ليلهـ دخــلتي ....! حياة اسرية
عنوان الموضوع : ليلهـ دخــلتي ....! حياة اسرية
مقدم من طرف منتديات نساء الجزائر
ليلهـ دخــلتي ....!
السلام عليكم ياحلويين
...مستعدين للقصه..
.يالله عيشو الجو
أجيب لكم من الآخر...طبعا أختكم في الله كانت قمة الدلاخه بريييييييييئه .....بريييييئه(وانا
أكتب لكم بريئه حاطه قرون شيطون فوق راسي)ثقافتي كلها كتاب تحفة العروس ....ولا بعد
كل ماقريت شي مش ولابد قلت يابنت لايهمك هذا الكاتب وسخ ...وإلاطلعت صورة
المذكور وطالعت بوجهه وقلت لاشكله بريء مايعرف شي (طبعا أنا ماقد كلمته ولاشفته بس
بالصوره )...وهذا حالي كل ماقريت الكتاب إلين حفظته وكان عندي نت بس ماكنت أفتح على
شي خوااااااافه عندي رقابه ذاتيه وحتى لوطلعت لي صوره مش ولابدماأفهم التداخلات
(فاهمين طبعا التداخلات)وخواتي يقولون لي بعد ماتزوجت كذا مره طلع قدام عوينك صوره
وانتي الدلخه ماتفهمينها...ماعلينا المهم...صارو زميلاتي يعدون لي العد التنازلي باقي يومين
على زواجك وأنا ألعب كيرم وأغني(وهي خاااااربه خااااااااربه خلينا نعميها)باقي يوم على
زواجك باقي ساعه ويدخل المعرس وأنا طول مالكوفيره تزين الميك اب تبعي وأنا أغني
وارقص جتني حاله إلين ماجا الصدق وفعلا حسيت أنهم مصدقين قلت تراني أمزح خلاص
هونت وجلست أبكي وصار الكحل طبقتين ودخل المعرس ومنديلي معي وسلم علي وجلس
وقال وش أخبارك طيبه عساك مستانسه(وأنا بنفسي أقول الحمدلله والشكر فيه أحد يقول
لعروس عساك مستانسه انت والله إللي طاير من الفرحه واناإلله يعيني علىإللي بيجيني)
المهم قط العصير وأكل الكيكه وقال يالله مشينا قلت والله النشبه وش لون أصرفه إلحين
مأأقدر اقوم أغير فستاني وهو مبلط ,,فستاني ثقيل ولاأقدر أمشي أنتفض من الخوف قلت
لأخوي بالله صرفه ,,وطلعه أخوي وقلت لخواتي والله بتغيرون لي فستاني وإلا مو لازم
بالطقاق بقعد عندكم ولبسوني فستاني الأحمر العاري وكانت تسريحتي مرفوعه عشان
الفستان الابيض لبست عباتي ورحناللبيت وهو يقول لي عساك مبسوطه قلت لاحووووول
وش فيه ذا وش يحسب نفسه...
عموما أول مادخلت بيتي قلت وأنا لابسه عباتي قلت لوسمحت وين دورة المياه وأنا طايره
ودخلت بعباتي لدورة المياة حرمه ستيره ماأبيه يشوف شي مني وفستاني عاري وأبي افك
التسريحه عشان يغطي شعري ظهري وصدري وقعدت ساعه أطلع المشابك إللي حاطتها
الكوفيره شكلها حاطه ثلاث درازن مشابك وهو يطق الباب قلت ياخي وش فيك مستعجل
على رزقك قلت يالله فك معي بلهييه إلين مايطلع الصبح وأضحك عليه..أمزح..طق الباب
وحطيت الورده الحمراء في شعري على جمب مع الفستان الاحمر وفكيت باقي شعري
وطلعت وجلست في الغرفه الكنب وجلس الاخ جمبي ورجعت لي الحاله خريت له كل شي
وناسيه إن فيه شي يحتريني أصلا مبعدته عن بالي وجلسنا نسولف وخق الرجال قال
عطيني بوسه(قلت بصوت خشن الخلااااااااا)بعدين لحقت نفسي وقلت بصوت ناعم (بدري
توي ماتعودت طبعا بدلع) (عاد تحسبونه عطاني بوسه لا قال هذي شكلها عاقله
ونساها ) ..تهي تهي تهي..والرجال شكله مو طبيعي كل شوي يقول لي يالله أنا قايم من
الصبح وأبي انام قلت ببرود عااادي رح نام لا أبشرك أنا راعية سهر رح نام ولاعليك ..يحاول
من هنا من هنا والاخت مدلخه مافهمت وش يبي..كل شوي أقول لا أنا مافيني نوم أنت تبي
تنام رح نام لحالك...إلين ماحسيت إن عيونه بتاكلني قلت طيب طيب قال بتغيرين قلت إيه إيه
خفت تذكرت إن زميلاتي قالو لي بعض الازواج يشقون فساتين زوجاتهم..قلت حسافه
فستاني حلو..ودخلت لقيت الشيخ ينتظرني عالسرير وانا بنفسي أقول الظاهر مافيه مفر
وأخذت قميص النوم الأبيض وقالو لي خواتي عن مكان القطعه الداخليه وين مخبينها عارفين
بعض الشباب ملاقيف وسرقتها من غرفة النوم ولبست قميصي ولاحظت أن خواتي شايلين
البطانه حرام عليهم مسترته عشان مايبين شي من تحته(خابريني حرمه ستيره) قلت اوريكم
على هالمقلب زين ..ولبسته ودخلت غرفة النوم وأول شي سويته طفيت اللمبه أحسن
عشان مايشوف شي وجلست على طرف السرير وقال لي أقربي وقربت سم(يعني سنتمتر)
وقال بعد قربي وقربت سنتمتر ثاني وبعديييييييين..
بعديييييييييييييييييين
بعدييييييييييييين
بكره أكمل الجزء الثاني..
(مــــــــــــلاحظهـ )
القصــــــــــهـ
مـــــــــــو ليهـ
انــــا مجرد كـــــــاتبهـ لهـا
من مصدرهــا
>>>>> ردود الأعضـــــــــــــــــــاء على الموضوع <<<<<
==================================
الله يسامحك ياحبيبتي والله دورتي راسي من كثر مانزلت ادور بقية القصه ههههههه
__________________________________________________ __________
شوق مشاء اللهـ عليك دلفـــري
وش هـــا السرعـــهـ ههههههههه
اللهـ يعطيكـ العــافيهـ يا الغلا
وبكـــرهـ نكـــمل
__________________________________________________ __________
يعطيكي العافيه راندووو
فكرتيني باليلة الدخله وحلاوتها وخوفهااا وتوترهااا
ضحكتيني كثير بقصة القميص فكرتيني بااختي ومعاركنااا علي شكل قميص ليلة الدخله
اسلوووب حلووو في الكااااتبه مثل صاااحبته
في انتظاااااار الباقي غاليتي
__________________________________________________ __________
فين المهم هههههههههه حتى عشت مع اجواء القصةودكرتني بالدي مضى معليش حستنى لبكرة بس ماتاخريها تسلمي حبيبتي على القصة
__________________________________________________ __________
ههههههه
يعيني كملي القصة
شوقتيني
رد مع اقتباس
