عنوان الموضوع : دعواتكم فقدطال انتظاري -للحوامل
مقدم من طرف منتديات نساء الجزائر

دعواتكم فقدطال انتظاري



السلام عليكم ورحمة الله وبركاته
هذه قصتي بالتفصيل الممل
تزوجت من 4سنوات و9اشهر وكان عمري16سنه في بداية زواجي مافكرت ابدا في الحمل وبعدمرور سنه طلبني زوجي نروح المستشفى نشوف وش سبب تاخر الحمل رفضت وكنت خايفه وبعد اقناعه لي وافقت واول ماوصلت المستشفى والحمدلله ماكان في قلبي اي خوف من النتيجه وبعد ماسحبوا من دم اغمي علي لاني باقي مافطرت وبعدما صحوني الممرضات نادوا على زوجي يجي عندي وحطوني ع السرير جاني وكان مبسوط فرحني وقال ابشرك نتيجتك سليمه باقي نتيجتي وبعدها بوقت قصير عرفنا من الدكتور ان السبب منه والله ياخواتي ماتصدقون كنا فرحين جدا جدا عشان عرفنا السبب وكنا نفكر ان الحل بسيط جدا عكس ماتوقعنا طلعنا من المستشفى وكان زوجي سعيدبالمره وانا كنت مرتاحه ان السبب مومني
وقال له الدكتور بيحوله عن اخصائي ومستشفى افضل لان امكانياتها بسيطه ولانها مستشفى صغيره وبعدفتره جاء موعد زوجي في المستشفى الثاني وقالوا له ان العدد قليل والحركه بطيئه وعطوه علاج يستعمله لمدة ثلاثة شهور وللاسف ماجاب نتيجه غير زوجي الدكتور وطلع عنده دوالي طبعا اكتشفها الدكتور احمد عبده بلمستشفى الالماني بابها ولازم عمليه وهي مكلفه 14الف من غير العلاج وزوجي قرر يسويها ولكن حالتنا الماديه ضعييييييييييييفه حاولنا جمع المبلغ ولكن ماقدرنا اخذ زوجي يكلم اصحابه يحاول يلقى المبلغ ولكن للاسف كل واحد يعتذر كنت اقوله اسال اخوك اذا عنده يعطيك سلف قال استحي منه وبعدين هو اكثر واحد عارف حالتي وفاهم كل شي لو عنده مابخل علي وانا كنت مستغربه اخوه مقتدر ماشاء الله ليش مافكر يساعد زوجي مع انه متفهم لكل شي وطيب وحنون معنا وكنت متاكده انه رح يقدر يساعدنا المهم انا قلت خلاص ناجل الموضوع مانقدر نسويها زوجي كان رافض والا يسويها كان وقت اختبراتي الثانويه وكنت قرب الاختبارات اجلس مع خالتي عشان زوجي يكون بعيد عن المدرسه
في يوم من الايام دق علي زوجي وقال ابشرك اخوي عطاني المبلغ وبكره بسافر لابها واسويها انا فرحانه وبنفس الوقت اتمنى اكون معه وكنت خايفه مرررره عليه قلت له توكل على الله واول ماوصل المستشفى دخلوه تنويم لليوم الثاني وماكان معه احدلان اخوه مايقدر يروح معه بسبب وظيفته وللاسف زوجي بدون ام واب كنت ادق عليه وجواله مغلق لانه فسياره جاء اليوم الثاني عطوه تخدير كامل وانا على بالي انه موضعي وماكنت ادري سوا العمليه والحمدلله نجحت ميه بالميه وبعدماصحى بشره الدكتور بانه رح يجيب عشره باذن الله زوجي نسى كل تعبه وانا في اختباري افكر فيه ولادري وش صار عليه ورجعت البيت وكنت متضايقه وكل وقتي افكر فيه بعدها فكرت ادق ع المستشفى وطمنوني وحولوني اكلمه والحمدلله ارتحت وهو صار بخير سالته متى تطلع قالي بعديومين هو قالي كذا عشان ارتاح لانه بعيد وكان يكذب علي طلعوه بنفس اليوم وممنوع يسوق السياره بس هو رجع ولحاله وساق بعد ووصل البيت وانا عندخالتي ماكنت ادري انه وصل وكان معه اخوه وزوجي عطوه علاجات لازم لازم ياخذه وكانت الفلوس منتهيه ومافي اي شي وماقال لاحد وفكراهم شي سوا العمليه اخوه فدوام وماعنده احد كان يجيه الم غير طبيعي ويصيح لحاله ولادرينا عنه دق على اخوه جاب له العلاج وللاسف معناته كانت كبيره ولاحتى عنده اكل او احد يداريه ويشوف صحته والحمدلله على كل حال
انتظرنا الحمل وماصار وبعد6شهور سوا تحليل منوي ونذر زوجي اذاكانت النتيجه مريحه نسافر اليوم الثاني لمكه للعمره والحمدلله
كانت النتيجه سليمه وعند نفس الدكتور وقاله اكيد عند زوجتك مشكله انت سليم
سافرنا اليوم الثاني وكنا مرتاحين والحمدلله اعتمرنا وهذا كان في رمضان العام الماضي 1430ه
رجعنا من السفر ورحت عن الدكتوره تغريد الشافعي بمستشفى مستشارك الطبي وكانت جدا رااائعه ومتفهمه وكلامها مريح ومتدينه وسمعت عنها كثير سوت لي اشعه وقالت عندك تكيس والتهابات وكنت مصدومه
وعطتني علاج وابر منشطه وتفجيريه والحمدلله نسيت فكرة الحمل وجاء موعد الدوره تاخرت كنت احس بدوخه وارهاق جاب زوجي جهاز منزلي حللت طلع خط خفيف وردي طبعا والاول موجود انتظرت لليوم الثاني ورحت حللت وكنت على اعصابي وارتجف وابكي فرحه وخوف من النتيجه الممرض قال لزوجي يجيه قلت بروح معك كنت في الانتظار قال اجلس وانا بعلمك جلست انتظره طلع وصادفه الدكتور الي كان مع الممرض وقعديكلمه واشر على بطنه وقلت يمكن يقصد حمل
جاني زوجي قلت بشر قال الحقيني كنت امسكه وقول طمني وهو بس يمسكني ويقول تعالي وماعرفت من وجهه وش النتيجه مو مبين فرحان او زعلان وصلت السياره صرخت وقلت له قولي بسرعه انت ظالم علمني
ضحك وقالي مبرووووووووووووووووووك حاااااااااااامل
بغيت اطير من الفرح بكيت صرخت صفقت فرحتي ماتنوصف جلست احمد ربي في كل ثانيه واخيرا رح اصير ام واخيرا رح اعوض زوجي عن تعبه رحت لدكتوره كنت اتعالج عندها وماقلت لها اني حامل ابيها تسوي تحليل ثاني واتاكد وتعطيني ادوية الحمل كانت متلهفه الدكتوره عالنتيجه اكثر مني قالت بعد10دقايق تطلع النتيجه كانت 10ساعات وبدات اوسوس كل شوي اسالها وشوي والسستر تقول فلانه 000
رحت ورجولي ترجف دخلت قالت حمل ضعيف تعالي بعد اسبوع رجعت وانا اقول لزوجي مره خلاص اكيد حامل ومراااااات يخيب ظني بعديومين جتني الدوره وللاسف مافي حمل طبعا بعدمابشرت اهلي وقرايبي باني حامل البنت واثقه بكيت وزعلت وماخفيكم اكتئبت ونفسيتي زفت بعدها سافرنا انا وزوجي منطقه ثانيه بعيده لعمله مؤقت جلست 5 شهور بدون علاج وبعد رجوعنا رحت لدكتوره وسوينا تحاليل من جديد طلع عندزوجي ضعف في العدد والحركه واناعندي هرمون الحليب وتكيسات وماكان ينفع الا نبدا في التلقيح الصناعي وحددنااليوم والمبلغ وزوجي ذاك اليوم لازم يودي العيينه المختبر بدري لانها تاخذ وقت تقريب اربع ساعات وانا كنت انتظره ياخذ العيينه ويجي يوديني المستشفى وانا طبعا النوم ماجاني وكل وقتي تفكيير وهم
وصلت المستشفى 12 الظهر سوت لي التلقيح وطبعا ماحسيت الم زي ماتوقعت وثواني وخلصت اجلسي على ظهرك لمدة 4ساعات وبجيك اربعه العصر انا وكلت امري لله وزوجي جلس معي

>>>>> ردود الأعضـــــــــــــــــــاء على الموضوع <<<<<
==================================


مرت اربع ساعات ثقيييييييييييله وكنت بموت من الالم حسيت اني مخنوووووقه متضايقه مره يجيني الم ومرات يروح كنت اصيح واضحك فرحانه كنت كل ماحس بالالم اعض اصابع زوجي وابكي يحاول يصبرني وينسيني بس خلاص ماقدرت كل شوي انادي السستر تجي عشان تشيل الي فيني وكانت ترفض وتضحك بوجهي ماصدقت اذن العصر وجت الدكتوره والحمدلله شالت كل شي وقالت الحقها المكتب وانا غصب اتحرك والم بظهري غييير طبعا رحت الحمام ولحقتها عطتني مثبتات تحاميل قبل النوم وبعد 14يوم اسوي تحليل حمل وكنت انتبه على نفسي كثير زوجي خلاني على كفوف الراحه كل شي بخاطري يجيبه كنت انا واخوي نتضارب مزح وكان يزعل مني يقول يجينا نونو كنت حاسه اني حامل طبعا اخذت جهاز تحليل في اليوم التاسع وطلع خطيين واضحين مره كان زوجي ينتظرني برا الحمام قلت له خلني انصدم وحدني طلعت من الحمام وريته وقلت حاااااااااااامل ياحبيبي واخيرا وبكيت وجلس زوجي وسجد شكرلله وكنت بطير من الفرح بكينا سوا اليوم الثاني رحت المستشفى وسمعت النتيجه مبرووووووووووووووك حااااااامل كانت اسعد ايام حياتي رجعنا البيت كان يحاول زوجي ما اتحرك ولاحركه وكان يفكر في اسم ويقول يبي بنت وااااااااي اسعد لحظات لما تحسي انك ام
طبعا بشرت قرايبي والكل فرح لي
جاء موعد التحليل بالمستشفى قالت لي الدكتوره للاسف مافي حمل النتيجه الي طلعت لك بسبب الابره التفجيريه ااااه ياخواتي كان الخبر زي الصاعقه بكيت وانهرت وزعلت كنت اتمنى اجرب الحمل واسمع ضحكة وبكاي ولدي معقول يجي يوم واجرب الامومه
يااااارب كرمك
من بعد الي جربته قلت معد بروح وسلمت امري لله
خواااااتي انصحوني بشروني من الي زي حالتي وحملت تعبت من الانتظار ونظرات الناس وشفقتهم يااارب ارحم بحالي ما اتمنى لاي احد يجرب الحرمان الي جربته دعواتك لي بالذريه الصالحه فقدطال انتظاري


__________________________________________________ __________

الله يستر على الكل ويوفقك بحياتك ويرزقك بالذريه الصالحه
ولكل الي بالمنتدى
اااااااامين


__________________________________________________ __________

يااارب يرزقك ويرزقنى الذرية الصالحه عاجلا غير اجلا ياااارب العالمين انا يا حبيبتى بقالى تسع سنين منتظرة وعملت حقن مجهرى تلات مرات ولسه عندى امل فى الله ومش هايئس وانتى خلى ايمانك بالله قوى وخليكى واثقة انوهايعطيكى لان ربى عند ظن عبده فيه فخلى ظنك بالله خير


__________________________________________________ __________

اكيدفكرتوا ان قصتي انتهت في بداية رمضان حملت زوجت اخي وهي عروس والكل اتصل فيني وشفق علي وانا تضايقت مره وكنت افطر بكيت بصوت عالي وطلعت كل شي بخاطري ادعيت ربي يفرج همي وزوجي قام صبرني وعيونه مليانه دموووووع سبحان الله والله ياخواتي انتهيت من الفطور دقت علي وحد من زميلاتي علاقتي فيها سطحيه واول كلامها بعد السلام انتي تبين تحملين قلت اكييييد
قالت انصحك روحي لممرخه حماتي حملت بعد7سنوات بعدماتمرخت بنفس الشهر وبنت اخوي نفس الشي فرحت بان في احد حس فيني وساعدني استخرت الله طبعا زوجي مو مقتنع بفكرة ممرخه وبعدما اقنعته جتني الدوره يوم 6شهر 9 الي طاف ورحت لممرخه اخذت رقمها من منتدى سيدتي
ودقيت عليها ورحتها بول يوم لدوره ومرختني وعطتني علاج لي ولزوجي واستمريت عليه وزوجي جاء في باله الحجامه وبسرع وقت سواها لانها مفيده جدا جدا في الحيوانات المنويه
رحت ديرتي وعنداهلي وكنت شايله فكرة الحمل لاني كنت مستانسه ووقتي ماشي والعيدمنسيني وكنت ماشيه ع نظام التبويض
طول رمضان كنت افطر صيام وابي اكسب اجرهم زوجي الله يحفظه تصدق في رمضان والحمدلله كنت اصلي وادعي وانا ساجده وابكي واستغفر وقريت البقره يمكن اسبوع قبل رمضان وكنت ادعي قبل فطوري
موعد دورتي 6من هالشهر الي هو شهر 10تاخرت عني الدوره ثلاث ايام وامس حطيت الموضوع عشان الكل يدعي لي بالحمل
واليوم حللت طلع لي خطيييييين واضحييين وابشركم انا حاااااااااااامل
وبما ان اليوم الجمعه مافي دوام وبكره بروح المستشفى واتاكد بس معقول يصير خطا في التحليل المنزلي من اني اخذت جهازين والنتيجه تطلع بسرعه والخطيين باينين زييييييييييين

يالله باركولي والله فرحتي ماتنوصف وعقبالكم يااااااااااااااااااااارب


__________________________________________________ __________

على فكره الي تبي رقم الممرخه برسله لها ع الخاص هي في خميس مشيط