عنوان الموضوع : حامل أول مرة ....بدي مساعدة
مقدم من طرف منتديات نساء الجزائر

حامل أول مرة ....بدي مساعدة



السلام عليكم و رحمة الله و بركاته
.
.
.
.
أنا عمري 20 سنة و حامل بالشهر الثامن و الحمد لله و هاد اول حمل
تغلبت كتيييير في بداية الحمل يعني شفت كل اعراض الحمل و الله يستر من الباقي

مو عارفة شو صار لي لما دخلت بالشهر السابع ..صرت أبكي دائما و ما أعرف أنام
لاني خايفة من الولادة
و كل شوي بسمع بشغلة جديدة عن الولادة ..... و الله ارتعبت كتيير
صرت أقول خلص مابدي البيبي......
مرة بسمع بالخياطة و مرة بالكشف الداخلي يالللي ما بعرف من وين طلعلي
بالله ساعدوني مو عارفة شو اعمل ...
و كل ما احكي لزوجي عن خوفي من الولادة
بصير يحكي : انت بتكبري الامور مع إنها سهلة ...( شو بعرفه !!)

وأمي ما بترضى تحكيلي كل الأشياء لانها بتخاف علي
مو عارفة شو أعمل ؟؟؟؟؟
المهم باختصار ساعدوووني
بحبكم كتيرررر

>>>>> ردود الأعضـــــــــــــــــــاء على الموضوع <<<<<
==================================


ي قلبي لا تخافيين مراح يصير شئ دام ربك معك توكلي عليه
اهم شئ امشي كثيير واكلي تمر خاص باﻷشهور الاخيير
الله يسهلها عليك وتقوميين بسسلامه


__________________________________________________ __________

اختي ليكي معك حق تقلقي لانك مو مجربة
ليكي الولادة باختصار بتجيكي مغصات متل الم الدورة بس اقوى وبتروحي عالمشفى
حتى تعرف الطبيبة اذا ولادة ولا لاء ...بتلبس كف وبتحط كريم على ايدا وبتدخل ايدها بالمهبل لتعرف كم مفتوح الرحم ...طبعا هي بتحط كريم وبتنزلق ايدها بسهولة (او كم اصبع فقط)وبتكوني مسترخية ما بتحسي
المهم بس يصير الفتحة مناسبة بيفوتوكي على غرفة الولادة يلي بيكون فيها الالم الحقيقي بس هاد الالم مدتو قصيييييييرة انشالله المهم حاولي تسترخي
بيطلع راس الطفل خلص ما بيضل شي ابدا ابدا...
بالنسبة للخياطة ...فتحة المهبل صغيرة وكرمال ما يتعذب الطفل ..بيخدروكي بإبرة صغيرة وبتجرح الطبيبة قليلا ليكبر الفتحة ويخرج الطفل بسلام
انتي ما بتحسي لان بتكوني مخدرة
وبيقطبو

خلص العذاب
بعد الولادة بتحسي تقلصات متل الدورة بيكون الرحم عميرجع مكانو
وبالنسبة للخياطة..اهتمي بالنظافة ومغاطس ماء وملح ومعقمات انشالله ما بتحسي بشي
اما لو اهملتي بيصير وجع والتهاب


اما القيصرية...
بيجرحولك بطنك وبيشيلو الولد خلال خمس دقائق وبعدين بيصيرو يقطبو
في نوع قطب عادي ..وفي نوع قطب تجميلي بالليزر مابيكون في قطب ببطنك ما احلاها
بس اول اسبوع بالذات ممنوووووووع تتعبي او تحملي شي غير ابنك
في نسوان بتقول وجع ساعة احسن من وجع اسبوع
المهم امشي وكلي تمر
ولاتسمعي خرافات النسوان وتشربي اعشاب لان ممكن تأذي
تسمعي شي بيجيب الطلق اوعك تشربي لان اذا اجى تقلصات طلق وعنق الرحم مسكر بينفجر الرحم اوعك تخبصي بالاعشاب
اذا في شي تاني تفضلي اسألي


__________________________________________________ __________

حبيبتي وكلي أمرك للرحمن

وتذكري طفلك اللي سيخرج من أحشائك كيف سيكون

لا تخلي وسوسات الشيطان تسيطر عليك

أكثري من الدعاء حبيبتي

ربي يسهل ولادتك يا رب


__________________________________________________ __________

اختي ليكي معك حق تقلقي لانك مو مجربة
ليكي الولادة باختصار بتجيكي مغصات متل الم الدورة بس اقوى وبتروحي عالمشفى
حتى تعرف الطبيبة اذا ولادة ولا لاء ...بتلبس كف وبتحط كريم على ايدا وبتدخل ايدها بالمهبل لتعرف كم مفتوح الرحم ...طبعا هي بتحط كريم وبتنزلق ايدها بسهولة (او كم اصبع فقط)وبتكوني مسترخية ما بتحسي

شكرا لك حبيبتي...بس أنا مو متخيلة هاد الموضوع
الله يستر


__________________________________________________ __________

المشاركة الأصلية كتبت بواسطة bulut
شكرا لك حبيبتي...بس أنا مو متخيلة هاد الموضوع
الله يستر

ليش متخوفة؟
الموضوع متل الجماع..مو شي خطير
بتدخل اصبع واذا لقت مفتوح بتدخل اصبعين وهكذا
يعني لحالها اذا مسكر بتوقف
وبعدين بتكون حاطة كريم مزلق المهم استرخي ولا تشدي عحالك
الخوف بيزيد الوجع وبيوتر وممكن يسبب شي تاني
اتوكلي علله