عنوان الموضوع : تفاصيل مهمة للعروس من يوم الخطوبة الى يوم الصباحية -مجابة
مقدم من طرف منتديات نساء الجزائر

تفاصيل مهمة للعروس من يوم الخطوبة الى يوم الصباحية






الســـلام عليكــم و رحمــه الله و بــركاته

قبل كـل شىء تـرى .. المـوضوع منقـول .. للفائدة

التنسيق من ايــــدي

طيب نبدأ بسم الله


رآح نفصـل الموضوع . وبنتكلمـ نقطه نقطـه واللي هـي :


1/ قبـل الخطوبـه . [ الأشيآء اللي لآزمـ أي بنـت تسويهآ ]

2/ عند الخطبـه . [ الأشيآء اللي لآزمـ على البنت تسويهآ عند الخطبـه ]

3/ التجهيـز للملجـه

4/ أيآمـ الملجه


5/ التجهيـز بـ التفصيـل المملـ

6/ العنآيـه بـ الجسمـ

7/ ترتيب الشنط والأشيآء اللي تسوينهآ قبـل الزوآج بيومـ

8/ ليلة الدخـله والصبآحيـه

9/ ثقافه عامه وتتعلق بـ :

- دينك
- طريقه معاملتك مع زوجك ، وافكار حلوه
- مشاكل السنه الاولى من الزواج ، وكيفيه تفاديها
{ الشـرح رآح يكون بشكـل بسيط ، طبعآ لأن الخبرهـ قليله }

10/ نصآئح مفيدهـ جدآ ، مسك الختآمـ .


يآرب يفيدكمـ الموضوع إن شاء الله

.. [ 1

~ { قبــلـ الخــطـوبـه . } ~



وهـي الأشيآء اللي تسويهآ البنت قبـل أي مشروع خطبـه ..

وتنقسمـ لـ [ 5 ] أقسـآمـ . .


1/ علآقـة البنت بـ ربهآ . سبحآنه وتعـآلـى ..

أي بنت تبي ربي يوفقها ويرزقها باللي تبي تتقرب الى الله (اكيد كلكم تصلون وتصومون) لاكن فيه أشياء نهملها احيانا وهي

- الصدقه: تراها دفع بلاء

- الدعاء : وخاصه في الثلث الخير من الليل

يابنات ربي بعزته وجلاله ينزل الى السماء الدنياعشان ندعي والوحده


ولا همها ما تكلف نفسها تروح تصلي ركعتين

نصيحتي

قومي من نومك قبل اذان الفجر بنص ساعه وتوضي وتجهز مكان هادئ والضوء خافت
وتلتجأ الى الله تقرا لو صفحه واحده من القران وتصلي ركعتين وترفع يدينها للسماء تستغفر لذنوبها وتدعي الله
جربوها صدقوني اللي يصير انشراح بالصدر وشعور غريب وحلو
ولا تنسين وانت تدعين تخيلي الجنه تنتظرك باذن الله..

- الابتسامه :

اولا . صدقه
ثانيا . تخلي الوجه احلى وترفع الخدود


2/ علآقـة البنـت مع جمآلهآ . وجسمهآ..



- حافظي على نظافتك بشكل دقيق وخلي ريحتك دايم عطره

- سوي لنفسك جدول للعنايه بالبشره والشعر ولا تهملين الرياضه.

- رطبي جسمل طوال اليوم خاصه بعد الشور وخلي اخر مويه تنزل عليك بارده عشان الجسم ينشد

- النوم وما ادراك ما النوم لازم تامين بالليل (علمي روحك) انا اذا نمت باليل وصحيت ياي تقولون ملكه جمال


بس تدرون وين السر . ! [ انه يكون نوم ليل ] .. وانك تكتفيييييييييييييييييييييييين يعني تشبعين

- اهتمي بنظافه اسنانك ( انصحكم بالسواك خليه معالك حتى وانت قدام التلفزيون) واي مشكله من البدايه روحي لطبيبه

- بالنسبه للمكياج واللبس كل واحد وذوقها لاكن لاحظي . مكياج الصباح والليل يختلفون
- ملابسك قللي الالوان الغامقه وكثري الفاتحه خليك زي الفراشه . البسي الي يناسب عمرك وجسمك


3/ عنآيـة الفتآهـ بـ [ المنطقـه الحسآسـه ]


فيه نصائح لازم تمشين عليها . ولا بتندمين :

أ - لاتمشين على شي بارد وانت حافيه القدمين

ب - لاتجلسين على شي بادر

ج - لا تحملين شي ثقيل مهما كان


د - اذا جت الدوره البسي فوق الكلوت شورت اوبنطلون لازم ولا ترى يدخل الهواء والبرد

ويسببون لك مشاكل واشربي يانسون قرفه شمر بس لا تكثرين

قللي من الزبادي والباميه والاشياء اللزجه وكثري من الخضروات والفواكه
اهتمي بنظافتها وبعد الدوره حطي مسك وتمتعي بالانتعاش
هـ - إستخدمـي الموس (موس الحلاقة النسائي مو الرجالي موجود بالصيدليه والسوبر ماركت) وابدا لا تستخدمين الحلآوهـ لحف المنقطه أو ألة بـرآون لانه يسبب السرطان وتشوة اذا استمريتي للمنطقة .
و - طهري المنطقه بـ المسك بعد الدورهـ فقط .
ع - إلبسي الشورتآت اللي نص فخذ عشآن الاحتكاك يسبب لك سوآد وتقرحآت خصوصا للمليآنات.
وإبحثـي وأقرئـي كثيـر بخصوص هـ الموآضيع وكـل شي عن المنطقه الحسآسه
والعنآيه بهآ . وهآهـ إنتبهـي ترهقينهآ بـ الخلطات والخرآبيط والكريمآت الكيميآئيه وعشآن تفتح ومدري وش
إصحـي لنفسك وخـلك ع الطبيعي ، تبين تفتحين إشتغلي ع الليمون والملح وادعكي بخفه جدآ ولاهوب دايمـ بعد
وبعدها رطبي المنطقه بـ فآزلين ، وجففيهآ قبل من الرطوبه زييين مآزيين ..
ولآتنسين إستشآرت طبيب متخصص اذا بتتهورين والا شي من نآحية الكريمآت.


4/ التغذيـه .





هالموضوع يبغآله جلسه ولكن بـعلق على نقآط رئيسيه :

- لآبد يكون غذآئك متكآمـل جدا .

- إشربي مويـه وطبعآ فوآئد المويه للجسم والبشره وعمليات الهظم وغيرها داخل اجسامنا كثيره

- هالله هالله بالفواكه والخضآر


- بعض العرايس من تنخطب تحآول تنحف وتتبع رجيم خآطئ وترى الرجيم السلبي له مضاعفاات

ومخاطر منهآ . تسآقط الشعر واصفرار الجلد والعقمـ وغيرها وغيرها .

تبين تسوير رجيمـ لازمـ إستشآرت طبيب أو إكتفي بـ الرياضه يوميآ .


5/ شخصيـة الفتآهـ . وعلآقتهآ بـ المجتمـع .

- خليك مبتسمه دائما وعودي نفسك

- كوني ذوق مع الناس ودبلوماسه بتصرفاتك وكلامك واذا طلب شخص منك خدمه

اذاتقدرين .. قدميها بطيب نفس وكلام حلو

اذا ما تقدرين.. اعتذري باسلوب راقي


- حاولي ما تنامين واحد زعلان عليك او انت زعلانه على احد

- مشيتك لازم تكون راكزه وكتوفك مرفوعه وراسك لقدام ومشيتك كلها نعومه وانوثه

- ثقي بنفسك مهما كانت عيوبك حاولي تعدلينها مو تفقدين الثقه( اللي يمشي واثق يمشي ملك)

- خلي صوتك دايم هادي وكلامك قليل ومفيد ولا تقاطعين احد بكلامه

- واذا تكلمتي مع مجموعه لا تقدمين راسك خليك ثابته وكلامك شوي شوي.

- انتبهي لطريقه اكلك وتعلمي الاتكيت.

- ثقفي نفسك بكل المجالات ولو معلوات بسيطه وكثره القراء بتغير من شخصيتك للافضل بدون ما تحسين

- ثقفي نفسك بامور الزواج وخلي المعلومات توصلك من اماكن موثوقه ومحترمه.

كذآ خلصنآ هذآ الجزء الخآص بـ قبل الزوآج


يتبع....

>>>>> ردود الأعضـــــــــــــــــــاء على الموضوع <<<<<
==================================


.. [ 2 ] .


~ { عند الخطـوبـه [ ] } ~

وهـي الأشياء اللي لآزمـ تسوينهآ عند الخطبـه :
وتنقسمـ الى ثلآث مرآحـل


اول مـرحـله ~


مو عليك هاذي على اهلك..السؤال لازم اهلك يسألون عنه كويس حتى لو كان قريبكم (في المسجد..جيرانه.. زملائه في العمل واصدقائه )
صدقوني هالخطوه مهمه مويومين او ثلاث وتقولون ايه زين (ترى اذا فات الفوت ما ينفع الصوت) وعلى فكره الوسامه
والمركز الاجتماعي وكثره المال مو هي اللي بتخليه يسعدك لاكن اذا كان زين والاشياء او بعضها فيه خير على خير
بس صدقوني وهالكلام يعرفونه المتزوجات اهم شي الاخلاق والدين
اهم شي صدقوني

ثـاني مـرحـله ~



والله سألتوا عنه وطلع الرجال زين وصار فيه ارتياح نفسي مبدئي تروحين حبيبتي توضين
وتفرشين السجاده وتصلين وتستخيرين الله يعني تدعين ( اللهم اني استخيرك بعلمك واستقدرك بقدرتك و
اسألك من فضلك العظيم فانك تقدر ولا اقدر وانت تعلم ولا اعلم وانت علام الغيوب
اللهم ان كنت تعلم ان زواجي من فلان خير لي في ديني ودنياي وعاقبة امري فقدره لي ويسره لي
ثم بارك لي فيه وان كنت تعلم ان زواجي من فلان شر لي في ديني ودنياي وعاقبه امري فاصرفه
عني واصرفني عنه واقدر لي الخير حيث تشاء ثم بارك لي فيه)
ادعي وانت خاشعه وبعدها
ان حسيتي براحه توكلي على الله ووافقي
وان حسيتي بضيقه صدر الله يرزقك غيره
واذا ما حسيتي بشي توكلي على الله واذا مو خيره ربي راح يصرفه عنك


ثالث مرحـله ~

الان تمت الموافقه تجي النظره الشرعيه

- لاتبالغين في شكلك بعدين ينصدم فيك بعد الزواج ويمكن يسمعك كلام ما تحبين تسمعينه.

- الشعر سرحيه تسريحه حلوه وبسيطه اهم شي مايكون على وجهك عشان يبان الوجه واذا شعرك
مو ناعم لا تستشورينه الافضل تحطين جل وتجعدينه وتحطين ورده صدقيني بيطلع حلو وخليك طبيعيه احلى.
المكياج .. ان كا ن ولا بد فاونديشن خفيف.. ولا تخفين عيوب وجهك الكبيره .
كحل من جوا العين
بلاشر خفيف .. لانه يمكن مع الخوف يصفر وجهك فيصير تعويض
قلوس خفيف.. وصدقيني مع الابتسامه الحلوه بتطلعين قمر
وعلى فكره اصلا الرجال الاغلبيه منهم ما يحبون المكياج الثقيل
(بس يموتون بالكحل بدون شدو والقلوس . يعني الشفايف هههههههههههه)
اللبس..اهم شي يكون ساااااااااااااتر ترى مو محرم لك وتذكري ممكن أي شي تسوينه
حرام يكون سبب لعدم توفيقك .. الله يوفق الجميع
المهم اللبس زي ما قلنا ساتر+ غير مبالغ فيه
لكن هنا يجي الذكاء .. يعني هنا البسي احلى ماعندك وعلميه انك تعرفين الذوق والشياكه
وبكذا راح يشوفك طبيعيه وانيقه ( ترى راح يقول بنفسه هاذي وهي بدون مكياج ولبسها كذا اجل وشلون . تـرى الرجال خيالهم واسع)

- اذا دخلتي مو على طول تناظرين لا ادخلي بحياء(بس مو عاد مره تمصخونها) وخليك واثقه ( بالمختصر طبيعيه)
واذا جلست شوي بعدين ارفعي وجهك شوي وناظري فيه بس خليك خجوووووووووله ومبتسمه ترى يموتون في البنت البشوشه
مو اللي كن عمرها 70 هموم الدنيا فوق راسها ويمكن مع ابتسامه حلوه ونظره حلوه منك يطيح في حبك
- البعض عند النظره يسأل البنت كم سؤال عالطاير عشان يسمع صوتها وياخذ لو فكره عن تفكيرها عشان كذا
- لا تخلين خجلك الزايد يمنعك من الكلام بس خلي اجوبتك واضحه ومختصره والصوت واضح لاكن واطي وكله انوثه


وبالتوفيق للجميع



[ الحين كل بنت بتنخطب تروح تسوي بروفات . ] ~



يتبع....


__________________________________________________ __________

.. [ 3 ] ..


~ { التجهيـز لـ الملجه } ~


بعد الخطوبه والموافقه التامه يتم تحديد (عقد القران) فيه ناس تكتب العقد لكن مايشوفون بعض الا ليله الدخله
فيه ناس لا عادي تكلمه وناس تطلع معاه مع وجود اطفال معهم
وفيه ناس تسوي حفل (عائلي ,صغير.كبير نوعا ما)
المهم احنا راح نفرض انها راح تسوي حفله وتشوفه



[ وش الاشياء اللي راح تسويها ..! ] ~

- اول شي تحجز لها فستان وجزمه سواء تفصيل او جاهز ويفضل انه يكون فاتح ويبين انوثتها ونعوم
لان البعض يمشي على الموضه واحيانا تكون الموضه فضفاضه من فوق او فيها حركات
(وهالاشياء تنفع اذا كانت معزومه وبتوري الناس كشختها وانها تعرف الموضه )
لاكن الرجال صدقوني ما تعجبهم هالاشياء وهنا المهم زوجك اولا واخيرا
- تحجز الكوافير اللي راح تسوي مكياجها وزي ما قلنا المكياج الثقيل ما يعجب الرجال
وحتى انا شخصيا ما يعجبني الروج خليه فاتح نصيحتي والعين بدعي فيها بس بذوق
التسريحه كل واحد وذوقه وشوفي وش الدارج بالتسريحات واللي يناسبك
-تشتري الطقم اللي بتلبسه سواء اكسسوار ( البعض يفضله مثل شوار فسكي) اوذهب او ماس كل واحد وعاداته
- حجز المصوره للي تبي
- حجز الحلويات والعصائر والقهوجيات
- حجز المكان اللي راح تسوون فيه الحفل (اذا مو بالبيت) والعشاء طبعا من المطعم
- بالنسبه للطق ان افضل دي جي للملجه
- تكثف العنايه ببشرتها هالايام
- تشتري لها عطر يهوس


[ قبل الملجه بيوم ] ~

تروح مركز او مشغل موثوق(افضل المركز)

- تشيل شعر جسمها
- تنظف البشره
- بديكير ومناكير( والدارج الان احمر ,بنفسجي)
- حمام زيت
- وترجع البيت تشرب لها عصير وتناام


[ نفس اليوم ] ~

العصر تاخذ لها شور محترم وتفرك جسمها بالسكراب او ليفه( بس انتبهو لا تقطعون اجسامكم)
بعدها نشفي جسمك تنشيف خفيف(وحطي مرطب وهو لسه رطب لانه يحبس الرطوبه فما يجف جسمك)
المهم بعدها رشي البودره على جسمك وتبخري ورشي العطر على جسمك وملابسك
وروحي للمشغل يسووون لك الميك اب والتسريحه
وبعدها شيلي شلايلك وروحي البيت او الاستراحه او القاعه او الفندق(كل واحد وعاداته) والبسي وخذي لك كم صوره مع المعرس.

.. [ 4 ] ..


~ { أيـآمـ الملجـه} ~


من تجربة صديقاتي وتجربه الكثيريييييين اهنئ كل وحده تدخل هالمرحله لانها كلها رومنسيات وحب ودلع
وروحات السوق يعني اسميها (مرحله الدلع) ، حتى اهلك ما يرفضون لك شي لانك بتفارقيهم (الا اذا كان مو معقول)
وراح اتكلم عن هالمرحله في نقاط للتسهيل . .


1/ اللبس

خلييييييك شيك على قد ما تقدرين غيري من تسريحات شعرك غيري من المكياج غيري بس اسلوب
لبسك خليه يشوفك في كل مره اميره جديده . طبعا بيموت عشان يشوفك لابسه مشخلع ومفتح
- من ناحيه الدين ؟ يجوز
- من ناحيه العادات.؟ كل وحد وعاداته بس لكل شي حد يهني ممكن كت او شويه من الصدر اوالظهر
ممكن بناطيل وخلافه ترى صار زوجك بس موعاد كنك لابسه قميص نوم لا ترى كل شي له حد على الاقل احترمي حرمه بيت اهلك
وانا قلت تلبسون كذا بس من فتره لفتره لزوم التشويق وغض البصر عن غيرك
طبعا الايام الاولي البسي ساااااااااااااااااااتر وخليك فتره حتى لو طلب بعدها فاجئيه بلبس من اللي قلت عليهم وشوفي الاطراء
وهكذا فتره تستري وفتره لبس دلع عشان ما يطفى
وطبعا قبل الزواج بشهر ونص كم طويل لانك راح تخلين الشعر من دون شيل استعداد للعرس

2/ علاقتك معاه


اولا. قسمي الفتره من عقد القران الى موعد الزواج [3 ]

- الفتره الاولى ~

خليك هاديه على الاخر ورسميه شوي وغامضه وصدقيني كذا هو راح يتكلم بما انك ساكته
ولراح تعرفين شلون يفكر عشان بعدين تعرفين ، وش تقولين وما تندمين على شي قلتيه
وعلى فكره الرجال مهما كان متفتح يموت على الغامضه والثقيله يبي هو يعرف يطلع ها من
غموضه وهذا اللي راح يصير في الفترات الثانيه وبكذا عشان يحس بقدرته الكبيره وبكذا يحبك اكثر ويلاحقك اكثر عشان
يفك الغموض اذا قال نكت اكتفي بابتسامه مع ضحكه صغييييره
بس انتبهومو تكشروون لا خليكم بشوشات اذا ناظر في وجهك يتفائل بالمستقبل

- الفتره الثانيه ~

وسط بكل شي يعني تسولفين وتاخذين راحتك بدون تعمق بس لا تطولين الهرج بعدين
يمل خلي شوووووووويه غموض واذا قال نكت عااااادي اضحكي من قلب بس خلي ضحكتك انثويه
يعني طبيعيه وبحدود

- الفتره الثالثه ~


خلاص قرب موعد الزواج تناقشي معاه بااسلوب حلو حاولي تفهمينه اكثر
ممكن تنكتين تورينه خفه دمك براحتك
ممكن تتناقشون في اشياء خااصه بس لا تتعدين حدودك
مثلا اذا سألك عن موعد الدوره ما فيها شي لكن العميق نصيحه مني اذا ناقشك صرفيه بطريقه دبلوملسيه
ممكن في هالفتره بوسه عالطاير من باب التشوييق وتقربكم لبعض اكثر


3/ الرسايل

- الفتره الاولى ..

في البدايه خليه هو يراسل لفتره بعدها ابدي برسايل عاديه وبريئه ممكن الرسايل اللي فيها ( اختار من 1 الى 10) توسع الصدر
اواللي تجي (7اسئله جاوب عليها بصراحه) وبكذا تكتشفينه اكثر بدون احراج

- الفتره الثانيه ..

رساااااااايل حب شوق عتااب وهكذا
بس حاولي 60% هو اللي يبدا و50% انت

- الفتره الثالثه ..

كلهاااااااااااااااا شووووووووووووووووق بوساااااااااااااااااااات
والحديث عن المستقبل


4/ الطلعه معاهـ

اذا طلب منك تطلعين معا او يه بس بشرطين لا تتنازلين عنهمـ :-

-علم الاهل
- تاخذين معاك اختك او اخوك الصغير
ولا تسمحين له باي حال من الاحوااااال انه يسوي معك حركاات اباحيه او الي بالي بالكم
ترى حتى لو واثقه فيه من يدري يمكن يموت (لاسمح الله قبل الزواج) بعدها وش تقولين للناس
وين الاثبات
ممكن تنقلب حياتك تعاااسه
خليه بس بوسات وخفيفه بعد ترى لاحقيييييين ومنها تشويق له

5/ التقديم

طبعا اذا جاء عندك انوااع العصيرات والحلى وتفنني في الكابتشينو
صيري مبدعه وبايدينك وخبريه انك انت اللي مسويتها
اللي ما تعرف لاتقول ما عرف المنتدى مليان

6/ المفاجأت

ممكن تسوين حفله خاصه في البيت بسسب شي زين صار له واذا مافيه سبب قولي بدون سبب بس لعيونك
وطبعا تجيبي كيكه وعصير وتقعدوون على اضواء الشموع


:
يتبع...


__________________________________________________ __________

.. [ 5 ] ..


~ { التجهيـز } ~

وراح نتكلم عن الحجوزات بشكل مفصل لاكن قبلها راح اعطيك كم نصيحه كل ما التزمتي فيها اكثر
راح يتبارك المهر وتخلصين في وقت قياسي وانت راضيه عن الجهاز وبنفس الوقت يقل اثار التعب عليك


1) قبل كل شي اشتري دفتر وقلم وحددي مهرك وكم راح تصرفين منه
( افضل تبقون لومبلغ بسيط لك في البنك ما تدرين عن المستقبل) وتكتبين كل الاشياء اللي راح تشترينها
من الالف الى الياء حتى اذا بتروحين لاخصائيه بشره احسبيها مو بعدين تتوهقين وسوي لها ميزانيه ولو تقريبيه
وكل ما حجزتي شي او شريتي حطي جمبه المبلغ اللي دفعتيه وبكذا كل شي راح يكون مرتب.
2) انا قسمت لكم التجهيز ابدي بالاهم ثم المهم وهكذا يعني 3ايام للمكياج واسبوع للبس الطلعه وهكذا وبكذا راح تخلصيين بسرعه ما تتوقعينها.
3) اهم نقطه كل مره تروحين فيها السوق تاخذين من المبلغ ولو5 دراهم تتصدقين فيها وشوفي البركه شلون راح تحل عليك.
4) وانت رايحه السوق خلي معاك مويه وعصير على طول الخط وبين فتره وفتره اشربي والتعب راح يروح وما راح يبين عليك الارهاق.
5) قبل ما تروحين السوق لازم يكون عندك خلفيه مثلا .. تبن عطور يكون عنك لسته بالعطوور اللي مجربينها البنات ومادحينها بقو كذا تختصرين عليك وقت ومجهود.
6) اول ما ترجعين من السوق على طول خذي لك دش وفركي جسمك خفيف باليفه مع الشور جل
او قشريه بالسكراب بحركه دائريه ( انتبهو لا يحمر الجسم من الفرك ولا ترى يقلب سمار
وقشري وجهك بسكراب خفيف
واذا طلعتي دهني جسمك حتى اخمص القدمين وحطي عسل على وجهك وشفايفك وحطي خيار على عيونك
واسترخي نص ساعه وبعدها غسلي وجهك وحطي مرطب مع مساج خفيف وبعدها اشربي عصير فرش وتعشي عشاء صحي
بعدها روحي توضي وصلي ركعتين وادعي الله بانه ييسر لك امورك ويحبب زوجك
(وراح اكتب لكم ادعيه تفيدكم ان شاء الله في نهايه الموضوع )
وبعدها اقري قران او كتاب يفيدك او اختاري موديل العرس اذا لسه ما اخترتيه من البرد


7) الاشياء اللي يبي لها حجز واذا خلصت منها اعتبري نفسك خلصتي من نص التجهييز
وهالاشياء البعض منها على اهل المعرس لاكن لازم تشيكين عليها.
8) اشتري لك ملف صغير عشان تحطين فيه الفواتير عشان ما تضيع.


الذهب

من بدري اشتريه واخلصي منه واذا كان غالي ممكن تحطين فلوسه على جنب ولا تجينهم واذا رخص اشتري


القاعه

على حسب ناس بالبيت وناس باستراحات وناس قاعات وناس فنادق
شلون تختارين
قدري عدد المدعوات للحفل
مري على القاعات او يمر احد اخوانك او انت والعريس على كم قاعه وشوفو اللي يناسبكم
من حيث الخدمات والاتساع والسعر المناسب لكم.
حددو موعد الزفاف.
وتاكدي من كل شي بنفسك. عشان النواقص انت تدبرينها.
طباعه كروت الدعوه
طبع بعد ما تحددين الزواج تروحين سيده على المطبعه وتختارين الكروت ولفي حول 5مطابع معروفه
وواثقه منها وشوفي الاشكال الجديده والاسعار والعروض ولفيهم بيوم واحد واليوم الثاني تكونين قررتي الشكل والعددواتفقي مع المحل يسويهم لك

الطقاقات

وهذي برضو شوفي ناس معروفين وطقهم زين واهم شي ما يكونون حق مشاكل واحجزيهم على
طول وعطيهم العربون وخذي مهم وصل عشان تحفظين حقك.


الكوشه + المسكه + الطاولات+الممر + الفوفل + الهدايا + شريط الزفه + حركات الزفه+الاستقبال ...الخ
هادي المجموعه مو شرط كلها تسوينها اهم شي الشريط والكوشه والمسكه
انا اقترح انها تكون من محل واحد عشان ترتاحين من اللف والدوران من جهه ومن جهه اخرى عشان يسوي لك خصم
خذي لك لفه على 10 محلات موثوقه واسعارهم معقوله وتناسبك وخلي دفترك معاك وكل ما تروحين
محل اكتبي اسمه والاشياء اللي عنده والاسعار وبعدها توكلي على الله واحجزي
البعض يكون عندها او عند اختها موهبه وذوق فممكن تصمم لها كوشه خاصه وتوديها للنجار
او ممكن تسوين الفوفل والهدايا في البيت ترى ما يبي لها شي
اهم شي الترتيب والذوق بغض النظر عن انه غالي او رخييص


ونصيحه مني /

اولا .. لا تكلفين على عمرك لان الناس ماراح يعجبهم العجب حتى لو انه ياخذ العقل بينقدون نصيحه
استفيدي انت من فلوسك او تصدقي فيها يمكن تبدل حياتك من شقاء الى سعاده

ثانيا .. الشريط ورتبي فيه الزفة اللي تبغيها واعتقد المنتدى ماراح يقصر معاكم
وعندي بعض الحركات اللي ممكن تفيدك


__________________________________________________ __________

الهدايا

1ممكن ورد طبيعي .
2ممكن شوكولاته مغلفه بقماش الاورجنزا

الحركات

1) تسوين هديه للام او مثل زواج انا حضرته اول ما طلعت العروسه على الكوشه جت امها وام زوجها وجابت لها بنت عقدين من الورد ولبستهم حول الرقبه
2) ممكن عند المدخل تسوين قلب من الفلين ويتغطى كله بالورد وينكتب عليه بالورد بس بلون مخالف اسمه واسمك
3) طبعا ممكن يكون كل العرس بديكور واحد والمضيفات لابسات شي يوحي بالديكور
وهناك الكثير من الافكار عند اصحاب المحلات ولا تنسين نصيحتي (الناس ما يملي عيونهم شي)

وهذي ايضا بعض الافكار لطشتها من المنتديــات ..

1) اول حركه انها قبل لاتدخل العروس دخلو طفلتين ماسكين سله فيها ورد يمشون شوي وينثرون على المعازيم الطفله
اللي من صوب اليمين تنثر على المعازيم اللي من صوبها والثانيه كذالك تنثر على المعازيم اللي بجهتها لين يوصلون للمسرح بعدها تدخل طفله ماسكه باقة الورد
وتوقف عند المسرح وتجي العروس وتمشي لين توصل للطفله وتبوسها على راسها وتاخذ منها الباقه
ويوم دخل المعرس ادخلت وراءه طفله ماسكه سله في ورود كل ورده مغلفه مع بيت شعر وتوزعه على المعازيم


2) دخلو اول شيء طفل وطفله ماسكين يد بعض بعدهم طفل ماسك ثلاث مخدات من الاصغار مربوطين فوق بعض
ومربوط فيها بلونات وبعدها طفله ماسكه عربه فيها قفص عصافير ويدام القفص شموع معطره
ويوقفون على المسرح
بعدها تجي العروس وتقص حبل البالونات وتطفي الشموع وتبطل القفص ويطرون العصافير


3) ان االعروسين يلتقون بنص الطريق يوم يلتقون تاخذ العروسه باقه ورد وتعطيها المعرس باقه صغيره وتعطيه مسباح ويكملون الطريق مع بعض


4) حضرت عرس وكان فيه فكرة وهي ان كل أهل العروس لابسين هندي كل حد بلون مختلف وطريقة تقريباً مختلفة لكن المهم أنه هندي،،
أنزين والكوشة كانت على شكل تاج محل يعني فيها قبة وأعمدة ، وقبل ما تدخل العروس شغلوا أغنية هندية
طبعاً العروس والزفة طبعا هندية ومشت على الستيج وكانت لابسة فستان هندي شكله كان فخم لكنه هندي وما كانت ماسكة ورد في إيدها ولا شئ .
وبعدين دخل المعرس وكان لابس (شو تتوقعون ) خطأ مش هندي لابس دشداشة وبشت
والى هني خلص الفيلم الهندي بس كانت فكرة حلوة ويديدة ومع ان عندي تحفظ على فستان العروس أحس ان أفضل لو كان فستان عادي بالرغم من إن فستانها كان فخم .
((وبصراحة خفنا يطلع العرسان اخوان مثل الأفلام الهندية ؟؟))


5) بنات هذه بعض الأفكار والمقترحات للعرس الإسلامي
ونحن نعلم أن الدين إذاخالط المناسبات أصبح فرحا وإن لم يكن أصبح ترحا


**... يضايقك لبس المدعوات الغير محتشم ؟؟::


ارفقي مع بطاقة الدعوة عبارة (( الرجاء الالتزام بالزي الاسلامي الحتشم منعا للإحراج ، كذلك لا تنسي أن تكوني نموذج أنت
وعائلتك للزي المحتشم وبإذن الله تقللين من اللبس الفاضح


** نظمي مع لجنة خيرية تستقبل فائض أطعمة الولائم لتوزيع باقي العشاء على المحتاجين
** لا تنسي رعاك الله استضافة داعية بشوشة لتلقي خاطرة بسيطة لا تتعدى ثلث ساعة حتى يتعطر الحفل بذكر الله
** حبذا لو اجتمعت الفتيات من العائلة لضرب الدف فهذا أفضل من الاستئجار أو الأشرطة
** إذا كان الحفل في بيتك - وهذا أفضل لك - وأنت متضايقة من زحمة الأطفال ، أنصحك بوضع تلفاز وفيديو في غرفة بعيدة عن الحفل وتضعين
لهم فلم كرتون إسلامي جديد في التسجيلات حتى ينجذبون إليه وادعيهم إلى المشاهدة لكن انتبهي إياك أن تكون الدعوة إجباريا
** وزعي شريط خاص بالمرأة بتغليف أنيق غير متكلف مع شوكلاته وكرت أذكار الصباح والمساء، ولا تنسي إهداء العاملات أشرطة إسلامية بلغاتهم


** أخيراأخيتي لا تنسي التخطيط لحفلتك لتنظيمها فأنت ترين عرسا مجهز بأفخم التجهيزات لكنه فوضوي لماذا ؟؟؟ السبب غياب التنسيق والتخطيط
وأقصد بالتخطيط :::

أحضري قلما وورقة
حددي من يساعدك من أخوات وقريبات
حددي لكل واحدة الإشراف على شيء معين فمثلا::
شذا على العصير
مريم على توزيع الأشرطة .....الخ
ويكون لكل واحدة فريق عمل سواء عاملات أو قريبات
وهذا يساعدك عشان ما تصيحين مثل النحلة ويدوخ راسك


وبعد ان انتهيت من الافكار وانا عارفه ان كل وحده الحين بطلع منراسها عشرات الافكار التزمو بالبعد عن المعاصي
وبعد ما تخلصين حطي اشاره عليها في دفترك عشان ترتاحين
لا تصعبونها اسبوع وبالكثير تخلص
لا تنسون الفواتير

فستان العرس والطرحه والجزمه
طبعا وانت رايحه تشوفين الكوش ممكن تاخذين يعني اول ما تبدين باللف مري على السوبر ماركت واختاري لك كم مجله واختاري الموديل اللي تبينه للعرس
وايضا فساتين السهره اللي تحتاجينها (لا تكثرين عن 2) وفستان الصباحيه ( واللي افضل يكون كله نعوووومه)
بعد ما تختارينها وتخلصين من كل الاشياء الي كتبت عنها فوق تروحين السوق وتشترين الاقمشه ويفضل
يكون معاك احد ثقه بالذوق وويعرف يكاسر بالسعر عشان تستشيرينها وتقلص عليك الوقت
وبعد ما تشترينها مري خذي لك جزمه للعرس وفساتين السهره وعلى طول علاخياطه وفكي عمرك ولا تنسين الفاتوره وموعد البروفه.
او ممكن مصممه هي تسويها لك مع التفصيل وبكذا ترتاحين. صح


الحلويات+ المعجنات+العصيرات (التقديم)

برضو خذي لك لفه على سبع محلات معروفه وشوفي انتي تبين توزيع او على الطاولات وخبريه بعدد المعازيم وعدد الطاولات وهو راح يساعدك
ممكن على كل طاوله نص كيلو من الحلى والمعجنات
وتمرين بالعصير والكيك
كل واحد وذوقه

اهم شي في يوم واحد خصصيه لها الشي واكتبي اسماء المحلات اللي بتمرينها من بدري ومعاك ورقه فيها التفاصيل اللي تبينها وراح تخلصين بيوم
مع التخطيط كل شي يمشي


الكوافير+ المصوره+ اللي بتشيل لك حلاوه

اولا الكوافير..

شوفي السعر اللي يناسبك واختاري 5 مجربااااااااااات واحجزي عند وحده ولازم تسوين بروفه او ممكن تشوفين شغلها على
وحده او اذا مشغل ممكن تروحين بس تناظرين شغلهم
اذا ok احجزيها بسرعه قبل ما تقول لك انا محجوزه..
وخذي منها وصل عشان ما تلعب عليك وتوهقك
اكتبي رقمها بالجوال والدفتر واكدي عليها قبل باسبوع من العرس وقبل بيوم


المصوره..

نفس الشي مري على4مصورات الي تشوفين اخراجها حلو احجزيها وخذي الوصل وحددي معاها الساعه ااي تبين تجيك فيها
وححددي عليها بالدفتر


الحلاوه ونقش الحنا..

خذي لك وحده معروفه(يفضل سودانيه لان هذي شغلتهم) ويفضل بعد اللي تسوي لك دلكه بعد الحلاوه
يفضل قبل الزواج بيومين عشان اليوم اللي قبل الزواج لازم يكون استرخااااااااااااااااااااااااا ااااااااء


يا حلوات هالاشياء اللي قلتلكم عليها اذا خلصتي منها اعتبري نفسك خلصتي الهم الكبييييييير
والاشياء الثانيه حتى شرائها فيه متعه
عشان كذا تفرغي لها تفرغ كاااااااامل ولا يزيد عن اسبوعين( همتكم)

هذه قائمة بأهم إحتياجات العروس اللي أتمنى أن تكون شاملة


__________________________________________________ __________

يالله نبدأ:

(الملابس الداخليه)

ملابس مريحه للنوم شفافه وخفيفه
ملابس داخليه للطلعات والدوام
أطقم سنتيانات للبيت غير مبطنة
أطقم سنتيانات سهرة
كلوتات انفرادية ألوان متعددة
ماركات الملابس الداخليه)
ايتام
شانتيل وافضل للعرايس منها الاطقم الفخمه التل او الدانتيل المشغول والالوان الاسود والعودي والباذنجاني
لاسنزا
نعومي
البي اتش
لاسنزا للمقاسات الصغيره وشانتيل للمقاسات الكبيره
وفيه أشياء حلوه مو ماركه لكن خامتها ممتازه
وافضل ستيانه تشد الصدر الكبير هي
push up
موجوده عند كل الماركات..... انتي بس قوليلهم ذا الكلمة
بس حتى البوش اب في اكثر من نوع
اذا تبغون وين باالتحديد تلاقونها مثلا عند ماركس آند سبنسر

ملابس النوم:

طقمين ارواب
قمصان طويلة بدون ارواب عدد :
قمصان قصيرة عدد:
بجايم حريري عدد
بجايم قطنيه عدد
كورساج + ستوكنغ اللي تجي فيها الشراريب و بعدين يشبكونها في الكورساج من فوق عرفتوها؟ عدد
متوفره عند نعومي

(ملابس البيت)

أقمصة قطنية طويلة عدد
أقمصة قطنية قصيرة عدد
أطقم شورتات قطنية+جينز عدد
تنوره قصيره عدد
تي شيرت عدد
بناطلين عدد
فساتين قصيره عدد
بودي عدد.

(ملابس خروج)

يفضل شراء الملابس الجاهزه ولاتكثرين من الخياط لأنو حظوظ
ولاتكثرين من فساتين السهره الثقيله خلي واحد للصباحيه والثاني احتياط
والباقي فساتين زيارات وتيورات
واللون البرتقالي والفوشي حلو مع الذهب يحلي العروس باالأضافه للفضي اذا كان معاه كريستالات فضيه
والعنابي
والوردي
والكحلي
والسماوي
اذا كان داخل عليها الذهبي
باالنسبه للموديلات لاتروحين للمصمم لأنو بياخذ على الرسم مع ان الرسم عادي ويقدر اي احد يرسمه
عندك اقرب بقاله خذي مجموعه من المجلات المعروفه
سيدتي- الجميله-كل الاسره-زهره الخليج-اسرتي-لها
تلاقين فيها عروض أزياء تناسبك وقمه في الأناقه والذوق وبرضه جديده وتوفر عليك اختيار لون ونوع القماش احلى من مجلات الأزياء الخاصه لمسات وغيرها نقي لك منهامديل فستانين واحد للصباحيه وواحد احتياط وخيطيهم عند اي خياط تثقين فيه
اما ملابس الزيارات راح تلاقين في السوق تيورات كشخه ومناسبه لمقاسك وجاهزه من غير ماتعذبين نفسك في الخياط ومشاكله
برضه راح تحتاجين
جلابيات للأستقبال أو اذا كنتي ساكنه مع اهل زوجك
باالأضافه للتنانيرالجينز والأسود اللي تناسب كل تي شيرت ولاتنسين مديل اللف منها كلها أنوثه ممكن تفصلين لك كم وحده تلبسينها لما تخرجين مع زوجك نزهه أو مطعم
وبناطلين حلوه لشهر العسل

(الذهب )

لاتكثرين لأنو راح يجيك هدايا سواء من اهلك أو من اهل زوجك
خذي لك طقمين أبيض واصفر واذا كنتي ماتحبين الذهب الأصفر
لاتكثرين منه لأنو حلاته يوم الصباحيه اذا جيتي بتسلمين على اهله وبس
فااحلى شي يكون ذهب أبيض والماس
ساعه حلوه
واساور مع الساعه
وطقم ناعم
خواتم
فيه تعليقات الماس قمه في النعومه واللمعان عند الثميري في الرياض

(الشناط)

الموضه في الشنط المشكوكه
راح تلاقين أشكال حلووه باالمره وخذي لك ثنتين عمليات
لما تطلعين مع العريس
الله يرحم ايام زمان كانت شنطتي كبر كفي
وهذه ماركات شنط حلوه
فندي و جوتشي و كريستيان ديور و لويس فيتون و جيفنشي و الكارتير و الشانيل بولغري تورنتو واستغلي وقت التخفيضات

(اغراض الحمام)

طقم روب
عدد من الفوط
شامبوهاتك وصوابينك المفضله
كريم حمام زيت<< ضرووووري بتدعين لي
شفرات حلاقه واختاري نوعيه جيده وماتسبب لك حساسيه وتخلصي من الشفره فور الأستعمال
رغوه حلاقه فيه رغوه حلاقه باالتوت لونها موف تلاقينها في السوبر ماركت تقريبا ويجي معها شفره كهديه لكن الرغوه روووعه وريحتها تجننننن
كريم صنفره
أسكينول منظف للبشره
فرشاه +معجون
على نكتار أخذت منه زبدة الجسم بالفراولة
ومعطر للغرفة
وأيضاً مكعبات جديدة لونها قريب من الأحمر غير الكور القديمة

رائحتها جداً جميلة للملابس والدواليب

مطهر غسول للفم هذا تستخدمينه بعد ماتفرشين جدا منعش وريحته منعشه
حبيبات بنكهات معطره للفم موجوده باالصيدليات
رغوه للجسم:أحلى الرغوات:
صانسليك- b5 وتجي معاه ليفه ناعمه جدا-
برضه ممكن تستعملين رغوه نونو الخاصه باالأطفال تخلي جسمك ناعم جدا
حلاوه لأزاله شعر الجسم واحلى حلاوه مجبره هي :شهرزاد لونها موف وغطاها أبيض
غسول للمنطقه الحساسه صابون سائل في الصيدليات بثلاث نكهات يعتبر غسول للمنطقه جدا ممتاز وصناعه فلبينيه فيه باالتفاح والفراوله والنعناع
بودره المسك (للمنطقه الحساسه) تلاقينها عند العطار
مقصات ومبارد الأظافر
فوط صحيه
فوط الإستعمال اليومي
غسول خاص طبي طبي للمنطقه جربوا ( لوكريما ) او (ديو- سيبت ) يعني غسول طبي خالي من الكحول

شموع +ولاعه <<<تعلمينه انك رومانسيه بعد ماتطلعين مستحمه خلفي ورى خروجك من الحمام شموع مولعه
فواحه بحجم الكف تلاقينها عند زهور الريف وعندهم انواع متعدده من الزيوت العطريه اللي تستعمل مع الفواحه اختاري اللي يناسب ذوقك راح تعطي الحمام ريحه حلوه
ولاتخلينها فتره طويله مولعه علشان مايسير الحمام مخنوق ربع ساعه تكفي
علبه ديتول
اعود قطنيه
فازلين
مشط***فرشة شعر
غسول الأيدي
اذا توسخت ايدكم لها المنتج زي الصابون بس ما يحتاج تغسلوا ايدكم بعده بماي ويقتل الجراثيم مفيد للجميع وخاصة لو تعودوا اطفالكم بالمدارس لو دخلوا الحمام الله يعزكم أو قبل الاكل يستخدموه عن الجراثيم تلقونه بكل مكان وباحجام مختلفة وسعر رخيص
المناديل الواقيه اللي اسمها كير فري

يتبع...