عنوان الموضوع : تكفووووووون ابي مساعدتكم باسرع وقت
مقدم من طرف منتديات نساء الجزائر

تكفووووووون ابي مساعدتكم باسرع وقت






بسم الله الرحمن الرحيم
انا بصراحه عندي مشكلة وياريت تساعدوني في حلها
انا حاليا في فترة خطبه مع شخص من بلد اخر غير ديرتي الكويت بس هو شخص خليجي وعاداتهم وتفكيرهم يختلف عنا انا بنت عمري 23 عشت في عايله متوسطه الدخل بس الحمدلله مدللين وكل طلباتنا مجابه وماخذين قدر من الحريه فاول ماعرفت الشخص وكلمته كان مستغرب اولا من شلون اني اسوق وان هالشغله ما يصير ويخاف ان اهله يدرون وهو عيب عندهم وطلب مني ماجيب لهم طاري ووعدته ماجيب هالطاري لانه مو اخر همي وبعدين طلعلي بسالفة انه ما يبيني اطلع بروحي وبصراحة قمت اذا بطلع ماعلمه اني بطلع واذا سالني اقول مارحت مكان تفاديا لعوار الراس ..ثانيا هالشخص من اول ماعرفته وهو يقول انه يبي وحده تحب اهله من حبه لانه يموت فيهم وعلى فكره هو ساكن بمنطقه واهله بمنطقه ويزورهم بالمناسبات وقلت له اكيد اني بحبهم كفايه انهم اهلك بس مشكلتي معه انه يزعل من اقل كلمه حتى لو كان شي غير مقصود مثل قالي واحنا نسولف انه بعد الزواج بيروح يختبر كل شهر بمنطقه وبيحطني عن اهله قلت وانا اضحك لا حبيبي حالي من حالك وان مالي قعده من غيرك وبس سكرت منه قام يرسلي مسجات انه متعمد يستفزني بهالشغله يبي يشوف ردي وقلت له اني ماخطيت بكلامي بس هو شوي عصبي وزعول مره ويقول مايحب المره الي ترادد وتعاند مع اني ماحس هذا مرادده بالعكس احس انه تفاهم والي مايعجبني فيه اني اذا كلمته وزعلته بشي مايقوله وانا باقي اكلمه لا ينطرني اسكر وبعدين يرسلي مسجات بالي بخاطره ونقعد تقريبا طول اليوم مسجات وهالشي يضايقني وطلبت منه يغيره ووعدني ونشوف
بس الي انا اسويه صراحه لانه عايش عزابي واحس نفسيته زفت خصوصا برمضان فلما يصير بينا شي ما اقدر اخليه يطول وهو زعلان ماقدر انام لين اراضيه صدق انه احيانا يقط علي كلام يضايقني بس احاول اني اتغاضى لاني احس ماراح اقدر اتفاهم الا وانا عنده اما بالتلفون ماينفع ابدا
وابي نصيحتكم وشنو الي مفروض اسويه معه وهل طريقتي اني ماخليه يزعل صحيحه تكفون ساعدوووني محتاجه ردودكم باسرع وقت مع اني نزلته من يومين في موضوع الاخت المثبت حق حل المشاكل بس للاسف محد رد علي ..

وشكرا

>>>>> ردود الأعضـــــــــــــــــــاء على الموضوع <<<<<
==================================


الله يالدنيا شدعوه يا بنات ولا وحده قدرت توصلني لحل وتهون علي؟؟؟؟؟؟؟؟؟


__________________________________________________ __________

شوفي ياالغاليه انتم كم لكم مخطبين اذا فتره قصيره لاتستعجلي حاولي تتعرفي عليه اكثر
وجعلي الصراحه بينكم من البدايه ولازم تحاولي تجلسي معها لان التلفون مايكفي ولاتتسهلي في طريقة معاملته لكي من البديه لان انتي متسهله معه مرره حاولي تقولي له اي شي متضايقه منه فيه


__________________________________________________ __________

مادري من كلامك حسيت انه السعودي لان السعوديه مافيها سواقة حريم هههههههههههه

اذا كان كذا ترى عادي مو متعود على السواقة الحريم لاتلومينه ههههههههههههههه

وعن اهله انا عن نفسي تريني اشجع زوجي انه يوصلهم مع ان امه وابوه متوفين والله يرحمهم بس اقصد اخوانه وخواااااااااااااته اهم حاجه ليييييييييييه لاني احط افبالي ان انا عندي اخوان واحتاجهم في بعض الشغلات تخيلي ان حريمهم يمنعونك انك توصليلهم بمعنى يفرون روسهم عليك مو تنقهرين حطي زوجك وانتي مع اعيالك اذا تزوجو بعدين ان كتب الله بنفس الموقف حطي افبالك ان الدنيا اعقوبه وبعدين تري اللي مافيه خير باهله مافيه خير بزوجته وعياله ويمكن انه هو يختبرك يشوف مستوا تفكيرك ويوسع صدره فيك

بس ترى الحرمه تقدر تفر راس زوجها بدقيقه لدرجة انها تقدر تفر راسه عليها يعني تقدر تخليه يكون ضدها او يكرها بمعنى

بس نصيحه دام انك في البدايه اذا كنتي مو مرتاحه فكري كويس قبل ماتتخذين اي قرار تراها حياتك انتي مو لغيرك هذا عمرك انتي اللي راح تعيشينها لا تخلين احد ياثر عليك حبيبتي وعلى تفكيرك زين ولا تتسرعين هذا اهم شي


__________________________________________________ __________

يلي انا شفته انك لح تتعذبي مع هذا الشخص - وبكرة تتذكرين كلامي - لان هو كل يوم بيجبلك سالفة جديدة و قصة جديدة و بكرة تلاقين نفسك عايشة مثلهم و ضاعت حريتك يلي متعودة عليها - خذي واحد من بلدك احسن - يعرف كل الامور هذي.


__________________________________________________ __________



حبيتي كل شئ يهون الا فكرة انه يغير شخصيتك

ايش قصده لما يقلك انا ما تعجبني اللي ترد و تعاند يعني يبغاكي صكم بكم او تغيري شخصيتك اللي انتي عليها

اللي فهمته انه يحاول يشكلك بالشئ اللي يبغاه علشان لما تتزوجوا تكوني زوجة هو شكلها و هيئها بالكاراكتر اللي يبغاه

فهميه ان هذي انتي و شخصيتك اللي انتي حاباها خلي ثقتك بنفسك كبيرة و بانك ما غلطتي لما يقلك غلطانة وضحيله ثقتك بنفسك و اعتزازك بيها و انه المفروض يحبك على الشئ اللي انتي عليه مو يحاول يغيرك

و بعدين اذا يقفل الخط و انتي تتكلمي فهذي قلة احترام اساليه قوليله انت قفلت و انا اتكلم هذا الشئ كان بقصد اذا قال ايوه فلا تسكتي اذا ما احترمك ايش تبغي فيه

و اذا زعل على كلمة او على سبب تافه فطنشيه لا تجري وراه علشان تراضيه

و اذا زعلك قوليله زعلتني و دافعي عن نفسك بقوة و عاتبيه باحترام وضحيله ان اخلاقك عالية و هي اللي تخليكي تعامليه باحترام


و الله يعينك يختي