عنوان الموضوع : الست لازم تبقى مُزة في عيون جوزها -لحياة سعيدة
مقدم من طرف منتديات نساء الجزائر

الست لازم تبقى مُزة في عيون جوزها







بعد التطور الطبيعي للحاجة الساقعة كان لازم من مواكبه العصر..حتى لو في كلمة قديمة زي كلمة مُزة
والمقصود بالمُزة بدون ما ندخل في تفاصيل مثيرة تثير أي حد بيسمع...أسمعوها بطريقة الشعر هي كل ست حلوة جميلة بشكلها أو حلوة وجميلة بروحها وخفة دمها أو حلوة وجميلة ببرفانها وقِصر لبسها أو حلوة وجميلة بأنوثتها ودلعها ورقصها

المهم خلاصة كل الكلام ده أنه يكون لواحد بس هو الراجل الغلبان اللي مستني يشوفك بطلة كل مسلسلاته الحلال في الحياة
هو الراجل اللي المفروض يشوفك أحلى واحدة في كل وقت
هو الراجل اللي عايز يشوف الدلع في طريقتك وفي لبسك وفي هزارك معاه
هو الراجل اللي عايزك تكوني من وقت للتاني فاكراه وعايزاه في لقاء حميمي إنتي اللي تفاجئيه بيه وتبهريه بإغرائك ولبسك ويستحسن ما يكونش في لبس خالص
هو الراجل اللي عايز يرتاح أول ما يرجع البيت بكلمة حلوة
ويرتاح بنظرة حلوة لست حلوة حلاله...مش واحدة في الشارع أو في التي في أكس واي زد يشيل عليها ذنوب

هو الراجل اللي نفسه يدخل البيت يشم ريحة حلوة من ست طعمة ورقيقة بتعمل كل حاجة برقة... وكمان ريحة أكل حلوة بعد يوم طويل فيه نقنقة أكل على الماشي ومافيهوش أكل طعم زي أكل البيت

هو الراجل اللي عايز يسمع كل حاجة منك بطريقة حلوة بس بعد ما يرتاح ويتبسط ويتفتحله الموضوع بشكل حلو يليق على موده النهاردة

لو عرفتي مين هو الراجل ده وبيمثلك إيه في حياتك أتصلي بينا على الأرقام التالية وأبقوا قابلوني المفتش كورمبو

آه يا ست الناس هو جوزك... اللي مش كل وظيفته أنه يجيب فلوس.. اللي ليه حقوق عليكي وطبعاً كمان عليه واجبات
اللي مش كل همك في الدنيا أنك تطلبي منه من غير ما تديه
اللي مش كل همك أنك تطلعي فيه كبت اليوم

ومش هنكتر في الكلام وأكيد كل زوج لو سمع الحلقة دي هيعرف معني دعوة ربنا يرزقك بنت الحلال

أمسك كلمة
بنت الحلال دي اللي هي الطيبة الرقيقة بخفة دمها وكل شيء فيها
بنت الحلال اللي تسعدك مش تنغص عليك عيشتك
بنت الحلال اللي تحبك علشانك مش علشان فلوسك
بنت الحلال اللي تقف معاك وتكون معاك ع الحلوة والمرة
بنت الحلال اللي تكون سندك وقت تعبك
بنت الحلال اللي تسعدك جنسياً وتفاجئك وتغريك

ولان معنى بنت الحلال محتاج مجلد كبير والكلام عنها مش هيخلص
أعملي كل حاجة تخلي ربك يرضى عليكي حتى لو جوزك مش مهتم بيكي لان ربنا هيسأل بس على اللي أمرك بيه

واسمعي وبنكرر في حلقات سابقة الآية دي
وكلهم آتيه يوم القيامة فردا
يعني هتتسألي لوحدك على اللي أمرك بيه ربك لوحدك ولانه هيحاسب كل العباد فأعملي اللي عليكي وسيبي ربنا ياخد حقك ويحاسب كل مخلوق على تقصيره وكل من يعول على رعيته

مش محتاجين نقولك قد إيه أنتي بتقدمي للمجتمع ولبلدك أعظم مهمة وهي مهمة الزوجة الصالحة

الزوجة دي محترمة ومسلمة ولبسها لبس مسلمة برة البيت وجوه البيت قمر ومزة لجوزها وهي راحته النفسية

وضغوط الحياة وأعباء الأولاد و و و ربنا يعينك عليهم وأكيد مليون في الماية واوعي يكون عندك شك في كده

انتي من أهل الجنة
إذا صلت المرأة خمسها وصامت شهرها وحفظت فرجها وأطاعت زوجها قيل لها ادخلي الجنة من أي أبواب الجنة شئت" حديث صحيح

مستنية ايه يلا خليكي مزة في عيون جوزك وزوجة صالحة وبنت حلال وكل حاجة يتمناها جوزك علشان تملي عيونه وقلبه وماتقلقيش انتي لو عاملتي كل ده من قلبك ربنا هيخليلك جوزك أجمل زوج في الدنيا في كل شيء ...

ونختم ونقول

بالنية الصادقة ثم العمل ينال الإنسان فوق الخيال والمحتمل

وشكرا وجزاكم الله خيراً

منقول من المكتبة الصوتية للكاتب أحمد محمد عبد المنعم
برنامج جوه البيوت

>>>>> ردود الأعضـــــــــــــــــــاء على الموضوع <<<<<
==================================


ابدعتي اختي...


__________________________________________________ __________

جزاااااااااااااااك الله خير


__________________________________________________ __________

مشكووووره ع النقل وجزاكي الله خير


__________________________________________________ __________

جبتى م الاخر .... تسلم ايدك حبيبتى


__________________________________________________ __________

شكرا لكم