عنوان الموضوع : للمراهقات ,,
مقدم من طرف منتديات نساء الجزائر

للمراهقات ,,



لكل بنت مصاحبة .. أو بتحكي مع شب أو بتحب أو أو ......

أنا ما رح أحكي معاكي بقصة حرام أو لا .. لانو كلنا بنعرف انو حرام ..

أنا عارفة انو مو بايدكم ازا حبيتو أو لا !! ومو حرام تحبو !! بس حرام انكم تحكو مع الي بتحبو !!
واخترت هادا العنوان مشان أغلب الي بعمر المراهقة بصاحبو او بجبو !!

أول شي .. أي بنت بتحكي مع شب أكيد بتحكي معاه بالسر .. وعدد ئليل من البنات الي بحكو مع الشب بعلم الأهل .. فانتي ليه اتدخلي حالك بمتاهات انتي بغنى عنها .. مثلا ح تضلي خايفة انو أهلك يعرفو !! أو ازا أبوكي ناداكي وحكالك بدو يحكي معاكي لحالكم .. راح كتير تخافي انو يكون عرف عن الي بتحكي معو ..

تاني اشي .. الشب بمجتمعنا مسموحلو يحكي مع مين ما بدو لانو شب .. أكيد هادا الاشي خطأ .. بس هيك مجتمعنا .. يعني لو المجتمع الي حوليكي عرف انك حكيتي مع شب رح تسقطي بنظرهم .. وراح يعاملوكي على انك وحدة حقيرة .. وقليلة ادب ... معع احترامي واسفة بس هادا الي بصير .. وبعدين هوه شب .. بتسلى !!1 والله بتسلى ..
يعني انتي بتحبيه جد وبتتعلئي فيه .. وهوه بكون عم بحكي م 1000 وحدة غيرك ..

تالت اشي .. لو أهلك أو خوانك يعرفو .. انتي بتعرفي شو ممكن يصيرلك من غير ما أحكي وبكفي انو الثقة بتروح وبضلهم شاكين فيكي ..

رابع اشي .. ازا انتي بتحكي مع شب وبتعطيه مجال حتى لو هوه ما بينلك انك رح تبيني رخيصة ئدامو .. ولو وعدك بالزواج اعرفو انو وعد 1119999 وحدة غيرك ..
وبعدين الشباب بمجتمعنا بتزوجو ع زوق امهم


ولو هوه جددد بحبك وانتي جد بتحبيه .. لا تحكو مع بعض بالحرام احكيلو لازم نقطع علاقتنا لفترة وهي باب أهلي تعال أحكي معي بالطريئة الي بتحب الناس يدخلو مع أختك فيها وأنا مستعدة أستناك عبيل ما تكون حالك .. وللعلم أي علاقة حرام ربنا ما ببارك فيها !!

وحبيباتي !! يعني ربنا كاتب عندو مين حتتزوجي !! فأخرتك حتتزوجي فلا تحرئي ئلبك !!
وتضيعي حالك !! يعني لو شو ما صار لو ئلك نصيب في حتااخدي غصب عن الكل !!
فلا تخسري أهلك والمجتمع الي انتي عايشة فيه مشان واحد بتسلى او ازا ما بتسلى ما رح تكوني الو 1!
وبرجع بزكر انو الاشي الحرام ربنا ما ببارك فيه!! فازا حكيتي معاه بالحرام كيف بدك ربنا يجمعكم مع بعض ّّ
بدخل الشب ع حياتها #
بحكي معها 24 ساعة #
بعد فترة ببلش يحكيلها انو حبها #
هي بترفض #
بقعد يقنعها انو مو كل الشباب #واحد ..
واصابعها العشرة بختلفو ..
هي بتبدا تفكر فيه #
بتصير مجنونة لو ما حكى معها #
بتفتقدو وقت بغيب ..
وبعد صراع بتعترفلو انها بتحبو ..
بتبدا مرحلة الغزل والكلام الفاضي . #
بتتعلق فيه وبتدمنو #
بخترعلها كم كزبة .. #
ببدا يبعد شوي شوي #
هي بتموت من الوجع .. #
هو بروح بضحك ع غيرها #

هادا الي بصير بين الشب والبنت

ورسالتي للشباب ..
هذه الفتاة التي تكلمها ,,
لها اب !!
ويوما ستكون أنت الاب ,, وستعلم ما تعني لك ابنتك ..!
ولها أخ : ولك أخت .. فلتحسبها اختك !!
سيكون لها زوج .. وستكون انت زج في يوم ما !! فلا تفسدها وترحل ..!
لها أم تدعو لها بالهداية كل يوم .. فلا تكسر قلبها بفلذة بنتها !!
اتق الله في عباده ..

اسفة ازا طولت عليكم بس والله من حرئتي على البنات الي عم بضيعو مشان الشباب ..
بمتنى انكم تستفيدو ولو شوي
مع السلامة ..

>>>>> ردود الأعضـــــــــــــــــــاء على الموضوع <<<<<
==================================


السلام عليكم اختي الغالية
شوفي قلبي كلامك صح وسليم لكن مع الاسف هلا كل بنت تقرء هذا الكلام تقول بقلبها لا انا الي بحبو غير هو بيحبني وما يعملو كذا

تسلمين


__________________________________________________ __________

كلامك صحيح 100%

احلى تقييم لعيونك


__________________________________________________ __________

المشاركة الأصلية كتبت بواسطة هويـــــام ღ
السلام عليكم اختي الغالية
شوفي قلبي كلامك صح وسليم لكن مع الاسف هلا كل بنت تقرء هذا الكلام تقول بقلبها لا انا الي بحبو غير هو بيحبني وما يعملو كذا

تسلمين


يسلمو حبيبتيي ع مرورك .. عارفة !! بس يا ريت لو بئدر أقنعهم !!


__________________________________________________ __________

المشاركة الأصلية كتبت بواسطة حرق قلبي
كلامك صحيح 100%

احلى تقييم لعيونك


أهلا حرق قلبي كم بسعدني مرورك !!! اشتئناااالك


__________________________________________________ __________

نقدّر تعبك يالغاليه مشكوره وان شاء الله يستفيدون البنات
-
استغفرالله واتوب اليه