حل وش اسوي ووالله اني صابره وادعي الله يوسع علينا من الضيق والهم
وعلى فكره نسيت اقولكم انه اول زواجي كنت راح اتطلق من زوجي بسبب اللي صار فيه لانهم قالو له يمكن تكون عين ولا راح تروح الا اذا تطلقتو بس الحمدلله اني حملت وهذا اللي خلانا مانفترق

اعتذر اني طولت عليكم بس والله ابي احد افضفضله ولا ابي اقول لاحد من اهلي او حتى اخليهم يتدخلون بحياتي

>>>>> ردود الأعضـــــــــــــــــــاء على الموضوع <<<<<
==================================


حسبي الله ع بعض الناس ماتعطي خير انا عندي راي ليه مايحاول ينقل شغله الي مدينه ثانية ممكن يتحسن الحال الله يشفيه من العين والحسد يارب وكل مريض من العين او الحسد


__________________________________________________ __________

خليه يكثر من الاستغفار بنية الشفاء باخر الليل اقل شي الف مره وباذن الله تفرج ويدعي وكذالك انتي


__________________________________________________ __________

لاحول ولاقوة الآ بالله
الله يريح بالك


__________________________________________________ __________

والله ماتتوقعون يوم شفت انه فيه احد رد علي اختقتني العبره ماشاء الله عليه والله انه احسن مني هو بالذكر وقراءة القران لدرجة انه يقراء البقره باليوم اكثر من مره والاذكار حريص عليها ما شاء الله بس اللي خايفه منه اكون انا السبب لانه من تزوجنا وهو تعبان اما انا بس تعب الحمل وبعده جاني اكتئاب مابعد الولاده وراح الحمدلله بس والله اني اقول بنفسي انه شكل العله فيني انا لانه هو سبق وقالي زوجي يمكن توكونين بخاطر احد او مادري وش السالفه ورب البيت بقولكم شئ واستحيت اقوله بالمره الاولى حتى الجماع اذا جاني مايحس برغبه ولا يحس بالمتعه وكانه جالس يقوم بوجب فقط (( عذراً على اللي بقوله بس مضطره )) حتى اذا بدا يجامعني على طول يضعف انتصابه ويتضايق ويكره الجنس عشان كذا احس اني انا السبب والله اكتب وانا عبرتي خانقتني ابي احد يفهمني والله تعبت ابي احس اننا متزوجين نطلع ونسافر من غير ضيق او هم والله حتى شهر العسل اقصد اسبوع العسل والله ماتهنيت فيه اااااااه بس ياااارب الفرج من عندك يااارب دعواتكم لنا ربي يسهل علينا ويفرجها ياااارب


__________________________________________________ __________

يالله الله يفرج همومك
تعب نفسي اذا تلخبطت الحياه الزوجيه جربت هاللخبطه تبين تعيشين ومحد فاهمك بس الحمدالله على كل حال ،،
ادعي ربك كثير
الله يفرج همك وهمي وكل مسلم