عنوان الموضوع : شـوفـوـآ مدىآ استهتار الزوج في زوجته ونصائح صحباتهـ
مقدم من طرف منتديات نساء الجزائر

شـوفـوـآ مدىآ استهتار الزوج في زوجته ونصائح صحباتهـ















انا افكر اقاطع صاحباتي

رغم انهن صديقات قديمات...وبيني وبينهم احلى ايام وذكريات

لكن كلامهن يجرحني ونصايحهن قاسية علي

و اخاف لو دورت مالقى مثلهن

اكيد ماراح القى فهالزمان الي ندروا فيه الاصحاب >>حكيمة

عدد صاحباتي 20 >>>ولاية بحالها

7 متزوجات منهم 4 يحكون عن حياتهم الزوجية ويتكلمون عن همومهم وانا منهم و3 ساكتات مايهرجن >>>خايفات من الحسد
و3 مطلقات ...و3 بنات...وال7 الباقيات خالعات ازواجهن بالمحاكم >>يخوفون!!





يقولون لي دايما انتي ضعيفة شخصية قدام زوجك

ولا لك راي ولا كلمة!!

ودايما يضحكون على مواقفي معه...


""""""""""""""""""""""""""""""""""

مرة قالوا لي : رحتي السوق الفلاني الي افتتحوه قريب؟!

قلت:زوجي يقول لسه باقي مافتحوه!

قالوا : قصوا الشريط الاحمر والناس صارت تشتري منه لها شهور!


:::::::::::::::::::::::::::::::::::::::


ومرة قالوا ايش رايكم نجتمع بالحديقة المائية زي المرة الي فاتت؟؟!!

قلت : لسه هي مكانها!!

قالوا : ليه وين بتروح ؟

قلت : قلت لزوجي تعال نجلس بالحديقة الي رحت لها مع خوياتي قال نقلوها!!

قالوا : زوجك ذا مايخلي علومه الى متى وهو يضحك عليك؟!!


:::::::::::::::::::::::


ومرة قالت واحدة من المتزوجات انا رحت مع زوجي لاكبر صالة عرض للاجهزة الصينية واليابانية..

ورحت لزوجي وقلت له : هيا نشوف الصالة الي تعرض الياباني والصيني في المكان الفلاني..

قال:صاحبها خسر بالاسهم وصكها..

قلت بس صاحباتي راحوا لها مع ازواجهم..

قال :اليوم سمعت الخبر بالجزيرة!!

ولما علمت صديقاتي قالوا لي : ياشيخه رووووووووحي كبري اذانيك واسمعيله وصدقيه بكيفك..والله تعبنا فيك



::::::::::::::::::::::::::



ومرة تكلموا عن مطعم اكلاته حلوة..قلت لهم هاتوا عنوانه عشان اروح له مع زوجي..

قالوا : لا..ماينفع..

قلت :ليه ؟...

قالوا ::: قفلوه

وضحوا ضحكة جماعية علي




::::::::::::::::::::::::


ومرة قالوا لي :
شوفي تعرفين الجبل الفلاني سوت البلدية فيه جلسات روعه ورمانسية والجو هاليومين خيال ..لايقولك قفلوه ولا نقلوه..تراه مايتحرك خلقة ربه وماهو ملك احد..

ورحت لزوجي وناوية عالشر:

قلت له فيه جبل قريب نظفوه وضبطوه للجلسات العائلية ودنا انروح حنا والعيال

قال: تبين العيال يطيحون منه تعرفين عيالك مجانين !!<<يدور اعذار

قلت : ماعليك بانتبه لهم!

قال :طيب الشهر الجاي يصير خير!!

قلت بعصبية : اقولك جديد ونظيف وودي اروح له واتقول الشهر الجاي..انا اصلا احب المرتفعات من يوم انا صغيرة ..جدتي كانت ساكنه براس ضلع وكنت اروح لها كل اسبوع..

قال:طيب ياهايدي ...ذكريني الخميس الجاي!

وجا الخميس..ولبست نفسي والعيال واستعدينا العصر للكشتة..

قال: على وين!!..

قلت : نسيت وعدك!!..بنطلع الجبل!!

قال:ماقلت لك!!

قلت : ايش!!

قال : صكوا الطريق الي يودي له!!

اعطيته نظرة شك.!!

قال : يقولون في ارهابيين مختفين بالجبل..وبيهجمون باي لحظة!!

انفجعت ..وقلت : ياساتر يارب..الله يستر علينا و على المسلمين اجمعين

قال:والدوووووريات والشرررررررررطة والحراااااااااااسة المشددددددددددة!!

قلت : يارب احفظ هالبلد امن..

قال :امين

وخفت وصرت افكر بمصايب هالارهابيين ...

وقال : ها تبين مشوار ثاني ؟!!

قلت : لا لا لاخلاص باتابع الاخبار يمكن يجيبون شي عن الحادثة هذي!!

قال: نعم الراي!

وطلع هو لمشواره وفلّته مع اصحابه!!!


::::::::::::::::::::::::::::

وبعد كم يوم زرت صاحباتي

وسالوني : ها كيف الجبل ؟!

قلت:مادريتوا؟!!

وصرت احكيلهم عن الخبر المفجع وانهم سدوا الطريق ووووووووو

وراحوا يناظرون ببعضهم وويقولون : هذا اكيد عامل لها سحر ولارابط لها عيونها..يابنت فوووووووووقي!!

قلت : بسم الله ايش فيكم عليّ

قالوا : ياذكيه يتهرب منك زي عادته ولا فيه ارهابيين ولا شي كل يوم واحنا نطلع له!

قالت وحده معصبة : اقول لك شي ....اعطيني زوجك شهر بس اربيه وارجعه لك؟!



قلت: طيب ..بس اكيد اترجعينه؟>>>حامض على بوزها

قالت: يوووووووه عاد من زينه

قالت واحده :لا لا خليه عندها..هي تعتمد على قدراتها وتغيره بطريقة ودية وطالما انها اتحبه اكيد بتصبر عليه لين يتغير.

قالت ثانية: اقول بلا طريقة ودية بلا خرابيط انفخي عليه وقولي له : هي كلمتين بس :ياتحبني ياتطلقني!!

قلت:هو يحبني صدقوني وانا احس بحبه واهتمامه..لكن مايبغاني اطلع مشوار معه..ولا اتوظف واغيب عن البيت ولا ولا ولا ....

قالت وحده:ياكثر ولا ولا ولا..ماخليتي شي ...كل هذا ويحبك؟

بكيت بعد كلامهم هذا ...وقامت وحده تسكتهم : اتقول شوي شوي عالبنت ارحموها .....وقالت لي : خلاص حبيبتي لاتبكين هم لما ينصحوك خايفين عليك ...وعليهم بالي يسمعونه ويشوفونه منك لكن انتي ادرى بحياتك واقدر انك اتغيريها لانك انسانة عاقلة وراشدة !!>>>ريحني كلامها وخففت عني كثير الله يجزاها خير
وبعدين قالت: ومتى ماعجزتي انك اتصلحيه شاوري لنا بس واحنا نختار اجن وحده فينا وانجوزها له وتلعب لك بحسبته لعب وتاخذ حقك منه!!
>>هذي الي يقالها اعقلهم

قلت : ماعندكم حل غيره

قالوا: اجل قوي شخصيتك وسنعي نفسك..وحنا بنخف عليك شوي ..لكن مو تاركين النصايح..بكرة لاجا الفاس بالراس تعتبين علينا واتقولين ليه مانصحتوني؟!!...لكن هاااااااا والله والله لو زوجك منعك عنا ولا ردك لاتشوفيننا ..اننا لنروح له ببيته ونتوطى ببطنه!!

قلت :لا هو يحبكم مرررررة

قالوا: ايه ازين له!!

ولما جا ياخذني من عندهم وركبت السيارة

قال: ها ويش علوم صاحباتك؟

قلت : يسلمون عليك>>اه لو يدري بس!!

قال : الله يسلمهم>>وضع يخوف



:::::::::::::::::::::::::::::::::::::::::

ومرة ادرت الحوار التالي مع زوجي:

قلت له :فيه معهد يعلم لغة انجليزية يمدحونه ايش رايك اتعلم عشان ابربر معك انجليش بدال مانت تهرج وانا فاغرة فمي مو فاهمه عليك!!

قال: تعلمي اللغة العربية افيد لك >>ليه شايفني هندية

قلت : افيد نفسي وادرس عيالك بالمادة وافهم عليك

قال: قلت لك اللغة العربية لغة القران

قلت :اقول لاتستخف بعقلي!!

قال:كلامي عين العقل

قلت:الى متى...تقنعني بكلامك بس عشان ترتاح مني!!

قال:الحين انتي فاهمه كذا

قلت :ايه

قال:بترجعين لموالك المعتاد باقوم واخليك

قلت:ابغى اعيش وسط الناس ...ابغى امارس شي مفيد..ابغى اكون عضو فعال بالمجتمع!!

قال : انتي عايشة وسط الناس كل يوم عند اهلك وصاحباتك...وخدمتك لبيتك افيد شي اتسويه...وانت ام وزوجه يعني عضو فعال بالمجتمع!!

قلت : كالعادة تدور لي راسي وتحرفه للاتجاه الي تبغاه

قال:وظيفة مالك امل...تبين عيالك يدجون؟

قلت:يعني كل الموظفات عيالهم داجين!!

قال:ايه

صرخت بوجهه: وقلت بطّل اتزور حقايق..بطّل تنظر لي نظرة دونيّة وللموظفات...بطّل انانية وحب لنفسك......... تبغى اتروح وتطلع واتشوف الناس والعالم وكل همك ماتلتفت وتلقاني جنبك برحلتك هذي!!
ليييييه ...مستعر مني ..ولا تمارس برى شي ماتبغاني ادري عنه..ولا ايش بالضبط؟
وانهرت بالبكاء ......

وراح بهدوووووووووووء بدون مايقول ولاحرف ...كعادته بعد كل حوار!!

::::::::::::::::::::::::::::::::

وفي يوم زاروني اثنين من صاحباتي...!!

قالوا: زيارتنا هذي مهمة عمل.

قلت :يعني ايش؟

قالوا:نبغى انكلمك كلمتين بعيد عن الباقيات!!

قلت:هاتوا ماعندكم

قالوا:شوفي حبوبة..حنا اكلناها قبلك ونتمنى يارب مايصير لك مثلنا...ونبي نريح ضميرنا وانقولك شي من خبرتنا بالرجال

قلت:وانا كلي اذان صاغيه.

قالوا:فضفضة المجالس الي انسويها اسبوعيا لاتسمن ولاتغني من جوع!!
يعني اتريح بس عشان الوحدة تفرغ شحناتها بالهرج بدال ماتفجر نفسها..لكن ماتحل مشاكلك ...ويمكن اتكون سبب في زيادتها ..لان كل واحدة بترمي كلمة كتعليق بعد نهاية شكواك..ولاتكون عارفة ظروفك او طبيعة زوجك ...

ونصيحتنا لك...اعتبري كل شكوى مجرد فضفضة..ولاتاخذي كل نصيحه الا انتي حاطتها تحت المجهر..تصلح اطبقها على زوجي او لا؟..تناسب طبيعته..وتأثر فيه او تقلب الطاسة على راسي!!!

ولاتنسي ان صلاة الليل ..والدعاء والثقة بالله هي اكبر معين لك على زوجك

قلت : ونعم بالله

قالوا:و مشكلتك هذي هوينه عند مشاكلنا ..والي مر علينا...والي يشوف مصيبته اتهون عليه مصيبة غيره.

قلت : الله يعوضكم خير يارب

قالوا: والله يهدي سرك ويصرف نظره وقلبه لك.

قلت :امين


:::::::::::::::::::::::::::::::::::::::


ومرت سنوات..وزوجي زي ماهو.....احسه القريب البعيد...معيشني فراغ عاطفي شديد..وملل يومي..لايجلس معي ويشاركني هموم بيته وعياله..ولا ياخذني معه ويفرحني ويبسطني

كل همه انه يكمل بيته ...ويمشي....ما سمح لي بالوظيفة انجز وابدع واذوق طعم النجاح...ولا اثري مهاراتي وثقافتي...

حتى عيالي بكرة يكبرون ويشوفون مصالحهم ويتزوجون..وانا لسه اسكن بين اربع جدران..لاعلم ولا عمل ولا هواية اقضي فيها مابقي من وقتي...

صارمجلس الصاحبات ...هو متنفسي الوحيد ....ومجتمعي الاسبوعي الي اسمع فيه حكاوي المجتمع واخر النكت والاخبار واول مااطلع كل شي يتبخر...ولا يبقى سوى الملل بداخلي.............الله يسامحه





>>>نهاية مبكية



منقؤؤؤؤؤؤل

>>>>> ردود الأعضـــــــــــــــــــاء على الموضوع <<<<<
==================================


مشكووووووووورة علي النقل الرائع


__________________________________________________ __________


__________________________________________________ __________


__________________________________________________ __________


__________________________________________________ __________