عنوان الموضوع : جوزى بيسألنى........ -لحياة سعيدة
مقدم من طرف منتديات نساء الجزائر

جوزى بيسألنى........






جوزى بيسألنى مره وبيقوللى انتى ازاى بتعمللى كده ؟؟؟
قولتله بعمل ايه ؟؟؟

قالى بتزعللى وتتعصبى جامد
وترجعى تهدى مره واحده

بتضربى الاولاد وترجعى تبوسيهم
مكان الضربه وتصالحيهم فى نفس الوقت

تبقى مش طايقاهم واول ما واحد فيهم يتخبط
تجرى عليه ويتغير شكللك فى لحظه وتبقى هتموتى عليه

تكونى نايمه فى سابع نومه وانا عامل هيصه جامده وماتصحيش
و اول ما حد منهم بس يعيط
واكون مش سامعه تجرى تروحيله
كأنك ما كونتيش نايمه

تفضللى تشتكى وتقوللى تعبانه ومش
قادره واول ما يبعدو شويه عنك او يروحو
عند جدتهم تفضللى عايزهم يرجعو
واول ما يرجعو ويبتدو يعملو شقاوه ترجعى
تعلى صوتك وتتعصبى تانى

أكيد انتى مش طبيعيه اكيد مجنونه

قولتله : بالعكس انا طبيعيه جداا""

انا بس السوفت وير بتاعى مظبوط عليهم وعلى نظامهم
افرح لفرحهم ,,,اتعب لتعبهم ,,,اصحى على صوتهم لو عيطوا
اقلق لو بعدو عنى ,,,اتعصب واشخط خوف عليهم لا يتأذو
اكون زى ما بيقولو ,,,ادعى على ابنى واكره الى يقول أمين
ومن جوايا بقول يارب ما تسمع منى

انا طبيعيه ,,,انا الفطره الى فطرنى عليها ربنا ,,,,انا ببساطه ""ماما ""...

منقول
(انا مخطوبة)

>>>>> ردود الأعضـــــــــــــــــــاء على الموضوع <<<<<
==================================


الله يكرمك وتصيري أحلى ماما،الموضوع جميل مشكورة.


__________________________________________________ __________

هادا الشي برجع لعاطفة الامومة اللي داخل المرأة ، ان شاء الله نفرح فيكي


__________________________________________________ __________

صدقتي حبيبتي لما تتحرك غريزة الام تصير فوق كل شيء .


__________________________________________________ __________

بجد سبحان الله ع العاطفة الجميلة وعقبالك انشالله يا رب تصيري احلى ام بالدنيا ..


__________________________________________________ __________

كل الأمهات مثلك الله يحفظك أولادك