عنوان الموضوع : يالله ياقلبي سرينا 2
مقدم من طرف منتديات نساء الجزائر

يالله ياقلبي سرينا 2






صباح / مساء الخيرات والليرات ع الصبايا


ابشركم انخطبت الاسبوع اللي طاف بس للاسف انخطف عقلي من اللي اكتشفته
جاء خالي العزيز وقال وين غدي ابيها بموضوع ~~~>😱
طبعا كنت متوقعه شنو كان يبي بس سويت نفسي صبيه عاقله وساكته ~~>😊
المهم قال جاك خطيب وانسان يشهد له بالاستقامه
وماشاءالله تاجر ~~> يااااي بيسفرني لباريس 😄
قلت كم عمره ~~> اهم سوال عندي 😜
قال اصغر مني👴 ~~> يادلي عليك ياخالو مسوي نفسك شاب
المهم وجلس يمدح فيه وانا ساكته استنا يخلص بروح اكمل نومي
سالته قلت كم عنده زوجه قال ثلاث ~~~> اقول شرايكم بس اذبح هالخال قبل يقوم من مكانه 😡
ويقول زوجته الاولئ مقدمه استقالتها منه 👵~~~> يعني مايعاشرها بس يصرف عليها
انا من هالنقطه تاكدت ان الخطيب رجله والقبر ~~~> الاعمار بيد الله طبعا
قام خالي وقال ترا البنت اذا طقو بابها مره مرتين ترا بعدين ماتنخطب ~~~> باللي مايحفظهم ان شاءالله ... بقرييييح ... بقلعه وادرين
لابليز ياخالو قلهم يخطبوني ترا بمووووت💀~~~> طبعا هالكلام ماطلع من عقلي


صراحتا هالخطيب خلاني اكتشف هالخال ع ان مابقلبه ذره احساس
كيف فكر بس مجرد التفكير انه يجي ويقول عن هالخطيب
مافكر ببنت اخته بعد عشر او خمس سنيين مع هالشايب
كيف بتتعامل معه ~~~> طبعا بكون ممرضه له لااكثر ولا اقل
من يوم طلع من عندنا وانا قلبي وعقلي ماوقف عن التفكير
واللي زاد الطين بله يهددني ان رفضته ماراح احد يخطبني
لاني رفضت ناس كثير ~~~> واغلبهم هيك 👴
او هيك 👴وعنده 👵👩👸~~~> يعني انا تكمله عدد فقط لاغير


صحيح صدمه حياتي هالخال بس اكتشفت ان الانسان مو بعمره ينقاس تفكيره
الانسان ينقاس بعقله حتا لو كان اقل عمر
وعسا الله يكملنا بعقلنا
الحياه بعد طلاقي اصبحت دروووس وبالمجان تنعرض لي بكل وقت
عرفت من اللي يخاف علي ومنو اللي يبي مصلحه من وراي
اشياء كثيره تحدث امامنا ومانكتشفها الا بعدين
قبل طلاقي كنت لما امر بهيك ناس اجلس افسر الموضوع واطلع له فروع
واتعب نفسيا
بس بعد ماقريت بالكتب وتعمقت فيها عرفت كيفيه التعامل مع المصيبه واخذ الفايده منها ومااخليها تضرني بتفكيري وسلوكياتي من وقتها عرفت اقرا الاشياء اللي حولي
واستخلص المفيد واحاول اتناسا السيء منها


واخيرا استودكم الله اللذي لاتضيع ودائعه

>>>>> ردود الأعضـــــــــــــــــــاء على الموضوع <<<<<
==================================


اختي حبيبتي انت من ستعيشين مع هذا الرجل لا خالك
ولو انت فعلا تستطيعين ان تحتملي هذا كان بها
ما تحتملي ارفضي ولا يهمك ما يقول خالك من انو مافي خطاب يجولك تاني لان هذا بيد الله وليس بيد خالك .. بس كان عندي سؤال لو تذكري بعض من الكتب التي قرأتيها ستفيديني كثيرا..
.


__________________________________________________ __________

الله يعوضك ي قلبـــيْ


__________________________________________________ __________

ربنا ما بنسى حد من رحمته ، الله يفرجها عليكي


__________________________________________________ __________

المشاركة الأصلية كتبت بواسطة علياءلولو
اختي حبيبتي انت من ستعيشين مع هذا الرجل لا خالك
ولو انت فعلا تستطيعين ان تحتملي هذا كان بها
ما تحتملي ارفضي ولا يهمك ما يقول خالك من انو مافي خطاب يجولك تاني لان هذا بيد الله وليس بيد خالك .. بس كان عندي سؤال لو تذكري بعض من الكتب التي قرأتيها ستفيديني كثيرا..
.

رفضته جملة وتفصيلا واللي استعجب منه فوادي هو طريقه خالي واسلوبه
وشكرا ياغاليه ع المداخله الحلوه
والكتب بحر اللي قريتهم وراح اكتبلك اللي اتذكره
ودايم انتبهي لاي كتاب يمدحونه عامه الناس ترا احتمال يعجبك
صراحه قريت كتب كثيره منها اللي جلس بالذاكره وغير من اسلوبي وطريقه تفكيري
ومنهن اللي تمنيت اني ماقريت ولا حرف
والكتب هي
طبعا ناعمه الهاشميه
صناعه النجاح لطارق سويدان
كتاب ايقظ قواك الخفيه لانطوني روبنز
كتاب العادات السبع للدكتور ستيفان كوفي
اكتشاف الذات
كتاب فنون التعامل مع الناس للعريفي
واسفه ع التاخير خيتو


__________________________________________________ __________

المشاركة الأصلية كتبت بواسطة روزالـيندا
الله يعوضك ي قلبـــيْ

يسلمو خيتو ☺