عنوان الموضوع : يلا صبايا شوية نخوي ذكرى زواجي قريب شوفو فكرتي وعطوني افكاركن حياة زوجية
مقدم من طرف منتديات نساء الجزائر

يلا صبايا شوية نخوي ذكرى زواجي قريب شوفو فكرتي وعطوني افكاركن






مرحبا صبايا:
حبيباتي انا ما الي غيركون
ذكرى زواجي الاول بعد 12يوم ومحتارة شو اعمل
انا رح قلكون شو بدي اعمل وانتو عطوني رايكون
واذا في ايا فكرة ولو بسيطة يا ريت تساعدوني
اولا اتفقت انا وزميلة زوجي بالشغل انو قبل بيوم زواجي المسا رح اعطيها رسالة وكارد ووردة حمرا كرمال تحطون على مكتب زوجي الصبح قبل ما يجي
طبعا الرسالة فيها شوية حب وشكر ع الاوقات الحلوة اللي عشتا معو واعتذار على اي لحظة زعلتو فيها ولازم نوعدو انو السنة اللي بعدا ح تكون احلا من هالسنة انشالله
ولازم تنحط جملة انك انت طلعت قد الحمل والامانة اللي سلمو ياها اهلي(كرمال الرجولي)
وطبعا بالكارد رح يكون دعوة للفندق انشالله رح احجز غرفة بفندق كرمال التغيير
لانو ما ضل مناسبة ما احتفلت فيها بالبيت
طبعا رح كون حاجزي عن الكوافير قبل بيوم كرمال اعمل تاتو حنة آخر الضهر وعند الكتف وطبعا قبلها حمام مغربي ع كيف كيفكون وحواجب......الخ
وتاني يوم رح يكون بس كرمال السيشوار والمكياج
والفستان بفضل يكون فستان ساتان سيمبل ابيض او اسود
بالنسبة للطاولة اكيد كاتو بس لسا ما قررت اذا ح يكون احمر او شوكليت
وعصير وايا شي تاني متل شوية برك وصحن تبولة لانو رح يروح من الشغل للفندق اكيد ح يكون جوعان
مع انو بفضل بس كيك وعصير
واكيد ورد احمر وبالون
ومن محل الورد رح جيب ورق الورد كرمال اني حطون بالبانيو بس ما عارفي كيف بدي عطر مية البانيو؟؟؟؟؟ عندكون فكرة؟؟
ما رح اعمل حركات كتير بالشوع والتخت لاني سبق وعاملتا كتير بس اكيد شمعتين ع الطاولة
مممممممممممممممممممم
بالنسبة للهدية زوجي ناقصو شوية تياب
رح جبلو طقم كامل من الزنار للحذاء
طبعا حلا الهدية لفتها بصندوق بطريقة غريبي
ممممممممممممممممممممممموشو ضل
آه كمان رح جبلو بجامة العرس يلبسا بالاوتيل
وانا رح اجيب طقم الصباحية بقولو عنا(المشلح الابيض)
نسياني شي انا؟
اسعفوني
لانو ما في وقت دوبني ألحق
عم استنا ردودكم
امانة لا تبخلو عليي ولو بفكرة صغيري
يلا العد العكسي بدأ

>>>>> ردود الأعضـــــــــــــــــــاء على الموضوع <<<<<
==================================


الله يهنيكي يا رب ويجعل كل ايامك سعادة واتوقع كل اشي ذكرتيه بس بتمنى انه يكون مهتم بعيد زواجكم ومتعب حاله زي ما انتي متعبة حالك علشانه وعقبال ما تحتفلوا باول بيبي


__________________________________________________ __________

الله يهنيك يااااااااااااارب


__________________________________________________ __________

الله يتمم عليك يااااااااااااااااارب


__________________________________________________ __________

المشاركة الأصلية كتبت بواسطة اموله الحلوه
الله يهنيكي يا رب ويجعل كل ايامك سعادة واتوقع كل اشي ذكرتيه بس بتمنى انه يكون مهتم بعيد زواجكم ومتعب حاله زي ما انتي متعبة حالك علشانه وعقبال ما تحتفلوا باول بيبي

حبيبتي اموله حطيتي ايدك ع الجرح لانو حاسي بعد كل هاد رح يقلي شوفي اليوم؟


__________________________________________________ __________

وين الافكار يا صبايا
العد العكسي بدأ