عنوان الموضوع : زوجها يعشقها بسبب الدلع !!! حياة اسرية
مقدم من طرف منتديات نساء الجزائر

زوجها يعشقها بسبب الدلع !!!






صباح الخير
ومساء الخير
وكل ساعه وانتو بخير

اولا
وحشتووووووووووووووووووووووني

نبدأ على بركه الله

................

بداخل كل انثى طفله
اكتشفتها او لو تكتشفها
طفله بدلالها ورقتها
ونعومتها
.........
الانثى الذكيه تبرزها وتهتم فيها
والاخرى تنساها مع مرور الايام وتنكرها

..............
تتذكرون ميساء
ميساء مثل الحديقه بالوانها وبهجتها
ومثل الزهور بعبيرها ورقتها
ومثل البحر بجماله
ومثل السماء بصفاءها
..............
انسانه رقيقه تهتم بكل تفاصيلها
الشكليه والنفسيه
تحب نفسها وتدللها
اكثر من حبها لاي شي اخر
.............
تهتم اول شي بنظافتها
تختار من الملابس ارقها وانعمها
ومن مواد التجميل اقربها للطبيعه

بعيده عن التصنع والتكلف
بسيطه من الداخل والخارج
مرحه تحب الحياه
متفائله وتنشر الحب حولها
...........
لا تنس ان الحكل بهاء
واطيب الطيب الماء
تتزين لتمتع نفسها اولا
وترضي انوثتها وفطرتها
وثانيا لانها تؤمن ان فارسها وحبيبها
يعشق اولا بعينيه
ككل الفرسان من بني جنسه
...............
تتهادى في مشيتها
وتتمايل كتمايل الاغصان
وتتحدث بعذوبه ورقه
وكانها تعزف الحان
............
نظرتها حنان وامتنان
طرفها ناعس باستحسان
ابتسامتها تسبي الفؤاد
ضحكتها تسحر الالباب
وتفقد الحليم الصواب
................
عودها ممشوق ريان
شعرها مسترسل مزدان
.............
هذه هي ميساء
.............
نرجع لقصتنا
في بيت ميساء ومشاري
الساعه 10 مساء
وفي الصاله قاعدين يشوفون التي في
ميساء لابسه فستان مزهر وردي من الشيفون
لامه شعرها على جنب بورده
وفيه خصلات جايه على وجهها بنعومه
حاطه كحل ازرق
وبلاشر وقلوس وردي
ولابسه صندل ابيض
وخلخال
وحلق ناعم جدا
وحاطه عطر لايف از من بودي شوب
ولافه خصله من شعرها باصبعها وتلعب فيها
...........
اما مشاري فهو لابس الزي المتعارف عليه للرجل السعودي بالبيت
ماله داعي اقول.
الله يعظم اجرنا
............
رن جوال مشاري
مشاري : وعليكم السلام هلا بو سلمان
عالبركه هههههههه
الله يبلغنا هههههههه
ميساء تغلي من داخلها من الكلمه الاخيره
كمل مشاري المكالمه والتفت على ميساء
مشاري : هذا بو سلمان بياخذ الثانيه
ميساء وهي ماده البراطم : الله يوفقه
مشاري : يقول العقبى لك
ميساء وهي تعطيه نظرات حديديه : الله يبلغنا هاه
وتلف وجهها عنه
مشاري : زعلتي؟
ميساء :.............
مشاري : بالحلال
ميساء تسوي نفسها تطالع بالتي في
مشاري : موافقه؟
ميساء : ...............
مشاري : السكوت علامة الرضا
ميساء : اي رضا جاي تخطبني انت؟
مشاري : هههههههع
اذا وافقتي بتزوج
ميساء : موافقه بس شرط تنسى ان فيه بالدنيا وحده اسمها
ميساء
مشاري : افا وتهون العشره
ميساء تهز راسها بالموفقه : بعد ماتهون عليك
مشاري : ليه كذا, انتي الاولى غاليه ومحشومه
انتهى مشاري من كلمته وميساء اخذت المخده ورمتها عليه
مشاري : ههههههههغ
تغارين علي؟
ميساء : وش رايك؟
مشاري : بس ما بسوي شي حرام كله على سنه الله ورسوله
ميساء بقبضه يدها الناعمه وتضربه على كتفه : سكر الموضوع
مشاري : ليه, لقينا موضوع مشترك نسولف فيه ليه اسكره ,مو انتي تقولين حلو نتشارك بمواضيع
ميساء : غيرت رايي ما ابي نتشارك بشي
رجعو يشوفو التي في
والابتسامه مازالت مرسومه على وجه مشاري
( مدري وش يحس فيه)
وبعد فتره بسيطه من الهدوء حب مشاري يكمل الموضوع
مشاري : ميساء
التفتت عليه ميساء بكل رقه ونعومه وهي تلعب بشعرها بعفويه وكانت قريبه منه : ياعيونها
مشاري سرح بالعيون المسبله والنظرات الطاغيه

وما حب يكدر خاطرها وقال بدون شعور: شلونك
ميساء صوت هادئ وابتسامه ساحره: مشتاقه
مشاري تنهد تنهيده عميقه : اه ياقلبي
مسك ايدها وقال : اقول لك سر

ميساء : تفضل
مشاري : لو الف الدنيا ذي كلها ما الاقي مثلك
ميساءنزلت راسها بحياء : توك تقول بتزوج
مشاري : ابي اشوف غيرتك علي
مبساء : وشفتها؟
مشاري يهز راسه ويناظرها بحنان : ايه
ميساء : خلاص لا تعيدها
رجع مشاري لورا : ما اوعدك ههههههع
ميساء تقوم مسويه زعلانه
يمسكها مشاري بيدها ويقعدها جنبه : لا تبعدين عني
...........
وهم يناظرون التي في طلع اعلان وفيه ايس كريم
ميساء قربت من زوجها وتوسدت ذراعه وقالت بدلع : ابي ايسكريم
مشاري يناظر بالساعه : الحين ؟ الوقت متاخر ,وتعبان
ناظرت فيه ميساء بنظرات طفوليه تستجديه : عشاني
قام لبس ثوبه واخذ البوك وطلع
وهو ماشي صوب الباب
ميساء : ميشو الله لا يحرمني منك
رد عليها بابتسامه ومضى في طريقه>>> اعتز بلغتي العربيه
..............
في منزل جيرانهم
ريم وماجد
.............
ماجد : ماقلت لك بو سلمان اتصل يعزمني على زواجه الثاني الخميس الجاي بالدمام
ريم ووجهها في وجهه : جعله جلطه مايقوم منها
ماجد التفت عليها بزعل : استغفري ربك لاتدعين عالرجال
ريم : ليه ما ادعي عليه وش فيها زوجته ماهي مقصره عليه بشي
ماجد : انتي وش عرفك باللي بينهم اكيد فيه شي ولا ما بياخذ عليها مره
ريم باعلى طبقه صوت عندها : مو مقصره معاه انا ادري بس الرجال ما يملى عينهم الا التراب وعسى
ماجد : لو مرتاح معها ما يدور غيرها
ريم : طيب يعلمها باللي يبي مو يتزوج عليها
ماجد : اشياء تنقال واشياء ما تنقال
ريم : لو يحبها يعلمها ويصبر عليها
ماجد : لو جاهله يعلمها بس قل الاحساس وش يسوي فيه
ريم : وش قصدك
ماجد :قصدي ان فيه اشياء المره لازم تعرفها وتسويها باحساسها مو كل شي ينحكى فيه
ريم : والله اللي يبي العرس بيعرس لو كانت ذابحه روحها له
ماجد : وانتي ليه معصبه كذا . وفري على عمرك لين زواجي
ريم وصلت حدها : جعلك الشلل الرباعي بليله الدخله
ماجد متفاجئ : تدعين علي؟
ريم : ايه اجل انا تاخذ علي , ليه وش ناقصني الكل يتكلم عن جمالي واخلاقي وش تبي بعد
ماجد بابتسامه ساخره : لا صحيح ,مو ناقصك شي ابد.
ريم بصوت عالي : لا قل , طلع اللي بخاطرك
ماجد : بخاطري اخذ بندول وانام

...............
في صباح اليوم الثاني وعلى التليفون
ريم : سلامات ميساء وش فيه صوتك رايح
ميساء : اكلت ايس كريم بالليل
ريم : مهبوله ايس كريم بالبرد
ميساء : وين البرد , ياعمري طلعت مشاري بتالي الليول يجيبه لي ما يبي يزعلني لو يدرى اني بمرض ما تعنى لي
ريم سرحت بالكلام وفي نفسها ( يطلع بالليل يشتري لها ايسكريم , والله لاوريك ياماجد
بس يعرف المره لازم تحس وتفهم وما ادري شو)
ميساء : وينك
ريم : معاك ياقلبي ما عليكي شر وخلي عنك الدلع تطلعين الرجال من بيته عشان مشتهيه ايسكريم
ميساء بكل رقه : ههههههه ليه ما استاهل؟
ريم : لا تستاهلين ,بس ارفقي شوي بالرجال
ميساء : ماعرفتك ؟ ريم ؟ قولي لعمرك ؟ هههههههه
ريم : اقول شكلك رايقه ,مع السلامه بروح لشغل بيتي ازين وانتي روحي كلي ايسكريم
............
ريم تسوي شغل بيتها وكلام ميساء يرن باذنها
وقررت انها تختبر زوجها وتشوف غلاها عنده
.........
وبالليل بعد العشا
ماجد قاعد قدام التي في وعيونه فيها النوم
وريم جنبه لابسه بيجامه خاليه من مظاهر الانوثه وبدون اي مواد تجميل الا من بقايا كحل والشعر مو مرتب ولاهي اللي قاعده ولا اللي منسدحه
وبدون مقدمات وبصوت جهوري قطع على ماجد خبل انسجامه مع البرنامج الرياضي المحبب الى نفسه
ماااااااااجد
ماجد : هلا
ريم : رح اشتري لي ايسكريم
ماجد : ايسكريم؟
ريم : اي مشتهيه ايسكريم
ماجد : الحين , الساعه 11
ريم : وش فيها , لو واحد من اخوياك دق يبي منك شي تروح له
ماجد: الوقت متاخر وانا تعبان
ريم : لو خواتك يبون شي والا امك تروح لهم ماعندك مشكله
ماجد : لو شي ضروري اروح بس ايسكريم!
ريم : شكراااااااا انا ما ابي ايسكريم اصلا بس كنت ابي اشوف قدري وخاطري عندك
ماجد
شوفيه بطريقه ثانيه
..........
ويرن جوال ريم
اختها تتصل
ريم بعالي الصوت : هلااااااااااااااا بالشيخه
وينك ساحبه علينا
ايه رحت الاستقبال بس وش اقول ابن كلب صدق
احلفي
اقول لا يكثر
هعهعهعهع
اخس اخس ياحركات
من ؟ شيخه ؟ قولي لها تاكل تب...
ماجد : هيييييييييييه يابو الشباب روحي داخل ابي اسمع البرنامج
..............
اليوم الثاني عصرا
في البيت المجاور
ميساء لابسه بلوزه كت زيتوني غامق
وتنوره قصيره كلوش سكريه وفيها رسومات بالوان الشمس
وشعرها متموج على اكتافها وفيه خصلات جايه على وجهها
حاطه كحل اخضر
وعدسات رمادي
وقلوش وبلاشر مشمشي
وعلى اظافرها مناكير شفاف
يرن الهاتف الثابت
تقوم ميساء تمشي بهوء
وتوقف بميلان وترد
وبصوت هادئ
الووو
هلا ريمو
كيفك ياقلبو
لا الحمد لله الحين احسن
من عيوني حياتي ما طلبتي شي
متى؟
اوكي
في امان الكريم
.........
مشاري : من؟
ميساء: هذي مرت ماجد في السوق واختها جايه بتحط بنتها عندنا لين ترجع
شوي الا الباب يدق
تمشي ميساء بهدوء كالنسمه
سلمت على اخت ريم واخذت البنوته
لين عمرها 3 سنوات حلوه وبريئه وحركتها كثيره
اخذتها ميساء وداخله الصاله
ميساء : مشاري شف القمر اللي ببيتنا
فديته ياناس يزنن
واخذتها تلاعبها واعطتها حلاو وعصير
مشاري كان يناظر مايميز براءه ذي عن ذيك
ويتخيل اذا جات له بنت شلون بتكون اذا ميساء امها
التفتت ميساء على زوجها حست ان فيه شي
اخذت البنت وقعدو قدامه يلعبون جميع
استانس مشاري عالجو
وخصوصا ان كلام البنت يهبل
والحروف تعكسها والاثنين دايخين يضحكون عليها
وبعد ساعه جات ريم واخذت البنت وتتعذر لميساء على الازعاج
.............
ريم داخله البيت هي والبنت وزوجها
ريم التفتت على البنت : اسمعي لين اقعدي ساكته ما ابي صوت انا تعبانه مررررره
البنت
لين : خاله
ريم بكشره : نعم
لين : متى تجي امي
ريم: مدري
...........
لين : خاله
ريم : هلا
لين : ابي ماما
ريم وبصوت مرعب : اسكتي ولا كلمه قلت لك انا تعبانه ما ابي اسمع صوتك
لين قامت تصيح بصوت واطي من الخوف
ماجد : حرام عليك البنت ما قالت شي
ريم : بليز ماجد انت تعرفني ما احب ازعاج الاطفال , وتوني جايه من سوق
ماجد اخذ البنت وقعدها جنبه ويمسح على شعرها
ماجد : احط لك كرتون
لين :ايه
ماجد : شتحبين اي قناه
لين : قناة توم وزيري
ماجد : ههههههه
وحط لها كرتون
وراح المطبخ وجاب لها حلاو
استانست البنت ونست الدنيا
راح ماجد لريم
ماجد : ليه القسوه ذي على الصغيره , هذا وانتي خالتها
ريم وتلف وجهها للجهه الثانيه: ما سويت شي , تراها متعوده على اكثر من كذا
ماجد : بس ياعمري هذي طفله وهي امانه عندك
ريم : هذي بنت اختي اعرفها ماعندها احساس
ماجد : بكره اذا صرتي ام وش يتسويين مع عيالك
ريم : بادبهم واعلمهم ما يزعجون احد ولا يكثرون اسئله
شاف ماجد ان الحكي معاها ضايع, طلع من الغرفه ورجع للصاله
.............
نرجع للبيت الثاني
مشاري : ميساء انا طالع مع ماجد بنروح نسجل في نادي صحي
ميساء ارتسمت على وجهها ابتسامه عريضه : أخييييييرا
مشاري : أخيرا , تبين شي وانا راجع
ميساء : سلامتك
مشاري رايح للباب وميساء تذكرت شي
ركضت لمشاري
ميشوووووووووو
مشاري : نعم
وقفت قدامه وقفتها المتثنيه المايعه وشالت الشعر اللي طايح على وجهها واشرت له على خدها وقالت برقه : بوسة الوداع
مشاري ابتسم وأعطاها
وطلع من البيت والضحكه شاقه وجهه
وماجد طالع من البيت : تبون شي
ريم : لا
...........
وفي الاستقبال حق النادي طبعا كانت بنت كاشفه الوجه ومتزينه
ومبتسمه اخذت اسماؤهم وبعض التفاصيل وتحكي معهم بمياعه ودلع مصطنع مب لايق عليها
ماجد اللي ماشاف خير فاتح ثمه وخاق
ويلتفت على مشاري
شف ياخوي شف الدلع الله يخلف علينا
كانها من هالمذيعات اللي ماغير نشوفهن بالدش.
مشاري : اي دلع بس ياخوك ,مليقه.
..................
انتهى
كلمه لكل حواء الدلع لا يتوقف عند عمر معين او وزن او حجم ولا علاقه له بالاطفال والظروف
عندكم الممثله السوريه سولاف فواخرجي
عمرها 37 سنه ويمكن اكثر
وعندها اطفال
وجسمها مو حلو
اغلب الوقت مربربه
ومع ذلك تقطر انوثه ورقه ونعومه
..........
ولا تقولون زوجي ما ينفع معاه الدلع
دلعي نفسك اول شي
وصدقيني مهما كان الر جل قاسي مايمكن يقاوم الانوثه والدلع
..............
تصبحون على خير

م ن ق و ل




لا اله الا انت سبحانك
اني كنت من
الظالمين

>>>>> ردود الأعضـــــــــــــــــــاء على الموضوع <<<<<
==================================


حبيبتي ~انكسر قلبي~ يعطيك الف عافية وتسلمي على الموضوع الرائع


__________________________________________________ __________

والله حبيبتى موضوعك اكثر من رائع

وفعلا الرجال كلهم بيحبوا الزوجه المرحه الدلوعه والنظيفه فى نفسها وفى بيتها ومع اولادها

ربنا يهدى لنا ازواجنا ويهدينا لهم

تقبلى مرورى وتحياتى


__________________________________________________ __________

يسعدك ربي

موضوع رائع وطرح اجمل

شكرا حبيبتي بجد نحنا محتاجين ندلع انفسنا عشامن ينعكس على نمط حياتنا وسعادتنا

بانتظار جديدك المميز وتقبلي مروري


__________________________________________________ __________

يسلمو حبيبتي موضوع رائع


__________________________________________________ __________

يسلمووو ,, بس فعلا الدلع بصوب و احنا بصوب ,,