ما ودي ان الكلام الي صار بيني وبين خالتي صار

[aksachli]

عنوان الموضوع : ما ودي ان الكلام الي صار بيني وبين خالتي صار
مقدم من طرف منتديات نساء الجزائر

ما ودي ان الكلام الي صار بيني وبين خالتي صار






يا بنات بقولكم على سالفتي من نص ساعه خالتي ام زوجي طلعت تنام بغرفتها فكنا نسولف سوالف عاديه عن مشوار بنروحه بكره المهم زوجي كان معصب اليوم بسبب امور ماديه بنمر فيها فانا قلت لخالتي انه عصب بالسياره وجا يسوي حادث لكن الحمد لله السالفه وما فيها يابنات ان الحمد لله صابره على اشياء كثيره مثل المايه الي ماتصب فوق فاضطر علشان المدرسه انزل بعد ما الناس تنام اغسل ملابس العيال هذي وحده والثانيه اني اغسل المواعين تحت في
بعض الاحيان مو دائما بس ايش اسوي لاني لو ما غسلتها بتقعد يومين وانا ام لعدة اطفال ولا عمري جبت شغاله تساعدني واليوم بيمضي بصعوبه شديده والله وزوجي كريم ما انكر لكن من ورا القروض صارت حياتنا صعبه كثير كل يوم اشيل هم المصروف والكهرب وكل شي حالي حاله وتشوفوني انزل واطلع وشايله بنتي على ايدي احس ان مافي احد فاهمني ومقدر التعب الي بعاني منه ولازم اعتمد على نفسي بالطبخ لان الوجبات والاكل من برا بكلفنا كثير يوم افكر اني ارتاح من الطبخ والنفخ وعلى فكره خالتي عندها شغاله ما ترقى عندي ابد بحكم اني ما اساعدها بالراتب فهي مو بلي وما قلت شي انا ما ابغى اضغط عليها بشغلي وشغل عيالي عشان ما تنحاش مع انها طول الليل قاعده تناظر التلفزيون وانا شيل وحط ارجعلكم ايش الكلام الي دار بيني وبينها لما قلتلها ان الوضع سيء ولازم زوجي يشوف حل يعني تعبت من المواعين الي اغسلها تحت ردت وقالت المغاسل ما ينجلا فيها المواعين فقلت ما في بايدي حيله باضطر اني اغسلها تحت ولا ودي اعرض نفسي للشقا فقالت الله يفرجها على ولدي قلت اي لازم يسعالي مو انه مو سائل يجيب سباك يحال المشكله مين يصير معه كذا غيري لازم يشوف حل فقالت وش تبيه يسوي يعني هذي كتبت الله فقلت فانا قلت بغى يموتنا من عصبيته كيف لو اني بطلب منه كل شوي غرض واضغط عليه وش كان سوا الحريم ذاك اليوم يعلقه على جوالي وانا ما همني لان جوالي كشاف وكل خواته الي معها جلاكسي والي معها ايباد مع تورش وهذا كله ماهمني همني اني اذا اشتكيت يا ويلي يا سواد ليلي وقولي الحمد لله ما قانا لا الحمد لله في كل وقت في السراء والضراء بس ليش تهاجمني لما قلتلها اني ما بنام الليل وانا افكر ببكره ايش بسوي من طلبات العيال يبون مثل الاولاد الي يبغى جاكيت والي يبغى طاقيه وطلبات ما تخلص غيلار عن اني متورطه بديون مو كثيره بس هم والله وهي شايفتني شلون اشيل هم مع ولدها وطبعا صارلي سنين ما شفت اهلي لانهم في مكان بعيد ومع هذا متنازله فهي قالت يوم لك ويوم عليك وانا كنت نفسيتي تعبانه قلت لا والله الظاهر ان كل الايام علي وليش اقول كذا وبدات صواريخ ارض جو قولي الحمد لله يكفي ان ما عندك حماتك تطول السانها عليك ولا اخو زو جك يدخل فيك عاد انا قلت انا ما اجي فيهم ولا حتى اختلط فيهم وما يجي مني الا كل خير ليش يدخلون فيني وبعدين انا احترمها كثير وهي طيبه بس ما تبيني اقول ولا نص كلمه يعني تتدخلي فيني وانا هنا مقطوعه من شجره لا دخلات ولاطلعات الا معاها وعامله لها الف حساب وذاك اليوم مديت من حمامها الله يكرمكم مويه على اساس ان الغسيل ينغسل بسرعه طبعا بعد ما استاذنتها صارت تقفل الحمام يعني واضحه المهم اني رديت علها لما شفتها صارت تصرخ وتقول من وين تبيه يجيبلك قلت بصراحه خالتي ترظين على بنتك الحياة الصعبه هذي وهي بنتها عندها شغاله من اول ما تزوجت ما شاالله والحين شغالتها بتروح وصارت شغالتها الثانيه جايه وقدامي قالت جيبي شغاله قبل لا تروح شغالتك وسبحان الله لما انا اتكلم ما ترضى وانا بتكلم بكل ادب وهي زعلت ليش اقول بنتك لان بنتها غاليه عليها كثير وغاليه علي بعد في حالها بس انا قصدي حسو فيني يعني انقهرت انك لا تستخدمي المغاسل وانا بتركها ما كن احد جاها يعني وين اروح احط طشت على راسي واغسل عند الجيران وعلى فكره الكل يشهد الحمد لله اني صابره ما شاالله بشهادة الجميع بس انقهر لما تشكيلي من شي وتبغى تغيره او تبغى تسافر او تبغى تغير جوالها بايدها واقول ليش لا لا تحرمي نفسك يا خاله بس لما انا اتكلم ممنوع ارضي وانطمي احس الموضوع مبعثر بس بغيت اموت من القهر ودائما اسمع مشاكل البنا ت وانصحهم بالصبر واوا مره اكتب لكم ادعولي يابنات وعلىقولت المثل ان طاح الجمل كثرت سكاكينه والان ما قدرت اذكر الاشياء والامور الثانيه وكل المشاكل ان شاالله تنحل لما اصير ببيت لحالي لاني اخاف عيالي يسوون شي بالرغم انهم لازمين حدهم بس اموت من الخوف لو يسوون شي عشان ما احد يتضايق منهم اتمنى انكم فهمتو قصتي وهذا من باب الفضفضه لاني فعلا ما لي احد اشكيله همي بعد الله غيركم وطبعا خالتي الان زعلت مني لاني رديت عليها مو متعوده مني وانا ما ادور زعل احد واله اداري الكل يمكن لو اني شرسه او لئيمه كانت كل حقوقي مستجابه يلا ما شي يروح عند الله ونعم بالله

>>>>> ردود الأعضـــــــــــــــــــاء على الموضوع <<<<<
==================================

ربنا يعينك يا حبيبتى وييسر أمورك ويعوض صبرك خير طيب ما تحاولى تشتغلى من بيتك فى أى مجال عندك خبرة فيه وتصرفى على متطلباتك الضرورية.

__________________________________________________ __________

الله يفرج همك
ويرزقك من واسع فضله ياكريم
فعلا اللي ماياخذ حقه بنفسه
ماحد يعطيه حقه
وانتي تنازلتي كثير
وزوجك تعود على كذا
وباين انك طيبه ومحترمه
والطيب ماله نصيب في هالدنيا
الله يفرجها عليك وعلينا

__________________________________________________ __________

اي اختي احا ول ادبر نفسي اخوي الله يطول بعمره ارسله عبايات ويبيعها عشان يساعدني بس ما تجيب همها والحمد لله بس انا الي قلهرني انك لاتتكلمي يعني وارضي بالشقا لا ربي قال اسعو بس ابوهم الله يرحمه مدلعهم كان كثير لانه كان ميسور الحال والحمد لله انا عندي لغه وبدرس بس في مواسم الاختبارات وبدرس رياضيات والحمد لله راضيه وشايفتني بسوي الي علي وزياده لكن ليش اقول اني تعبانه في حياتي اعتبرتها اهانه ليش ما ادري لا وبالخير انا الحساسه ما همني الماده الحمد لله ربي ما ينسى عبده لكن الضغوط والمجتمع من حولي كلهم ما شالله مرتاحين وانا بدون استثناء الي بعاني وكتبت الله اللهم لااعتراض اتمنى انهم ما يهاجموني لانهم بيشفون اني شايله هم وكل الي حولي مقدملها كل شي على طبق ومش غيره والله بس لي عيون اشوف الناس قدرو هذا ما ذكرت الا القليل من معاناتي كل يوم

__________________________________________________ __________

المشاركة الأصلية كتبت بواسطة @ شذى الورد @ الله يفرج همك ويرزقك من واسع فضله ياكريم فعلا اللي ماياخذ حقه بنفسه ماحد يعطيه حقه وانتي تنازلتي كثير وزوجك تعود على كذا وباين انك طيبه ومحترمه والطيب ماله نصيب في هالدنيا الله يفرجها عليك وعلينا

الله يطول بعمرك فعلا انا غلطانه ما كتبت لكم من زمان خففتو عني الله يجزاكم خير وكلك ذوق اختي

__________________________________________________ __________

حبيبتي واضح انك طيبه وعلى نيتك اجلسي مع زوجك بهدوء وقولي له عاجبك الوضع اللي حنا فيه حااولي بأدب انك تلحي عليه يعطيك مصروف شهري من راتبه لاتقولين عليه ديوون و و و ترى الرجال لبغوا يبرونها دبروها
وحاولي ماتتحتكي في خالتك وانتي معصبه عشان ماتندمين

الله يفرج همك وعليك بالاستغفاااااااااااااااااااااااار