عنوان الموضوع : توسيع فتحة البول عند الذكور
مقدم من طرف منتديات نساء الجزائر

توسيع فتحة البول عند الذكور



حبيت اكتبلكم تجربتي الشخصية مع ابني بهالموضوع،
وقت كان عمره 3 سنوات تقريباً رحت لعند دكتورة أطفال وطلبت منها تعمل فحص كامل لابني.
لاحظت الدكتورة أن فتحة مجرى البول عند ابني ضيقة مقارنة مع أطفال آخرين.
واقترحت علي إني آخذه لعند دكتور اختصاص بولية وبالفعل أخذته لعند عدة دكاترة جراحة بولية وكانوا سبعة، منهم من قال لي بدو عملية ومنهم من قال لا يحتاج لعملية.
وآخر دكتور اعتمدت على رأيه وقتها قال بأن الولد ما بدو عملية،
ومضى حوالي سنة ونصف وأنا بقلبي شك من هالموضوع ولاحظت أن عملية التبول عنده مو طبيعية: خط البول رفيع وعالي، تكرار عدد مرات التبول باليوم، وجع بأسفل البطن، (ولاحقاً أخبرني طبيب البولية عن وجود التهابات في المثانة).
فقررنا أنا وزوجي أخذ الولد مجدداً لعند دكتور بولية آخر طبعا غير السبعة وفحصه من جديد وقال أنه يوجد تضيق واضح ولح يحاول يعمل بالعيادة وفوراً توسيع يدوي ثم إذا ما تحسن الولد لابد من إجراء جراحة
وقام الدكتور وعمل التوسيع اليدوي (بمقص طبي) ويا الله كم تألم ابني يا حرام وصار يبكي ويصرخ لأنه ما حطلوا مخدر موضعي واتعقد الولد من هالقصة
وبالفعل ركز الوضع وتحسن تبول الولد حوالي يومين وبعدها رجع متل ما كان فأخذناه لعند طبيب بولية تاني
وفقال الطبيب الأخير بدو عملية وضرورية لأنه اذا اهملناه لا سمح الله بيصير معه قصور كلوي بالمستقبل إضافة إلى الالتهابات بالجهاز البولي والتناسلي (ويلي فيه بدايات لها عند الولد بدليل أن جدار المثانة سميك عندو مثل ما شاف الدكتور باستخدام جهاز الإيكو)
وخبرنا الدكتور انه بيقدر يعملها بالعيادة وبيعمل كل أسبوع لحالة أو اثنتين، ولكنه شاف حالة ابني وخوفه فقال الأحسن انه نعملها بالمشفى من شان نفسية الولد طبعا مع تخدير عام لحتى الولد ما يشوف شي بالمرة وما يعرف شو صار وما يتعقد وينوجع
وأخذنا موعد وعملناها بالمشفى والحمد لله طلع الولد بالسلامة وهي عملية بسيطة ومدتها ربع ساعة، وبعد ما طلع من العملية بقي بالغرفة ساعتين وما توجع وبعدين خرجونا عالبيت
طبعا أول يوم كان فيه وجع بس وقت بدو الولد يروح عالحمام، وبيروح الوجع تاني يوم بالإضافة لاستعمال مراهم محددة لمدة أسبوع
والحمد لله صار وضعه جيد والأمور بخير
حبيت خبركن عن هالعملية لحتى ما تتوهموا منها لأني أنا كنت خايفة منها كتير ولحتى تستفيدوا اخواتي من هالموضوع

>>>>> ردود الأعضـــــــــــــــــــاء على الموضوع <<<<<
==================================


الحمدلله على سلامة ابنك


__________________________________________________ __________

الحمد الله علي سلامة ابنك

وربي يخاليه لك اياه يارب


__________________________________________________ __________

الله يسلمكم حبيباتي ومشكورين على الرد


__________________________________________________ __________


__________________________________________________ __________