عنوان الموضوع : حماتي حياتـي -لحياة سعيدة
مقدم من طرف منتديات نساء الجزائر

حماتي حياتـي






:

نسبةالحُوريات المخطوبات زادت عنا ،ماشاء الله

عئبــال العايزات يا صبايا إن شَاء الله


منفرح فيكم على عش الزوجية يملؤه الحب والحنان والعطف والمودة

الزواج مش بالمثالية اللي بتصورها الأفلام والمسلسلات فقط من حياة هانية وحب وقصص رومانسية ومدري شو من هالحكي ،

الزواج كالصرح العالي لبناته بتكون من الأحداث والمواقف والتصرفات اللي بتصير كل يوم وبناءً ع هالأشيا ممكن ، أو تزيد قوته وشموخه أو لا سمح الله تعيشي بنكد و لا إرتياحية بالحياة

كرمال هيك لابد ان ننظر لحياتنا الزوجية نظرة شمولية كاملة فيها ايجابيات وسلبيات ،

ايام صعبة
وايام حلوة
دموع وإبتسامات
لأن مش كل الايام بتكون متل مابدنا
لكن لازم تعرفي عدة اشيا مهمة عشان تعيشي مبسوطة ومرتاحة انتي و زوجك المستقبلي...



الزواج..هو كفاح ضد الصعاب وإبحار بين امواج متلاطمة ،وما بيقدر يثبت جدارتو غير بمجدافي الحب والرحمـة .
قال تعالى : " وَمِن آيَاتِهِ أَنْ خَلَقَ لَكُمْ مِن أنفُسِكُم أَزوَاجًا لِتَسْكُنُوا إِلَيهَا وَ جَعَلَ بَيْنَكُمْ مَوَدَّة و رَحْمَة "
لا شك انه مسؤوليتك رح تختلف من بيت اهلك لبيت زوجك ، في بيت زوجك مسؤوليتك رح تكبر ،،

رح تكوني مسؤولة عن بيت زوج ولاد و..و ..
من أسس الحياة الزوجية: التعاون في مواجهة أمور الحياة وهاد بتدبير شؤون البيت بدون إرهاق لميزانية زوجك ،والاهـم لازم تعرفي انو الزواج مو الارتباط بشريك حياة واحد وإنما هو شركاء آخرون عليكِ إنو تتقبليهم وتحترميهم هيك بتختصري على نفسك معاناة كبيرة في الحياة الزوجية


وكَالعادة الحماه هي العائق الكبيـر في العلاقة " نحكي الصراحة يعني "
حمــاتـيّ ســر حيــاتي

"مش حماتي مماتي"

فكيف ممكن انك تقلبي الموازين وتجعلي العلاقة مع الحماه مصدر مودة ومحبة.! "مش تكونوا متل القطة والفار"
لازم تطردي الصورة المشوه في مخيلتك للحماه وتحطي ببالك انها بمثابة إمك،طبعاً عامليها متل ما بتعاملي امك بالزبط وبتحبي مرت اخوكي تعاملها

وكوني من اول يوم معاها البنت الطيوبة الحنونه " لا تنسي انها ام زوجك"واتأكدي كل ماعاملتيها منيح وكنتي منيحة معها زوجك رح يحبك اكتر ورح تكبري بعينه اكتر واكتر .،



في حماه بتعاملك متل ما بتعامليها بزبط، كنتي معاها حنونه بتاقبلك نفس الشي والعكس صحيح
ومنهم " النوع التاني" : بتعامليها معاملة البنت لأمها هي شو بتفكرو رح تقول" والله ابصـر ليش تعاملني هيك والله شكلها خايفة ألعـب براس ابني و اخليه يتزوج عليها آآخ والله مهي قليله هالكنـة"

وانتي ولا بكون ببالك بيلي هي بتفكر فيه،،سوى انك تكسبي حبها
متل ما بقولوا:"إذا اكرمتَ الكَريم مَلكتهُ"

ومن نهفات الحماة والكنـة

بين الحماة والكنة صارت طوشة يا نسوان وحدة عاملة طرزان وحدة عاملة جاكي شان
الحماة : يا عالم عندي كنة يقطعها شو قوية ... من يوم أجت عنا وهي بجنن فيه .
الكنة : يا حماتي اسم الله عليكي عملة حالك مسكينة ... لسة الحنا في ايديكي من أولها جننتيني
الحماة : عندي كنة دوارة كل يوم بتنزل عالسوق ... في معاها سيارة من مصارفها ابني مخنوق
الكنة : يا حماتي هلأ بقوم راسك بدقو زي الثوم .... لما بضرب حمااتي ببقا عندي احلى يوم
الحماة : هي بتعرف تتزوق ما بتعرف اي حاجة .. بدها حمرة وبودرة وبس .. ما بتعرف تشوي جاجة

وقتها مين بروح فعس بين الرجليـن " الزوج المسكين المغلوب ع أمره"

معليش حطينا المثال من باب المزاح فقط
يعني بإختصار حوريتي كوني طيبة معها وإكسبيها حتى لو كانت ما بتعاملك منيح هيـك بتكسبي حب زوجك إلك..

وانتي قدّري انها ربّت زوجك و علمته و اهتمت فيه وبزيادة عليكِ مابدك شي منها اكتر من هيك .،
وإن شاء الله كلكم بتنولوا كل يلي بتتمنوه .
كتب بوساطة :ـ نرجس بسملة (للأمانة)
منقوووول

إن شاء يكون الموضوع أدى دوره..مع خالص حبي وتقديري..

النجمـــة راي

>>>>> ردود الأعضـــــــــــــــــــاء على الموضوع <<<<<
==================================


موضوع رااائع قيم ومفيد وبتمنى الكل يقرأ ويستفيد ,,,
لانو الزواج مو لعبه وتسلايه وفستنان ابيض
الزواج مسؤوليه كبيره ,,
وبالنسبه للحماه ,, بتمنى من كل سيده تعتبر حماتها متل امها وبضيف كلامك ((يعني بإختصار حوريتي كوني طيبة معها وإكسبيها حتى لو كانت ما بتعاملك منيح هيـك بتكسبي حب زوجك إلك..

وانتي قدّري انها ربّت زوجك و علمته و اهتمت فيه وبزيادة عليكِ مابدك شي منها اكتر من هيك .،))
شكرا الك من جديد
بارك الله فيك


__________________________________________________ __________

تسلمين يالغلا يعطيك العافية
ينقل لقسم الحياة الزوجية
مع الشكر


__________________________________________________ __________

مشكوره حبيتى وكلامك صحيح زى ما بتعملى حماتك تعاملك انا ما بنديها غير امى وهيا مبسوطه على هيك

وتحبنى زى بنتها

شكرا لك


__________________________________________________ __________

موضوع جميل جدا والله يا نجمه

انا بشكرك لطرحك هذا الموضوع


والحماة هي ام كلها مشاعر واحاسيس

احنا لو عاملناها زي ما بنعامل امهاتنا

مش حنحس بفرق وحتنحل كل المشاكل

بتضلها امراه كبيرة لازم نحن عليها ونحبها ونحترمها

تحيآآآآآآآآآآآآآآآآتي


__________________________________________________ __________

جزاكم الله كل خير موضوع روعة