عنوان الموضوع : هل ترغبين بحياة زوجيه مليئه بالحب والاحترام ؟؟؟ حياة اسرية
مقدم من طرف منتديات نساء الجزائر

هل ترغبين بحياة زوجيه مليئه بالحب والاحترام ؟؟؟






سيدتي انا ادعوكي لكي تكوني محط اهتمام زوجك ....
ولكن كيف ؟؟؟
هناك بعض الامور التي يجب على الزوجه مراعاتها للحصول على هذا الحب والاهتمام .... وهاهي بعض تجاربي مع زوجي العزيز
اولا:يجب ان تعاملي زوجك باحترام كما تحبين هو ان يعاملك فاذا شعرتي بان زوجك متضايق يجب عليكي ان تحضنيه وتواسيه وتخرجيه من هذه الحاله بكل حب وحنان ورومنسيه لا ان تزيدي عليه يعني (والله عملت امك وسوت وحكت ) بتعرفو انتو هاي المواضيع وبصراحه انا عمري ما جبت لزوجي سيرة حد من خواتو (امو متوفيه ) بالعكس انا بحبهم وهني كمان بحبوني وبحببهم في يعني بساعدهم و بجبر بخاطرهم باختصار وما ببعد بينهم وبين زوجي بالعكس انا كمان بحببو اكتر فيهم ....

ثانيا :هلا بدنا نيجي للموضوع الحساس شوي وهو العلاقه الجنسيه بين الزوجين ...حبيباتي انا ما رح اطول عليكم بس رح احكيلكم كلمتين باختصار بحققولكم سعاده زوجيه انو شو ما يطلب منك زوجك اثناء الممارسه انك تعمليه ( الا ما حرمه الله ) اكيد كلكم افهمتو شو بقصد ...والاهم من هيك انو ما تحسسي انك ما بدك او والله تعبانه او قرفااااااانه لانو هاد الشي رح يبعدو عنك وع فكره لما تسعدي زوجك هو كمان رح يسعدك .... كمان لازم تنتبهي انو بعد ما تخلصو العلاقه الحميمه لازم ما تبتعدي عن زوجك كانها مهمه وخلصتيها لا لازم تحضنيه وتقبليه وتعبريلو عن حبك وانك انبسطي معاه وهيك .... بس ديري بالك ما تخلي الاحضان والتقبيل بس اثناء وبعد الانتهاء من العلاقه لا في اي وقت والزوج بحب كتير هاي الاشياء .. ولازم دايما تجزبي بشكلك وبمظهرك المثير ...

ثالثا: هلا لما بدك تطلبي مصروف من زوجك ما تطلبي منو وهو معصب لا وهو بكون مزاجو رايق ومعدل (اوعك تطلبي منو مصاري الصبح )لانوهاد الشي بنرفز الازواج ...


شكرا لاطلاعكم

>>>>> ردود الأعضـــــــــــــــــــاء على الموضوع <<<<<
==================================


نصائح بسيطه لكنها عميقه التأثير
تسلمين مجهود رائع


__________________________________________________ __________

مشكوره ياقمر
بس انا زوجي شو ما اعمل معه بيبقى معي اناني ومابحب غير نفسه
بس بنفس الوقت هوه شوي حنون معي
ومابعرف كتير حاسه انا مو متفقين مع بعض وانا الي متزوجه سنتين ولسى ما رزقنا ربي اولاد
يمكن يكون هاد الشي يأثر على نفسيتنا لانا قاعدين انا وهوه لبعض على اي غلط
اررررررجوكم تساعدوني هل ابقى معه ام اتركه
انتظر ردودكم
وسلامي للجميع


__________________________________________________ __________

[center]روابينا[/
شكرا على الرد الحلو هاد
center]


__________________________________________________ __________

ابني العزيز انتظرك
الله يرزقك يا رب بالذريه الصالحه بس انا بقولك انو هاد الشي بأمر الله وما تقسي على زوجك بتفكيرك بتركه لانو هو كمان اكيد نفسيته متأثره بالموضوع هاد ولازم تعملو فحوصات وتشوفو شو سبب التاخر وان شاء الله يكون خير ....


__________________________________________________ __________

شكرا لالك حبيبتي على هلمعلومات القيمة رح اخدها بعين الاعتبار وخلينا على طول نشوف هيك مواضيع تهم الزوجة بس بدي اسالك كم سنة زواج