عنوان الموضوع : كل من استخدمت حبوب ياسمين لمنع الحمل او اى نوع تعالى موضوع مهم
مقدم من طرف منتديات نساء الجزائر

كل من استخدمت حبوب ياسمين لمنع الحمل او اى نوع تعالى موضوع مهم





السلام عليكم ورحمة الله وبركاته
وان شاالله عام سعيد عليكن جميعا
ده اول موضوع اكتبه فى اى منتدى اشتركت فيه والحقيقه حبيت اقولكم تجربتى عشان تاخدون حظركن هحكيلكم حكياتى مع موانع الحمل انا متزوجه من 3 سنوات والحمد لله حملت بعد زواجى بشهر وجبت بنوته ربنا يخليهالى وطبعا زوجى كان مسافر فما احتاجت لاخد اى موانع المهم من سنتين ركبت لولب طبعا عملى نزيف جامد 3 شهور متواصله فطبعا شيلته ومن سنه ونص سافرت لزوجى وطلب منى اخد اى مانع للحمل شهر او اتنين دكتورتى كتبتلى حبوب يا سمين اخدها من اول يوم الدوره المهم اخدتهاوسافرت لزوجى وكان خامس يوم الدوره ولسه الدم بينزل استنيت يوم واتنين وتلاته ولسه الدم بينزل وبدا يزيد بعد اسبوع قلت لا بقى روحت لدكتوره كتبت لى نوعين حبوب لتوقيف النزيف وطبعا كان الكلام ده فى رمضان وماكنتش قادره اصوم من الهبوط والتعب وانا اصلا عندى انيمياوقالت لى استمرى على يا سمين وخديها بانتظام اسبوع كمان والدم (الله يعزكم)ماوقف رحت لها تانى عطتنى حبوب مارفيلون مع حبوب ياسين برضه الله يعزكم الدم بدا يزداد بغزاره ومش بس كده لا ده بقى قطع عشر ايام على الوضع ده قطع كبيره الله يعافيكم كل قطعه بحجم كف اليد طول اليوم طبعا كانت بدا يغمى على ولونى اصفر و شاحب وتعبان روحت لها اخر خمس ايام برمضان عطتنى حبوب تانى لوقف النزيف بس المره دى وقفت حبوب الهم دى(ياسمين) والحمد لله وقف النزيف ليله العيد هههههههه خلينا نعيد بقى الراجل كان هيرجعنى مصر تانى شهر واحنا قاعدين كده ههههههههههه
وبعد شهر بدات احس بالم اسفل ضهرى وبطنى جامد قولت يارب خير يكون حمل اروح للدكتوره اتصدم وهيا بتقولى عندك كيس مايه ع المبيض عطتنى حبوب لمده اسبوع نزل الحمد لله وع الحال ده 4 شهور كل شهر الم وتعب ويطلع كيس وكل شهر الكيس حجمه بيزيد الحمد لله على كل حال وبعد اربع شهور معاناه بطل التكيس يجى بعدها دخلت مرحله تانيه بقى عدم انتظام للدوره كل 40 يوم او اكتر تيجى الدوره بعد ماكانت منتظمه 4 شهور تانين لحد ما كتبت لى دكتوره على حبوب سيكلو بروجينوفا والحمد لله نظمت الددره بعد شهرين من استخدامها بعدها الوضه بقى ماشى طبيعى ب طبعا بدون حمل اخدت كلوميد شهرين غير متتاليين بس الحمد لله برضه ما حصل حمل ومن شهرين بالصدفه قريت موضوع عن حبوب منع الحمل وخاصه ياسمين انها تقريبا صناعه اسرائيليه كمان سببت نوع من العقم عند بعض الستات والبعض الاخر عملت لهم مناعه طبيعيه فترات طويله وشكلى واحده منهم الحمد لله فقلت بقى انا اسيبها على الله وكل شئ بمعاد ولسه وقته ماجاش
انا حبيت اكتب ليكم تجربتى يارب تستفيدوا منها واى وحده بتستعملها او عاوزه تستعملها او لسه بتفكر بلالالالالالالالالالالالالالالاش انجوا بنفسكم من الهم اللى بلونا بيه الغرب حسبى الله ونعم الوكيل وياريت كل اللى تقرا موضوعى انشروه فى كل المنتديات خلوا كل البنات تلحق نفسها وتاخد حزرها من اى مانع للحمل خصوصا الحبوب واسفه ع الاطاله
السلام عليكم ورحمه الله وبركاته

>>>>> ردود الأعضـــــــــــــــــــاء على الموضوع <<<<<
==================================


مشكوررره على المعلومه وقد سببت لألآم مع زياده كبيره في الوزن وقد تركتها منذ سنوات ولله الحمد أحسست بأنها غير صحييه


__________________________________________________ __________

مشكوره حبيبتي على المعلومه وطرح تجربتك ان شاءالله البنات يستفيدو منها
اما انا عن نفسي ارفض تماما فكرة حبوب منع الحمل


__________________________________________________ __________

مشكورين حبيباتى على ردودكن ويارب كل البنات بجد تستفيد وانا فعلا بقيت من اكتر الرافضين لموضوع الموانع ده بس الحمد لله على كل شئ ماحدش بيتعلم ببلاش بس ادعووولى الموضوع مايطولش واحمل قريب لانى بجد اشتقت جدا لبيبى


__________________________________________________ __________

حبيبتى فستقه الجنوب معلش عندى سؤال بعد ما تركتيها حملتى امتى وهلى اثرت على تبويضك زى ما بتعمل مع بعض النساء ولا حصل ايه وهيا فعلا سببت لى زياده فى وزنى اتمنى افادتى بردك ومشكوره


__________________________________________________ __________

شكرا جزيلا لك