عنوان الموضوع : الزواج دمر حياتي حياة اسرية
مقدم من طرف منتديات نساء الجزائر

الزواج دمر حياتي






السلام عليكم ورحمة الله وبركات
انا حبيت افضفض هنا لان بصراحه طفح الكيل مني ماعندي اخوات وحتى صديقاتي ماحب اقول لهم ع خصوصياتي ومشاكلي وهمومي ...~
اول حاجه انا بنت عمري ذحين 20 سنه تزوجت من كنت طالعه صف ثالث ثانوي ...~
المهم زوجي هذا من قبيله وانا من قبيله اخرى لكن يصير ولد خالتي ..> اتمنى فهمتوا علي
كان ف بدايه الزواج زي ماقلت لكم كنت بالمرحله الثانويه وهو يشتغل بمدينه وانا ساكنه عند اهلي بمدينه اخرى
كانت البدايات دايم حلوه الحمدلله كنا مرتاحين وكنت احبه موت وهو بعد كان يحبني كان يفهمني حيل ويصبر ع نفسيتي المتقلبه وقت الاختبارات
المهم عشت فتره ثالث ثانوي كلها تقريباً عند اهلي والحمدلله تخرجت بمعدل حلو 99٪ وفواصل
وكنت مرا مبسسسوطه ..>
المهم انا بعد الزواج يمكن باربع اشهر صار فيه حمل وادري بسرعه ما اخفيكم قد ايش فرحتي فيه وحلم الامومه وكل شيء
ولكن قدر الله علي يمكن لما وصل عمر الجنين 3 اشهر اجهضت
مادري بسبب ايش النفسيه ولا التعب ولا لاني اتحرك >> حزنت عليه كثير ونفسيتي كانت سيئه وهذا وقته كنت ف الثانوي
لكن قلت الحمدلله ..عسا ف الامر خيره .. >>
كانت امورنا تمام حب ورمانسيه وكل شي حلو حتى بعد الاجهاض حسيت ان تقربنا لبعض اكثر واكثر ...~
لكن بعد كم فتره زوجي صار بارد وملول وشخصيته زفت زفت زفت لابعد درجه مايتحمل مني كلمه ولا يعبرني
كنت ابكي بسببه واذكره بالايام الحلوه وكذا ..> وكانت ردوده بارده ومايطيق مني كلمه
مع ان والله حلوه الحمدلله وشعري طويل وبيضاء ونظيفه وبيتي نظيف لكن لاحياة لمن تنادي
انا فيني طبع ماتحمل اذا انسان احبه يكلم بنت او يضيف بنت >>عندي انانيه وغيره زايده بالهالنقطه
المهم هو جواله ايفون وتطلع المحادثات ع الشاشه اكتشفت انه ع علاقه مع وحده
انقهرت انفجرت بوجهه صارخت عليه وانكر كل شيء كل شي
ويقولي انتي كذابه ومن سمح لك تفتشين حوالي >ع باله ان افتش جواله
قلت له ع الشاشه محادثاتها طالعه
هي البنت كانت كاتبه له شلونك؟؟ >> بش طالع اسمها
المهم ماخفيكم انقهرت وبكيت بكا من قلب ونمت حزينه بهذيك الليله
وهو ولا كلف ع عمره يعتذر لي اساساً ..مسوي انه الصح وانا الغلط
بعدين فكرت قلت يابنت فومي صلي ركعتين واستهدي بالله ..عساها زله ويتعدل بعدها
توضيت وصليت ودعيت ربي يفرج همي
مر يوم كامل مانكلم بعض
بعدين قلت له خلاص بتحاهل الموضوع واسوي نفسي ماشفت شي وصرت اقول بنفسي هذي بنت ف النت مو عنده انا اللي عنده اكيد مايعطيها اهتمام وكذا
المهم بفتره التقديم ع الجامعات انا طموحي طب ومستحيل احب اي تخصص غيره
قدمت ع منطقه بعيده شوي عن منطقتنا هو كان ماعنده مانع وكان يشجعني ع طموحي وكذا
وطبعاً الكلام الاول والاخير لابوي الله يحفظه
بس برضو هذا زوجي واحب استشيره
ابوي استاجر لي هناك شقه وجاب لي خدامه وسواق
وعطاني كامل الثقه المطلقه
وهو زوجي بعد بمدينه وانا بمدينه واهلي بمدينه
المهم بعد ف السنه التحضيري رزقني الله بحملي الثاني ..وكانت فرحتي فيه اعظم من الحمل الاول ..وهو بعذ كان مبسوط
وكننا مخططين عع الاسامي لو كان ولد ايش نسميه ولو كان بنت وكيذا
وكان يروح من عندي ويجيني كل بعد اسبوع او اسبوعين بحكم شغله وكذا
المهم انا بنات ربي ماكتب لي كمل الحمل وسقطت الجنين وانا ف السنه التحضيري ء..وغبت عن الحامعه تقريبا اسبوعين
مع ان معي اجازه شهر ..لكن نقول الحمدلله
كنت حزينه ومكتئبه واللاحظ النفور من زوجي وبروده ف التعامل ف الكلام مرت الايام مانسمع منه كلمه حلوه
رجعت للدراسه الحمدلله عدت السنه التحضيري بحلوها وبمرها وتخصصت طب بصعوبه تامه
مع ان المنافسه كانت قويه لكن ربي ماضيع لي حق
وبدات ف سنتي الثانيه
مدري قد ايش اقولكم انها سنه تعيسه كئيبه اصبت فيها باحباط منه ومن تصرفاته اللي تقهر
مرا كان فيه احازه وكنت عند اهلي بمدينتهم وكنت انا وياه بغرفتنا كان جالس يقرا الجريده وانا كنت اذاكر واكتب ملخصاتي
لانها اتوقع كانت اجازه اليوم الوطني والله ناسيه بالزبط اي اجازه

اشوفه ماني عاجبته فجاءه فك الجريده من يده وقلي قومي جيبي لي مويا ي حماره !!
انا انصدمت منه وخلاص طفح كيلي مو اول مره يعاملني بجفاف ،...> قلت خلاص بقوم بس بلاش هالالفاظ
وكنت انفخ عليه وقتها وجبت له مويا
لما رجعت بكمل دروسي يابنات قالي انت تنفخين ع مين ،؟؟ قلت عليك
وقام يخانقني ويسب ويسب ويسب ...>> خلاص انا هنا انفجرت عليه قلت له تراني صبرت عليك ع خياناتك ع بردوك ع افعالك اللي تقهر انا زوجتك مو خدامه تكلمني كذا وكنت ابكي بقوه
وبعد هو صار ينفخ علي
قالي انتي تغيرتي من دخلتي هالجامعه المره السننعه تقابل زوجها وتفهمه >? هنا قهرني زود
قلت اي زوج انا مرا مو مقصره باي حق من حقوقك
وكلمه مني وكلمه منه قال لي ياتختاريني ي تختارين جامعتك >> عاد انا والله مستقبلي اهم منه الصراحه
وكنت بلحظه قهر وبكا قلت لا جامعتي ومن انت عشان اختارك**سبيته باقوى ماعندي
وقالي خلاص انتي طالق..!!
اي صدمه نزلت علي حسيت اني خايفه ومصدومه
هو طلع برا الغرفه
وانا صار لي ثلاث ساعات ابكي ومصدومه وخايفه من اهلي >مدري ليش خفت من اهلي بهذيك اللحظات
مع ان اهلي الله يخليهم لي مايرضون لبنتهم الذل
دقيت ع اخوي الكبير وانا ابكي والله يمكن كانت الساعه 10 الليل ... قلت له تعال لي البيت وجاني وفهمته كل اللي حصل
وخبر اهلي وكذا واشوى اهلي تفهموا وضعي
بعلمكم انا خبرت اخوي بكل شي عنه بفضايحه بخياناته بكل شيء
قالوا اخواني والله مالك رجعه عنده الا لما يرد كرامتك وتحانقوا معاه وكذا
المهم انا نفسيتي كانت بالارض
ورجعت للمدينه اللي كنت ادرس فيها وهو مدينه اللي يشتغل فيا قريبه مني
المهم مرت يمكن اسبوع وشوي ع السالفه
دق على جوالي هو وانا خفت منه صراحه كنت ميته من الخوف منه
وصار يدق ويدق ويدق وانا مطنشته
وحذفت ححتى حسابي من الواتس كله من الخوف منه
وبعدين صار يرسل رسايل ويترجاني ارد عليه
انا صح كنت احبه وكذا وكسر خاطوي برسايله
رديت عليه ..قالي كيف حالك وياحبيبتي انا اسف ومن هالكلام ..طبعا انا صرت ابكي منه
قالي انا اليوم مسافر عشانك وجاي عندك
افتحي لي الباب ،!
خفت منه صراحه قلت كيف لفتح لك ..قالي خلاص انا زوجك وبرجعك واللي فات مات
وفتحت له الباب المهم قال رجعني من هالكلام ..قلت واهلي كيف ..قالي لحد يدري انا بعدين اقولهم وكذا
صرت اخاف منه وانا صراحه ماعندي خلفيه باحكام الوجعه وكذا
مدري اذا بوجود محرم ام لا
المهم مر يمكن فتره 12يوم وهو محد يدري ولا خبر اهلي وانا كنت خايفه
يتبع..

>>>>> ردود الأعضـــــــــــــــــــاء على الموضوع <<<<<
==================================


بعدين اخوي الثاني حاء عندي وخبرته والله ماخفيكم كيف ضربني >>هو ضربني عشان بدون علم اهلي
وقلت له طيب وش اسوي هو جاني وقالي افتحي لي الباب وكذا
وكل هالسوالف هذي كانت ف الترم الاول من سنتي الثانيه وطب وتعب وهموم ودراستي واهملتها شوي
ونجحت بمعدل جيد جداً >>صح انقهرت
وبعد انا كنت اجلس ع النت فترات طويله اخش منتديات اسك اخاول اتناسى همومي
وربي لدرحه اتخانق حتى ف الناس اللي معي ف المواقع وياكثر ماقالوا عني نفسيه
عجبني شغل النت وشفت انه يشغلني عن زوجي ومشاكله
وبد الترم الثاني وهو ع حالته يمر يوم يومين وهو طيب وعلاقته حلوه
وعشر ايام نفسيه
انا ارتاح لاني كنت عايشه لوحدي
بعدين قالي خلاص بننفصل انفصال مو طلاق يعني >>انا كنت فرحانه وموافقه
يعني كل واحد بعيد عن الثاني يوم شاف فرحتي قال لي عاجبك الوضع قلت طلقني اجل
قال لي تحلمين ف الطلاق وخلاني زي المعلقه لايهتم ولا يسال ولا شيء
وبعد احازه الربيع حاء عندي اخوي وزوجته ف البيت اول كنت لوحدي ومبسوطه
وحتى الحين مبسوطه من اخوي
بس اخواني حالفين مارحع له لما يرجع لي كرامتي او يطلق
ويقول ن بيرفعون عليه دعوى ومدري وش وانا مالي خلق لهالفضايح والمشاكل
مرا كرهته كرهته كرهته وصرت احمد ربي مليون مرا ان مابيننا اولاد

وكل شي لحكمه بس انا حزينه ع نفسي وحالتي ونفسيتي
كله شي فيني تدمر والسبب هو الله لايسامحه رسبت بثلاث مواد الترم الثاني وكنت تعبانه نفسيا منه
كل وقتي ع النت احاول اتهرب من الواقع
والله حرام عليه اللي يسويه انا لسه صغيره وحلوه ابي اشوف حياتي واتفرغ لدراستي
كرهت الزواج وطاريه وكرهت حتى الاولاد استغفر الله
وقبل رمضان جاء يسلم ع امي ولا حتى سال عني وامي بعد خانقته وذلف
لعلمكم لما كنا مع بعض فيه حاجه حلوه المصروف ابد مايبخل فيه والحمدلله يارب
بس وش فايده الفلوس ف البيت اذا كان البيت مافيه حب بين الزوجين ولا رحمه ولا عطف ولا انسانيه
كله تهزي واحباط
مدري الحين لما اشوف صوره احس اني احبه وخصوصا صور الزواج وكذا
وبس اتذكر افعاله وسواياه اكرهه اكرهه اكرهه
الحين هذي فضفضه بسيطه وماتكملت عن كثير اشياء
بس انا مشكلتي مابيه الحين والمشكله الاكبر شخصيتي صارت مهزوزه طول الوقت ابكي اذا تذكرته اي احد يعصب علي ابكي
احس منجد محتاجه انسان احبه ويحبني وافهمه ويفهمني
صرت شبه انطوائيه ف الواقع بس كل حياتي نت ومواقع كله اتهرب من الواقع
واهملت بدراستي كثير لاني نفسيتي كانت خايسه وقتها


__________________________________________________ __________

ياروحي إنتي كل هذا فيكي،،بصراحة حسيتك عاملة حساب لدراستك أكثر من زوجك وهالشيء غلط..إظافة إنك خليتي أهلك يتدخلو بكل حياتك وهاالشيء مايتقبلو رجل..أعطي لنفسك ولزوجك فرصة تراك صغيرة علطلاق


__________________________________________________ __________

انتي كمان غلطان
ولي عودة مرة ثانية لذكر أسباب


__________________________________________________ __________

أنتي " صح " و مآغلطتي بشيء
هو آلحقير وآلي يبي يسوي رجآل على رأسك ..
ترآ آلدرآسهه أهم من كل شيء :
و أهم من أنك تكونين تحت رجآل يتحكم فيك !
أنتي مآ أنخلقتي عشآن تخدمين وتربين وتكرفين وبس ؟
آلحيآهه أجمل من كذآ بكثثير ~
مو بس زوآج وعيآل وبيت ومسؤؤليه وكرف :
أنتي لك حيآتك بعد ..
" آلعلم يرفعُ بيتِ لأ عمآد لهُ "
" تعلم آلعلمَ تكُن سيدأ يرفع بيتك ولو كنت ردي آلنسبيِ "
هآذي ألأمثآل دآيم : مآمآ و بآبآ آلله يطول عمرهم يقولونهآ لي
بجد أهم شيء درآستك ومستقبلك ..
وترآ آنآ قد عمرك وفآهمتك
آلمهم آلله يوفقك ويفرج همك ويسعدك دُنيأ و أخرهه *


__________________________________________________ __________

حبيبتي احمدي ربك انك ما جبتي منو عيال وان ابوك مو مخليك محتاجة شي حاولي تركزي على دروسك وشوفي مستقبلك وانتي بعدك بعمر الزهور واعتبريها صفحة وانطوت بحياتك وان شاء الله يرزقك باللي يستاهلك ويسعدك