عنوان الموضوع : تجربة صديقتي مع عصير الاناناس -للحوامل
مقدم من طرف منتديات نساء الجزائر

تجربة صديقتي مع عصير الاناناس



السلا عليكم...

انا الليوم جاية احكيلكم عن عصير الاناناس الي ممكن انو يمكن حد نزلو غيري وحكا عن فوائدو....

الي صار انو الي صديقة الها 5 سنين عم بتحاول تحمل... ومسكينة كان عندها مشكلة تكيس المبايض واعطوها كل الادوية هون في الولايات المتحدة الامريكية و جربو كل شي وما زبط شي معها... فكنت انا مرة اقرأ في منتدى عن عصير الاناناس انو بقوي المبايض وبنشطهم وعن وصفات تانية كتير لتنشيط المبايض والحمل بس انا شفت انو عصير الاناناس سهل وممكن اتجربو صديقتي... فحكيتلها عنو وما عارضت لانها تعبت محاولات... فكنت اجيبلها اياه كعصير من السوبر ماركت زي ما قرأت وصارت من اول يوم في دورتها لاخر يوم تشرب هلعصير وشرط عليها انو ما يكون بارد طبعاً لانو البارد مش منيح للمبايض وبس تخلص الدورة توقف شربو... وحكيتلها تشربو كتير... وهيك عملت في كل دورة الها... وسبحان الله في ثالث شهر اجتها الدورة وعملت نفس الشي بس ما شاء الله ثالث دورة كانت بتوجعها وبتتعبها وينزل منها قطع كتير وكانت حاسة انو مبايضها فرش... وبعد هاي الدورة الحمدلله حملت وهسا هي حامل شهر ونص ولله بتدعيلي اكتير...

سبحان الله اختها عندها بيبي وكانت بدها بيبي تاني وحاولت تحمل من اشهر وما سمعت كلامي عن الاناناس ولما صديقتي حملت انصدمت اكتير... عشان هيك بتمنا الكل ايجربها حتى لو ما بدك تحملي بتنشطي مبايضك وبتضلي مرتاحة...

بتمنا اكون فدتكم بجرعة امل والله يبعتلكم الحمل الليوم قبل بكرة لكل مين ابيتمناه...

>>>>> ردود الأعضـــــــــــــــــــاء على الموضوع <<<<<
==================================


مبارك الف مبارك الحمل لصديقتك

والله جربته هواي بس سبحان الله ماصار حمل

لكن انا كنت اشرب علبة وحدة في اليوم بس

وسبحان الله حاليا ما اطيق اشوفه ههههه


__________________________________________________ __________

صحيح اختي يعطيك العافيه ع هالمعلومه
وانا عن تجربه في حملي في ولدي الثاني نفس اللي قالت اختي شريت لي كارتون عصير اناناس وطوال الدوره اشرب منه وفعلا سبحان الله حملت وجبت احلى يوسف

الله يرزق كل محرومه ومتاخره الذريه الصالحه التامه الخلق والخلق عاجلا غير اجل وانا معكم


__________________________________________________ __________

تسلمي اختي
ربي يسعدك


__________________________________________________ __________



حتى أنا سمعت عن فوائده وقرأت عنه في عدة منتديات
بارك الله فيك والله يرزقني الحمل السليم والمعافى


__________________________________________________ __________

مشكورة لطرح القصة حبيبتي

وان شاء الله بنعيد تجربته شو ورانا

ربي يكرمنا بالحمل السليم يا رب