عنوان الموضوع : معاناتي مع ابني العناية بالأطفال
مقدم من طرف منتديات نساء الجزائر

معاناتي مع ابني



السلام عليكم اخواتي , كيف الحال ان شاالله الكل بخير
ارجو مساعدتي في مشكلتي هذه ولااعلم ان كانت مشكلة ام لا, لان هذا طفلي الاول
ابني عمرو سنة وشهران متعلق فيه لابعد الحدود بمجرد ان ابتعد عنه يبدأ بيبكي ويلحقني مع اني عودتو يتابع قنوات الاطفال لكنه بيمل احس انو صار عندي حالة هستيرية والمشكلة الادهى انو نومو باللبل متقطع وخفيف يعني على ادنى شي بيصحى ويصير يبكي وبدو يرضع وتقريبا بيصحى كل ساعتين.. حاولت افطمو بس ماقدرت بالليل بيصحى وانا بكون ميتة عالنوم فبرضعو.. اسفة طولت بس انا حابة اسال هل هذا الشي طبيعي وهل ممكن يتغير مع الوقت ام انو السبب الرضاعة الليلية وكمان ممكن يخف تعلقو بيه اذا خليتو بحضانة اطفال لانو اجازتي رح تخلص بعد كم يوم وصار لازم اداوم.. ارجوكم الي عدها خبرة لاتبخل عليا
ملاحظة انا برضعو حليب صناعي(نيدو) مع حليبي.. شكرا بانتظار ردودكم اخواتي

>>>>> ردود الأعضـــــــــــــــــــاء على الموضوع <<<<<
==================================


الله يخليلك ياه
هي هالحالة طبيعية عند بعض الأطفال
بس أنت بتقدري تفطميه عن رضاعة الليل بس بدها صبر وتحمل
وياريت لو تلاقي أحد من أهلك تحطي ابنك عنده
أفضل من الحاضة
والله ييسرلك


__________________________________________________ __________

عزيزتي تعلقه بك من ايدك شكلك ما بفتح تمه الا وانت حامليته أو تراضي فيه وفي الليل شبعيه منيح ونيميه وحاولي واذا حسيتي انه شبعان ونام شبعان ما تعطيه حليب شربي شوية مي عوديع على هيك والله انا ولادي كنت أشبعهم منيح قبل النوم وما يصحو الا الفجر بعمللهم رضعة وبكملوا نوم الحمد لله وبالنسبة للحضانة أولها صعبة رح يغلبك وبدين بتعود بس حطيه عند وحدة ثقة اللي تعتني فيه واذا في حد قريب الك أفضل


__________________________________________________ __________

أولا مبروووك عليكي النونو والله يحفظه ويتربى في عزك

ثانيا الزوجة قبل الولادة تعيش على راحتها .. نووووم وقت النوم او غير وقت النوم
تعمل خصوصياتها وحاجاتها كما تريد وباي وقت .. وحتى الخروج وقت للي تريد ما في اي عائق

شي طبيعي بعد الولادة تحس بهيك شي وهيك تعب لأن الوضع اختلف
وحريتها تقيدت كليا بحضور المولود الله يخليه

هاذي هي الأمومة تعب وصبر ومعاناة ولكن الجزاء من الله كبير

انتي تربي جيل وتربية الأجيال ما تجي بالساهل

أنتي كان من الأول تعوديه على أطباع شوي تخفف عنك التعب

مثلا ما تحملينه كل الوقت في الأسابيع الاولى والأشهر الأولى
كان عليك حتى الرضاعة ترضعينه وهو في مكانه أغلب الوقت مش في حضنك كل الوقت

أتذكر وانا صغيرة ولما امي كانت تجيب إخواني وأخواتي لما تشوفني أريد أحملهم بين يدي كل مرة تقولي :

لا تعلميه اليدّين وتخليني مبتلية بيه بعدين

يعني لا تعلمينه على الحمل فالأحضان لأنه ما رح يرتاح إلا بين يدينك ..

أما اليل كما قالت الأخت .. فبعد المغرب أو في الوقت للي انتي تريدين تنامي شبعييييه بالمرة ونيميه

شوي عن شوي رح يتعود ينام وما يفيق إلا فالصبح

وبالتوفيق وطولي بالك رح يكبر ويصير رجال ملوي هدومو طول بعرض
ويصير تعبك هذا نكتة تحكيها له وتضحكين


|


__________________________________________________ __________

اشكر مروركم ونصائحكم القيمة من كل قلبي عزيزاتي( زنبق الشام , متوكلة على الله22 , فطيمة المراكشية)
بس هو مابيلحقني لحتى احملو بحس انو بيخاف اتركو او ماارجع مع اني ماتاركتو ابدا لحالو او يبكي لوقت طويل وحتى احيانا اقسى عليه بالتوبيخ بالكلام وهو ماشاء الله ذكي بيعرف يفرق.. بس هو متعلق فيي كثير حتى اهلي بيحكولي هالشي تصورو حتى اللابتوب بيغار منو وبيشيلو من حضني وحتى من ابوه بيغار مع انو صغير على هالشي بس سبحان الله..
انا بالبداية كنت خايفة عليه كثير لانو اجى قبل وقتو واجى ضعيف البنية وحكولي بعيد الشر عنو انو يمكن مايعيش لهيك صرت احس بالذنب واخاف عليه من نسمة الهوا ولانو طفل اول فماعندي خبرة..
اما بالنسبة للحضانة فهي افضل من احد ثاني لانو كما صارت دنيتنا كل واحد يادوب مشغول ببيتو وشغلو واولادو وماحدا فاضي لحدا ولا اولاد حدا راح زمااااااااااان اول الحنية والمساعدة..
والرضاعة فأنا ذكرت اني بعطيه حليب صناعي لكن بالليل حتى لو شبعتو بيصحى على ادنى صوت.. يمكن مابتصدقو انا وابوه بنطلع برة اذا حبينا نقعد مع بعض.. احيانا بفكر اعمل طفل ثاني لحتى يخف دلالو.. بس برجع احكي بكرة يكبر وانسى والحمدلله على كل حال هذا نعمة ربنا حارم كثيرات منها ربي يطعم كل محروم هالنعمة العظيمة.. تحياتي


__________________________________________________ __________

طيب أنت عرفتي حالك كتير مدللتيه وهذا السبب بس لازم تعوده على البعد أوقات عنك
وخاصة أنك بتحطيه بالحضانة
والله يخليلك ياه وتفرحي فيه
ويرزقك حسن تربيته