عنوان الموضوع : كيف تتعاملين مع خطيبك بذكاء ؟ -لحياة سعيدة
مقدم من طرف منتديات نساء الجزائر

كيف تتعاملين مع خطيبك بذكاء ؟






سلمات يا أحلى السيداااااات ...

حبيت فيد كل صبية مخطوبة بكم نصيحة وبعرف أدي بتكون المخطوبة حديثاً ضايعة وما عم تعرف كيف بدها تتصرف مع الإنسان اللي دخل حياتها فجأة ... لأنه كل تصرف بيبقى محسوب عليها و إله نتائج لبعدين

لهالشي حبيت أعطي كم نصيحة من خلال تجربتي الخاصة وبتمنااااا من كل قلبي ساعد ولو بشي بسيط .....



1- أول نصيحة وأهم نصيحة يا عزيزتي ... لا تقارني خطيبك بحدا تاني لأنه كل إنسان إلو تجربته الخاصة بالحياة وإلو طباعه الخاصة وأفكاره اللي بتميزه عن غيره ... متل ما إنت مميزة وهو مميز ... ودائماً تأملي منه " ولو بس بهالمرحلة " الخير .


2- ركزي اهتمامك ببداية الخطبة على إنك تسمعي أكتر ماتحكي ... وحاولي تعملي هالشي لتفهمي خطيبك " صح " وماتخلي كلمة تمرق إلا لتعرفي شو القصد منها , هالشي حتلاقي صعب بالبداية بس رح ترتاحي لبعدين ورح تحسي بعد تقريباً شهر إنك بتعرفيه من زمااااان .


3- جاوبي على كل أسئلته بحكمة : يعني كوني صادقة مهما كان الجواب , وكوني ذكية ....


4- وضحي شو الأشياء اللي بتحبي تعمليها حتى لو حسيتِ أنه ممكن ما تعجبه بس قوليله أنا هيك بحب وبتمنا من كل قلبي تحترم قراراتي واختياراتي ... ومافي داعي تتنازلي على الطالعة والنازلة وعلى اللي بيسوى واللي ما بيسوى ...!


5- وهاد الشي الأهم والنصيحة الذهبية اللي كتير استفدت منها :
إذا بدر من خطيبك " بعد ماتفهميه يعني بعد فترة " تصرف ماعجبك وتفاجأتِ فيه خبريه بمسج صغير أنك إنت مصدومة من ردة فعله مو لأنها ماعجبتك بس لأنه مو هييييييك ! , والحكمة من هالمسج أنه بصير مع تكرارك لعبارة " إنت منك هيك " بس بالوقت الصح , بصير مقتنع أكتر منك أنه مانو هيك وبحسن من حاله ليرجع للصورة الحلوة الللي رسمتيله إياها .


مثلاً إذا تجادلتو على التلفون حول مشكلة ما , وصار يصرخ ويرفع صوتو قوليلو بصوت كتييييير هااااااادي
" طب لي عم بتصرخ "
وكرريها حتلاقيه خفف نبرة صوتو بس صوتك كتير بده يكون مضبوط وهادي .
وفيكي تبعتي مسج إذا انحلت القصة على خير وتصالحتو :
" حبيبي أنا نطرت تلفونك اليوم وما دقيت , يمكن لأنك زعلان من كذا , بس ياعمري أنا كتير زعلانة لأنك عم بتقسي قلبك عليِّ واللي عم بحز بنفسي أنك إنت منك هيك , والله إنت منك هيك ....؟ "

وشوفي النتائج الحلوة اللي حتصير ودعيلي .



وفي نصائح كتيرة بعود بكملكن إياها إذا حبيتو الشي اللي طرحته

والله بعرف أدي بتكون الوحدة ضايعة ومافيها تسأل أمها أو اختها لحتى ما تشغل بالهن ولحتى تبقى صورة خطيبها حلوة .... لهالشي حبيت ساعد ولو بنصيحة ....

بتمنا من كل أمورة مخطوبة تصرفت مع خطيبها بالطريقة الصح ترد وتقلنا كيف عم تتعامل معه بذكاء ...



شكراً وبتمنا السعادة للجميع ......................:rose:

>>>>> ردود الأعضـــــــــــــــــــاء على الموضوع <<<<<
==================================


الله يعطيك العافيه
لاآعدمنآإك


__________________________________________________ __________

" طب لي عم بتصرخ " شو يعني ؟

مشكورة


__________________________________________________ __________

مشكووووره ياالغلا

تسلمي ع النصاااائح

منوره القسم بمشاااركتك

دمتى بود


__________________________________________________ __________

والله شكرا حبيبتي بجد عجبتني النصائح جدا


__________________________________________________ __________

مشكورة على النصائح
سلمت يداك عزيزتي
تقبلي مروري