اعملى لجوزك عمل -مجابة
عنوان الموضوع : اعملى لجوزك عمل -مجابة
مقدم من طرف منتديات نساء الجزائر
اعملى لجوزك عمل
كيف تستحوذين على حب زوجك ؟
لكل إمرأة تريد أن تحافظ على بيتها وزوجها لابد وأن تسحره بسحر لا يمكن فكه ولا حله وبجد هيفضل ان شاء الله مفتون بيكي العمر كله .
إسمعى كلامى ومش هتندمى إن شاء الله .........
1- زوجك ليس نداً لك ... زوجك رجل له كرامة وكيان وشخصية تمتلئ بالشموخ والعزة
2- بيتك هو جنتك وأطفالك هم عصافير هذه الجنة فلا تجعليهم غربان تحوم حول زوجك حين يحتاج للراحة والهدوووووووووووء
3- خليه يفتح موضوع جدى معاكى واسمعى للىخر ولما يخلص كلام قوليله بس انت نسيت حاجة مهمة طبعاً هينتبهلك ويسألك ايه هى قوليله مثلاً أمممم (إنى باموت فيك ) او (إنى باعشقك ).
4- كل الامورانتى تقدرى تجميليها وتحليها يعنى مثلا أثنى عليه فى موقف ما ( والله كنت ممتاز لما اتصرفت كذا ) او ( ما شاء الله تصرف حكيم منك ) ...... الخ.
5- لازم يحس بقوته وشخصيته فى البيت وانك ضعيفة قدامه مش فى التفكير والعقل لا بالجسم إلجأى ليه زى الأطفال لو صابعك إنجرح وادلعي عليه هاتى بلاستر وخليه هو الى يلفه لا مش بس كدة ويبوسه كمان إشمعنا هيفا طووووووول اليوم بتقول بوس الواوا خليه يبوس الواوا اشمعنا هى .
6-حسسيه دايماً ان عداداتك وبوصلاتك تقف فى حالة غيابه عنك .
7- أسهل طريقة لقلب الراجل مبقتش معدته الدنيا بتتطور لا بقي دلوقتى عقبال أملتك عينيه وأنفه إزااااااى ؟؟ أقولك
لازم لما يشوفك دائماً تبهريه مرة بالأنوثه ومرة بالشقاوة ومرة بالطفولة ومرة بالغمووووض خليه يحتار فيكى
أما الأنف طبعاً بلاااااااش برفيوم البصل إلغيه خالص جددى فى اختيارك لعطورك .
8- كونى له كل النساء الى يحتاجها كونى أمة يكن لك عبد .... كونى أخته وقت فزعه .... والدته وقت الدمعة .... حبيبه تحلى الدنيا بيها .... زوجته وقت التيهه .....بنته لما يحس بالألفة . كونى له نساء الأرض جميعاً لا تبخلى عليه ستؤجرى والله على ذلك .
9- علمى أولادك تقبيل يديه ويدا أبويه مش عيب ولا حرام ولا انتقاص منهم أو منك لسه الدنيا بخييييييير .
10- لا تختلقى المشاكل مع أهله أمك قالت وأبوك عمل بلااااااااااااش أحسنى إليهم أحسن الله إليك (افعل ما شئت فكما تدين تدان ) وبعدين ( هل جزاء الاحسان إلا الاحسان ).
11- لو فيه ممناسبة عند حد من اهلة ونسي هو هاتى هديه واكتبي عليها اسمه نيابة عنه وابعتيها على ان هو الى بعتها .
12- بتضايقي لما يبص بره أو على البنات فى القنوات اياهاااا حاجة تقهر مش كدة عندك حق بس انتى الى غلطانه اعملى زيهم و هو مش هيقدر يبصلهم تانى ولو حصل حقك بقي بالتليفزيون وفوق دمااغة وتبقي خلصتى من 2 فى 1
اوعى تعمليها بهزر طبعاً
13- دلعيه ... دلعيه .... دلعيه .... بكل الاسماء والكنيات الى يحبها والى تخطر على بالك ( شغل ستات بقي ).
14- لو طلبتى منه حاجة ونسي يجيبها بلاش حساب الملكين الله يرضى عنك وقوليله خلاص حصل خير مفيش مشكلة مع ابتسامة صغنونة (يمكن ينزل جرى يجيب الى نسيه ). ولو محصلش مشى نفسك ده انتى رئيسة وزراء تمااااام.
15- بلاش تنقديه قدام اى حد خصوصاً الاهل حتى لو كان من ساسه لراسه عيوب اكيد فيه حاجة حلوة انتى حبيته علشانها .
16- اياكى و إظهار عيوبه أو أسرار بيتك قدام حد ولازم كل الاحترام والتوقير قدام كل الناس حتى لو قبلها بثانية شادين شعر بعض .
17- إهتمى بأغراضه وببيتك ولازم تعرفى انه عنوانك بره البيت .
18- بيتك مملكتك إوعى تتنازلى عنها ودافعى عنها بكل ما أوتيتى من قوة وعقل .
19- بين الحين والآخر خليه يخرج مع أصحابه أو أهله بلاش تحسسيه انك كاتمة على نفسه . ولما يرجع عبري له عن شوقك ليه واشتياقك له فى غيابه وهو من نفسه مش هيروح فى مكان من غيرك .
20- حسسيه بغيرتك عليه (بس متسوقيش فيها ).
21- تعلمى فنون الطهى لمختلف البلدان ودوقيه وانك مستنية رأيه ( ربنا يستر ) .
22- كل فترة ابعتيله رساله على الموبيل ( وحشتنى - مشتقالك - بحبك -.... ) بس خلى بالك لقد أوشك رصيدكم على النفاذ .
23- لا تخالفيه أمام أولادك وإن كان عندك تعقيب على رأى ما يبقي بينك وبينه .
24- بلاش الخلافات تظهر قدام حد وان اضطر لذلك يبقي الرشيد الحكيم الى يهمه جداً أمر الاسرة (فابعثوا حكما من أهله وحكماً من أهلها إن يريدا إصلاحاً يوفق الله )مش نصيح فى العيلة كلها والكبير والصغير يعرف .
25- أقولك على فكرة جنااااااااااااان تخليه أسيرك تعالى بعد ما تخلصى الصلاة وقبل ما تقومى من مكانك وانت لسه على سجادة الصلاة نادى عليه وخليه يقعد جنبك وامسكى ايديه و قولى اللهم أنى أشهدك انى راضية عنه واحبه فيك فارزقه اللهم رزقاً حسناً واجعلنى اللهم له مطيعه ولسره حافظة وقبلي يديه وشوفى بقي الهنا بعدهااااااااا
>>>>> ردود الأعضـــــــــــــــــــاء على الموضوع <<<<<
==================================
__________________________________________________ __________
__________________________________________________ __________
inchalah basse ana hala kitire marida assefa habibaty
__________________________________________________ __________
جزاك الله خير نصائح ولا أروع تسلمييييييييين
__________________________________________________ __________
تسلم ايديكي على الموضوع الرائع
وننتظر المزيد
رد مع اقتباس
