عنوان الموضوع : اجهاض و ولاده و اجهاض و الان انتظر الاجهاض الرابع
مقدم من طرف منتديات نساء الجزائر

اجهاض و ولاده و اجهاض و الان انتظر الاجهاض الرابع



مرحباااااا


قرأت القصه في احد المنتديات و تأثرت بها كثير وقلت انقلها لكم


تقول صاحبة الموضوع


في البداية ادعوا الله ان يثبت حمل كل حامل بسلام ويرزقني وكل من يتمنى الذرية الصالحة

قصتي باختصار شديد

تزوجت وسافرت شهر العسل وهناك بعد اسبوع نزل جنيني وانا في الغربة مالي احد غير الله وزوجي الله يعينة توهق معاي الحمدلله على كل حال

ومرت الشهور وأنا انتظر احمل ونفسيتي صارت دمار لكني بحكم انها اول تجربة ما حطيت في بالي وقلت الله كريم ومشت الحياة

على فكرة كنت كل شهر احلل انتظر الخبر السعيد

وعقبها بشهرين حملت وما وسعتني الدنيا من الفرحه ومرة اذكر حسيت تعبانة ونمت لوقت متاخر الظهر الى ان جا زوجي وتغدينا وبعدين كان اهو بيرجع الشغل ومن طلع انا رحت الحمام تكرمون والا ينزل علي دم مت من الخوف ورجعت لي ذكريات الاجهاض

على طول اتصلنا في حماتي ورحنا عند دكتورة سوت التراساوند قالت اني حامل باثنين واحد في نبض والثاني لا وروحوا المستشفى حق متابعه وتثبيت

رحنا على طول مستشفى خاص لآني المرة اللي فاتت جربت احكومي وتعقدت

المهم سوو التراساوند وتحاليل دم وعفسة وقالوا ان واحد بيطيح ولازم يسوون لي تنظيف

رجعنا اتصلنا على الدكتورة مالت الاشعه قالت لا اللي بيطيح بيطيح بروحة ما يصير تنظيف

توكلنا على الله وعطوني ابرة كل 3 ايام للتثبيت
وتميت في بيت ابوي لين كملت الشهر الثالث وبعدين رديت البيت هذا كله واني ما اسوي شي
لين الحمدلله عدت الشهور الوسطى ومن المواعيد حسيت اني بخير وقعدت امارس حياتي واجهز لأملي الموعود واتفقنا انا وزوجي ان اخليها مفاجأة لنا وللأهل علشان تكبر الفرحة ومحد صدق انا ما نعرف شنو جنس المولود

وتمر الايام ويجي الموعد و اطوفة بجم يوم ويوم الاول من محرم يوم الخميس حسيت بالم وانا كنت في زيارة لبيت اهلي قعدت امشي في البيت ما راح الالم اتصلت في زوجي وقال انه حس اني فيني شي
رجعت البيت وجت حماتي وقعدت معاي حاولت انام
لكن الالم تمكن مني

ويوم الجمعه وتنزل السدادة واترقب

والله اني ابكي على حالي واتذكر الفرحه المنسية الحمدلله على كل حال

المهم رحت المستفى عقب ما نزل علي الماي من الساعة 1 الى 9 الصبح وانا اطلق واتعذب لأني بكرية
وولدت احلى بنوتة ونسيت الالم كللللللللللللللله بشوفتها وحطوها على صدري وبستها وكنت في الخياط اسال عنها وعقب ما ودوني غرفة ثانية اسال عنها

الين ما قرروا يودوني غرفتي

طلعوني وشفت اهلي وزوجي طالعني بنظرة فرح ما بنساها لين اموت وباسني على راسي كأن يقول عفية على حبيبتي

المهم ودوني الغرفة وانا مو مصدقة روحي ان البنت عندي واني خلاص بفرح
كنت انتظرها تصحى علشان ارضعها وهني بدا الشي الغريب

انها لما تصحى تقعد تصيح من قمة راسها بدلت حفاضها واحاول ارضعها كان عندها اسهال معنها ما كانت تشرب

استغربت

يوم اللي بيرخصوني جت الكتورة وشافتها وما قالت لي حتى كلمة تطمني

تفحصها وهي تسولف مع وحدة من الممرضات

وحدة منهم قالت ان وجهها كان شاحب وانا اقول لهم من البرد ولدتها يوم خير يوم مطر الحمدلله

بعد ما اهتموا بنتي ما كانت ترضع

رجعت البيت ما كان ودي افارقها مو مهتمة بجرح الولادة ما ودي ابتعد عنها
هذا يوم ثاني

يوم ثالث امي قالت حق زوجي لازم توديها المستشفى البنت ما ترضع وكل تصيح

انا لابيت اولا خواتها ما كانوا جديه

ونروح بعد ما يطلع زوجي من الشعل حق دكتور اطفال معروف
ومن اول ما شافها قال البنت قلبها تعبان اتصلوا في الاسعاف

انا هني انهرت

معاي زوجي وامي كلن يصيح ويصد عن الثاني

ما قدرت اطالع بنتي واهم حاطين عليها جهاز الاكسجين

رجع الدكتور قال للمرضات وين الاسعاف البنت بتموت
وانا اقول ليتني مكانك يابنتي
جا الاسعاف بعد دقايق كانت عندي ساعات وايام وشهور

ورحنا للمستشفى من دخلوها وانا ادعي ربي وادعي ربي لا تحرمني من نعمتك

تمر الساعات والكل ينتظر ويغمى على بعض الاهل اللي اغلبهم جا يواسي وينتظر هالطفلة اللي الكل كان يترقبها وبعضهم للحين ما بارك لأمها فيها يشوفها في الانعاش في الطوارئ

اللهم للك الحمد

وبعد ما حاولوااااا ابي احد يقول بنتي اشفيها ليش ما يبوني اشوفها

محد رضى يقولي شي

واللي يعذبني زوجي قاعد مصدوم مو قادر يسوي شي

لما اخيرا اصريت ان احد يكلمني جا وقال لي اقسى كلمة ممكن تنقال لآم لنفساء ما صار لها 3 ايام والدة

(((( الله يعوضنا خير))))

قالها وتركني في مهب الريح ما قدرت اتنفس

اقول لهم لا بنتي ما ماتت

جت امي وحضنتني الكل يتصل يقول احنا ندعي لكم الله يفرجها عنكم

كان كل همي بنتي لا ياربي لا اخذني انا وخل بنتي

بعدين ودوها العناية القصوى للاطفال

ورحت شفتها للمرة الاخيرة كانت ضعيفة حييييل

فيها انابيب في بوزها وحالها يصعب على الكافر

طلعنا وانا اقول باجر بشوفج باجر بملي عيني منج
ما قدرت وانا امشي الا اني التفت وراي املي عيني من الغرفة اللي اهي فيها

ما توقعت انها تكون اااااااااااااخر مرة اشوف حشاشة جوفي ثمرة تسع شهور

فاضت عيوني بالدموع وما عدت اشوف الشاشة راح استجمع نفسي وارجع اكمل قصص ماساتي



مو قادرة اسو ياي شي قبل ما اكمل

احس انه هم وابيه ينزاح عن قلبي

توفت بنتي في نفس الليلة الساعة 1

الصبح سمعت امي تتكلم في التلفون عبالهم انا نايمة لكني اسمعهم

تقول يعني نقولها بتدفنونها


ما بتخلونها تشوفها اخر مرة

وامي شالت سلة بنتي من يمي

اقولها وين بتودينها بنتي يتجي

ودخلت في حالة هستيرية

اتصلت في زوجي وهو يبكي يقول انا في المقبرة

اقول له شيسوون في بنتي

غص المسكين بعبرته
بندت التلفون وانا ابكي

رجعت اتصلت
اقول له لا يسوون في بنتي شي

ابيها ابي اشوفها

قال بس حبيبتي خلاص

سحبت امب التلفونمن ايدي

ودخلت في حالة ما يعلم فيها الا الله

الكل تجمع حواليني كانهم في مجلس عزا

اطالعهم واقول انا بحلم

انا وبنتي ما فينا شي

وين بنتي

لين جا زوجي ما قدرت اشوفه حسيت ان احلامنا تتكسر

ويوم ورا يوم ورا يوم ما قدرت انساهاخصوصا اخر صورة لها


حتى لما كنت احاول احمل صورتها في بالي

كل ليلة اقلب ال5 صور اللي عندي لها في التلفون

اليهال يسألوني ببرائتهم وين البيبي وللحين بنت حماتي 4 سنين تقول انتي كان عندج بيبي وين راح

وانا اغص بعبرتي

حاولت ان الحياة تمشي طبيعية لكن الزمن قال صبري راح تشوفين

وتمر الايام وبعد ما حسيت ان جسمي ارتاح عقب الولادة بست شهور وبنتي محفورة جرح في قلبي كتب الله اني احمل بعد 3 شهور من المحاولات الفاشلة اللي كل شهر تنتهي بصياح ونياح لأني ودي افرح بكلمة ماما

حللت عقب ما ياتني الدورة في عيد ميلادي

والحمدلله طلع خطين

بس فرحتنا كانت ناقصة لأنها كانت خوف مو فرحة

المهم تمر الايام واروح مواعيدي وتعب الشغل اللي ما فرحت اني توظفت لأني ما كنت ابي شغل
لا ابي طفل
واحسب الايام والثواني علشان موعدي

ولما كملت الرابع وبدخل الثالثث وفي يوم 24/11/2017 اروح الموعد واسمي باسم الله تقول الدكتورة شخبار البيبي اقولها مادري
تقول للحين ما تحرك؟

اقولها هدا اللي مخوفني

وتجي تكشف الترا ساوند وتدقق صار لها فترة ما تكلمت بعدين تقول البيبي ما يتحرك وما اقدر اشوف نبض

سالت دمعتي واقول لها ارجوش حاولي مرة ثانية وتحاول ما فيه فايده

انا هني انهرت حسيت ان الدنيا طاحت على راسي

جودت روحي شوي
الممرضات جو يهدوني ابدا

حاولت اسالها جم سوال استفسر اشوف بس ما كان في بالي ذيك اللحظة الا كلامها ان جنيني توفي

قالت لي اسبوعين اذا ما نزل تعالي

طلعت وانا ما اشوف الطريق سقت السيارة رحت لدكتورة ثانية

قالت الجنين مشوه ووقف من 15 اسبوع وانتي لازم الحين 18

فاضت عيوني سالتها وشنو الحل وليش؟ هذا الثالث ربي للك الحمد

قالت ليي يمكن دمج ودم زوجج ما يتطابقون ما يتناسبون

قبل لا تحملين المرة الجاية روحي سوي سوي تحالليل انتي وزوجج وانا في بالي يعني احمل مرة رابعه بعد كل اللي صار الحمدد لله

رجعت البيت لما كلمني زوجي من الشغل حس فيني شي وكان هذا قبل لا اروح الدكتورة الثانية

اتصلت فيه من البيت قلت له تعال

قال اشفيج قلت له اول تعال

على طول لما دخل ما قدرت امسك روحي وارتميت في حضنهع وانا اقول في قلبي سامحني ولا مرة فرحتك

قعدت اصيح اصيح واهو ما قدر يجود عمرة يبي يعرف شنو صار شنو قالوالي

ما قدرت قلت له خلاص قال خلاص شنو قلت خلاص

يبي يهديني قال الحين احنا المفروض متعودين

في ذيك اللحظه حسيت اني ما اصلح له ياما تعذب معاي
ولا مرة فرحته كاملة ليلتها كنت اقوله تعال معاي الموعد قال لا بجي في اخر المواعيد كانه حاس ان فيه شي وقلت له باجر بشوف شنو جنس البيبي ما امداني افرح وكنت مقررة ان من بعد هالموعد اخبر اهلي افرحهم معاي لاني عديت الخطر

الحين اقوله ما ابي احد يدري خلهم فرحانين وا ابي احد يضايق بسبتي كل واحد عنده مشاكل مو فاضي

بتحمل كل اللي يصير بروحي حتى لو اموت

زوجي مصر ان يخبر امي

ان يكون فيه احد يشاركنا هالشي
انا رافضة

الحين ما خبرتهم اني حامل خبر يفرحون فيه بخبرهم اني بسقط

مو عدله

وهذاني انتظر رحمة ربي وفرجه

انتظر هالبيبي ينزل وترجع حياتي ما فيها نقطة فرح

افكر اني ابتعد واخلي زوجي يعيش حياته

حرام اظلمه معاي ودي انه يفرح وانا بفرح له حرام يتعذب ماله ذنب

راح اتحمل بروحي وانتظر ربي يمكن يتذكرني وياخذني اليه مع اولادي اللي راحوا كلهم

اللي عندها نصيحة شنو اقدر اسوي الحين ياريت ما تبخل علي حتى ولو بدعوة
...........................................

الحمدلله على كل حااال يابنات الي يشوف مصيبة غيره تهون عليه مصيبته الله يعوضها ان شاء الله و يرزقنا الحمل السليم المعافى

>>>>> ردود الأعضـــــــــــــــــــاء على الموضوع <<<<<
==================================


والله العظيم دمعت عيوني


اللهم ارزقها يارب الحمل السليم المعافى وصبر قلبها ياااااااااااااااارب


يعطيك العافية اختي هايدي

وهي تحكي تذكرت لي حصل معاي والله ما يحس بالشي إلا اللي مجربه


استغفر الله

ربي لا تذرني فردا وانت خير الوارثين

اللهم ارزق كل محرومة يارب الذرية الصالحة


__________________________________________________ __________

بصراحة مادري شنو اقول او بشنو ارد
والله وانا اقراء القصة حسيت كأن احد يصب فوقي ماء ساخن جداً
قصة جداً مؤثرة
ربي يعوضها خير انشالله عن كل هذا بس عليها تصبر الصبر مفتاح الفرج
((عسى ان تكرهوا شيئاً وهو خيراً لكم)) ماتدري يمكن كل هذا خير لها


__________________________________________________ __________

قصة مؤثرة....
الله يعوضها خيرا... ويرزقها الحمل السليم
شكرا على النقل حبيبتي


__________________________________________________ __________

الشكر الجزيل لنواجدكم في صفحااتي

ميمي

الله يعوضك ان شاء الله
و الله اني تذكرتك من اول ماقرات القصه


__________________________________________________ __________

يا رب ما تحطنا بمواقف كهذه و لا تبتلينا