عنوان الموضوع : مواقف طريفه بالولاده -للحوامل
مقدم من طرف منتديات نساء الجزائر

مواقف طريفه بالولاده



شلونكم حبيباتي
اليوم قاعده بروحي فجأه تذكرت موقف أول ولاده لي من 6سنين ونص والحين أنا في حملي الثاني بدش السابع ادعولي
المهم قلت ليش ما تشاركوني هذا الشي وبعدين كل وحده تقول لنا شنو الطريف اللي بولاداتها
كنت ماعرف ان الولاده يبيلها تجهيز على مستوى الأم ايضا مو بس البيبي فماشريت لي ولاشي خصوصا ان الموعد المتوقع لولادتي كان باقي له اسبوعين الى 3.. طلعت انا وزوجي اخذ بعض الأغراض الناقصه حق البيبي صادفت اختي عزمناها تاكل معنا بيتزا وحنا بالمطعم حاشتنا هستيريا من الضحك جراء سوالف صايره حزتها فجأه احس تحتي كله ماي قمت اسفل في زوجي واختي وقولهم ضحكتوني وايد لين سويتها على عمري انحرجت وايد من الناس لما اقوم شنو بيقولون عني وانا نفنوفي كله (بول) واحس موجه ثانيه من الماي تحتي وانا مثل العبيطه موفاهمه شي ولا اختي تقعد تبكي خايفه و زوجي تغير ويهه قالي يا خبله قومي شكلها ولاده!!! وانا بس اضحك ماحس بشي, وشالوني سيدااا على المستشفى قالي دكتوري يلا ولاده قلت له مستحيل مو الحين اولد مومجهزه جنطتي منعني من الطلعه بس صممت اروح نص ساعه و ارجع على مسؤوليتي..
وصلت البيت قاعده حط اغراض البيبي مع اختي وخالتي (ام زوجي) و انا (خرخر ماي تحتي) كل شوي اغير سروال وحفاضه لين خلصو سراويلي ملوث العاده الشهريه و حفاضاتي مالقيت شي ألبسه غير سراويلي الكشخه وكلهم (بوخيط) لبست لي واحد حطيت فيه فوطه صغيره غصب و رديت المستشفى أول ما شافتني السستر وكانت رومانيه (اذكر) قالت لي هذي أول مره اشوف وحده جايه تولد بسروال جذي وقالت لي خلاص فصخيه قلت لها املج افصخه ما اقعد بدون سروال وهي مصممه قالت والله اذا نزلتي فيه غرفه الولاده راح يفنشوني وانا على نغمه وحده انا ما افصخ سروالي غير بغرفه الولاده ولكن انتهى بي الحال بان فصخته وما ادري وينه لما الحين هههههه
هالمره أول شي سويته من دشيت السادس شريت لي 3 درازن سراويل علشان ما اكرر مأساتي
المهم سامحوني اذا طولت عليكم او موضوعي ما عجبكم بس انطر ردودكم وادعولي الله يسهل ولادتي الثانيه مثل ماهون علي الولاده الاولى يارب.

>>>>> ردود الأعضـــــــــــــــــــاء على الموضوع <<<<<
==================================


ياهلا ياعسل انا ما افتكر في ولادتي موقف ظريف كلو مؤلم بس افتكر في التؤم انا اتنومت في المستشفى اسبوع كنت في السابع وكان النظام ممنوع مرافق وجات وقت الولاده ولما صحيت من العمليه صرت ابكي بدي زوجي الوحده تطلب امها انا اقولهم زوجي اتمنى اكون اسعدك وجودي ياعسل واللهيتمم عليكي بكل خير


__________________________________________________ __________

هههه أكيد بتطلبين زوجك لأنه هو سبب في اللي شفتيه بس ماعليج انا بعد جلبت بزوجي ماهديته لغرفه الولاده بس قص علي بياخذ شي وانحاش ماحضر الولاده
مشكوره لمررورج والله يخلي لج التوأم


__________________________________________________ __________

هههههههه ان شاء الله مايصير لي مثلكم في المستقبل


__________________________________________________ __________

ضحكتيني اختي ربي يسعدج

انا عني االحمد لله ولاداتي مافيها موقف ظريف اتذكر الآلام والمعاناه

ههههه


__________________________________________________ __________



تسلمين ياقلبي اما انا الموقف الطريف في ولادتي لما جاء وقت الولادة وبدى الطفل ينزل حسيت اني بتبرز وانا شايفة الحمام بالغرفة وقاعدة اقول لهم ابغى الحمام والدكتورة والي معاها جالسين يقنعوني انة بيبي وما اقتنعت وشلت المطاط حق جهاز النبض ابغى اقوم راحت الدكتورة نادت امي ودخلتها عندي عشان تفهمني انة بيبي ولما دخلت سكت ومسكتها عندي وماخليتهم يطلعونها الله يجزااااهم خير تعبتهم ذيك اليلة معايا :A:ANSile05::]: