عنوان الموضوع : قصة حقيقيه
مقدم من طرف منتديات نساء الجزائر

قصة حقيقيه






قصه حقيقه منقوله انا بقولكم مشكلتي او قصتي يمكن ماراح تصدقوها بس ربي العالم بكل شي ..

انا حاليا عمري 38 سنه مطلقه
راح اقول لكم قصتي عشان تعرفون تعطوني الحلول
لما كان عمري 21 سنه أنخطبت من أنسان رااائع كنت اشوفه أحسن رجال بالعالم حبيته حب مجنون
تزوجنا سنه ونص وكانت احلى ايام عمري
سنه ونص وانا احب زوجي وهو يحبني واخدمه بعيوني
وكان مرتاح ومبسوط كنت ما انام الا لما أسأله ياتاج راسي راضي عني يضم يدي ويقول الله يرضى عليك دنيا واخره ...

ب آخر شهر من السنه ونص لما جات اخت زوجي عندي لانها زعلانه من زوجها
وهي بمدينه وحنا بمدينه ..
جات عندي وصاير مشكله بينها وبين زوجها
زوجي جا ل أخته وقال لها ايش المشكله وانا احلها
قالت وبكل جراءه زوجي مو مشبعني جنسيا زوجي بوقتها انحرج وانا انحرجت وهي أخذت الامور عاادي وتعمقت بالحيل وانا حاولت اقاطعها بس مافاد ..
المهم هي عندها ولد عمره تقريبا سنه والله من جات وانا اخدمها واساعدها بولدها لدرجه مراات اقول لها انتي نامي وخلي ولدك عندي ..
المهم بعد اسبوعين تقريبا من جات عندي صحيت من النوم قبل الفجر بساعه ونص لاني متعوده اني اصلي الليل من يوم كنت صغيره

لما صحيت مااشفت زوجي جنبي قلت شكله بالمجلس
ولما فتحت باب غرفتي بدخل دوره المياه اعزكم الله عشان أتوضأ
سمعت صوت آآآهااات خفيفه مشيت لين قربت للصوت وفتحت باب المجلس

والله يااا أخوان اني وانا اكتب لكم ارتجف لاني تذكرت ذا الموقف
بوقتها رجلي مدري كيف تمشي عيوني مدري وش تشوف ماني مصدقه اللي اشوفه زوجي وأخته يمارسون الجنس مع بعض
بوقتها اخذت عباتي بدون طرحه وحطيتها علي وطلعت من الشقه حتى حذيان مالبست
امشي بالشارع بهيستريه ارتجف رحت بيت اهلي كان قريب شوي

و أول مادخلت ابوي وأمي واقفين يستنوني وكأنهم عارفين اني بجي بهالوقت
بروح بحضن ابوي عشان ابكي وأشكي له اللي صار لقيت الكف والضرب وأسمع امي تدعي علي بالموت
ضربوني ضرب جسمي صار ازرق وانا احاول افهمهم بس ماسمعوني
وبعدها ابوي اخذني ورماني بغرفه وقفل علي

والصباح جا اخوي وماقصر بالضرب يقولي حطيتي راسنا بالتراب
وانا اقوله هوا خايني مع اخته شفته وهما مع بعض
بس ماصدقوني ..
عرفت بعدين ان زوجي المصون لما شافني طلعت من الشقه اتصل على ابوي وقال لقيت بنتك مع رجال بفراشي وهي جايه عندك اللحين انحاشت لما اكتشفتها ..
طبعا تغدى فيني قبل لا اتعشى فيه ..
وياااريته على كذا وبس طلع علي كلااام عند الناس وطلقني وصرت منبوذه
والكل صدق كلاااامه

وكذبوني وعشت 17 سنه مظلومه وصرت منبوذه وامي عاملتني زي الشغاله
والله والله ماترضى اجلس معهم على سفره وحده داايم تقول خلك لوحدك زي الكلبه ..

ماابي ادخل في تفااصيل العذاب اكثر عشان ما أطول عليكم ..
المهم كنت بهذيك الفتره داايم اصلي وادعي على من ظلمني

وأخبار طليقي انقطعت عني لما اتذكر بدايه زواجي احس بحنين لاني احبه مجرد ماا اتذكر الموقف اللي صار ادعي عليه واتحسب

بعد 17 سنه تذكر طليقي تذكرني وحاول يتواصل معاي

قبل ثلاث اسابيع اتصل على جوالي اللي من سنه بس اعطوني جوال اهلي ولا من قبل مانعيني عنه
مدري كيف جاب رقمي انا رديت بس لما سمعت صوت رجال قفلت
ما كنت اعرف ان صوت طليقي

بعدها ارسل لي ع الواتس انا فلان ارجووك سامحيني
انا بوقتها بكيت وحسيت بخوف ورحت ل أبوي وعطيته الجوال
ابوي رد عليه بالواتس وعمل نفسه انو انا
قال له اسامحك على ايش قال لاني اتهمتك في شرفك وانا واختي الغلطانين والله ماضيع حقك أختي
كل ما تجيب عيال يبقون معها سنه سنه ونص بالكثير ويموتون

جابت 7 وكلهم ماتو وهما صغار
وانا ربي حرمني من الخلفه ما أجيب عيال مع اني سليم
وتزوجت ثلاث مرات وما خلفت ...

الله يخليك سامحيني والله اني ندمان ..

والله هذا كل كلامه بالحرف الواحد
ابوي لما شاف الرسايل صار يبكي وينوح
وانا قمت من جنبه وابكي واقول ضاع عمري بظلمكم لي
حسبي الله ونعم الوكيل فيكم ..
وابوي بكى اكثر وكانت امي واخوي موجودين بس مصدومين
اخوي اخذ الجوال من ابوي وقالي اتصلي عليه يمكن انتي تكذبي
اتصلت وحطيته سبيكر والكل سمع صوته ..

من بعدها قفلت ..
وكرهت الكل وماني قادره اسامحهم كلهم لانهم ظلموني ..
ضااع عمري وتشوهت سمعتي وأنحرمت من الامومه ..
ده حين ماني قادره اسمحهم ابوي يبكي لاشافني ويقول سامحيني
بس ما ارد عليه
وامي وااخوي نفس الشي ..
قلبي شايل عليهم احااول اقول الله يسامحهم بس فجأه أقول الله لا يسامحكم ..

جابوني على هذي الدنيا وظلموني ..
زي ما الوالدين لهم حقوق الابناء لهم حقوق
عاملوني ولا معامله الشغاله ... والله الشغاله ارحم

لا ملابس ولا أكل زي الناس ولا مصروف تخيلو 17 سنه وانا بمذله وأهانه ..

قلبي مو قادر يسامحهم كلهم .. وهذا الشي مو بيدي
ودي بس ماني قادره .....
,,,,, منقول ,,,,
😭😭 لاحول ولاقوة إلا بالله. العلي العظيم الله ينصرها على من ظلمها ..

العبرة إن الدنيا دواره واللي ظلم بيلقى عقابه

>>>>> ردود الأعضـــــــــــــــــــاء على الموضوع <<<<<
==================================


والله قصه مؤثرة جدا
الله ينصر كل مظلوم
وينتقم من الظالم


__________________________________________________ __________

فعلاً الدنيا دواره
والظلم ظلمات يوم القيامه
وفعلاً قصه للعبره
تسلمين ع النقل


__________________________________________________ __________

مسكينه ضاع عمرها هدر


__________________________________________________ __________

على قد ما كنت متحمسة لقراءة القصة على قد ما اصابني التشاؤم اللهم اهدينا يارب .


__________________________________________________ __________

والله ركبي صارت ترجف من القصة
لاحول ولاقوة الا بالله
حسبنا الله ونعم الوكيل
استغفر الله ربي واتوب اليه
الله يصبر قلبها ويعوضها خير يارب



سبحان الله وبحمده سبحان الله العظيم
استغفر الله ربي واتوب اليه