عنوان الموضوع : مشكلتي ما الها حل!!
مقدم من طرف منتديات نساء الجزائر

مشكلتي ما الها حل!!



السلام عليكم خواتي
صارلي فتره اريد اكتبلكم مشكلتي بس ما ادري كل ما اريد اكتبها يمنعني شي
المهم ادخل بالموضوع
قبل فتره لحيت على زوجي وكتله اريد احمل اني الحمدلله عندي اوﻻد اثنين
الله يحفظهم الي بس اريد بنوته وهو كان ماموافق
بس بعدين اقتنع شويه المشكله الي صارت عندي هي شهر من اﻻشهر اتاخرت الدوره
وقلت اكيد حامل ﻻنها اول مره تتاخر
صار عندي وهواس كبير وصرت الليل ما ا نامه وكمت اخاف من كوني حامل
ما ادري ليش وصارت عندي حاله نفسيه غريبه وهي ( الخوف من الحمل )
وهاي اول مره اتصير عندي ما اعرف ليش
احس انه اذا احمل ماراح اقدر اتحمل اكو شي ابطني وثقل ابطني
واحس انه الطفل راح يخنقني ونفسي بدا يضيق ودقات قلبي سريعه ومؤلمه
وخوف ورجفه بجسمي مجرد التفكير باني حامل
لكن الحمدلله بعدها جتني الدوره وارتاحت نفسيتي كثير وحسيت انه رجعتلي الحياة
ولكن ظلت عندي هاي الحاله النفسيه مستمره كل ما تتاخر الدوره اخاف وكل ما افكر بالحمل هم اخاف
شلون اريد حل من هاي الحاله النفسيه هل الها علاج والله مدمره اريد احمل بس اخاف حالتي النفسيه دمرتني
كانت هاي الحاله تجيني واني صغيره احس روحي تطلع مني وقلبي يدك سريع وخايفه وافكر بالموت
بس بعد فتره اتعالجت وراحت نسيتها تقريبا قبل 15 سنه ولكن رجعتلي من كنت حامل بابني الثاني
بالشهر الثامن حسيت انه الطفل يصعد على قلبي ويخنكني وما اكدر اجر نفس واستمرت معاي لمده اسبوعين طبعا من خلالها توقفت عن اﻻكل والنوم بليل كلش صعب وافكر بافكار سوداويه بس موت
واشياء سلبيه بعدين اختفت وهسه هم رجعتلي بس مو دائما بس من افكر بالحمل
والله متكئبه هوايه احس اكو شي مو صحيح بي مو طبيعيه بهاي حالتي و
خصوصا عمري هسه 31 سنه واكول اريد اسوي طفل اخير قبل ﻻ اكبر ويزيد التعب عليه ﻻن هسه ابني عمره ثلاث سنوات فعندي مجال بس شسوي غصبا عليه
اتمنى ان تفيدوني بحل ارتاح بيه واخلص من هاي العقده الي حلت عليه والله كاعده بس ادعي ربي
بان يفرجها عليه واني عايشه بالغربه وحدي ﻻ اهل وﻻ اقارب بس اني و زوجي واطفالي
مليت مليت مليت اريد حل اتمنى من اﻻخوات ما يبخلون عليه وجزاكم الله كل خير
ادري طولتها عليكم بس والله ما عندي غيركم اشكيله....

>>>>> ردود الأعضـــــــــــــــــــاء على الموضوع <<<<<
==================================


الله يعينك حبيبتي ويفرج همك


__________________________________________________ __________

تعوذي من ابليس هذا كلو منه اعوذ بالله منه
لازمك تقري كثير قران لما تحسي حالك بهيك حالة
اقول الله يشفيك وتحملي وتجيبيلنا احلى بنوتة يارب


__________________________________________________ __________

المشاركة الأصلية كتبت بواسطة مونية ك.أم ليديا
تعوذي من ابليس هذا كلو منه اعوذ بالله منه
لازمك تقري كثير قران لما تحسي حالك بهيك حالة
اقول الله يشفيك وتحملي وتجيبيلنا احلى بنوتة يارب

مشكوره حبيبتي والله اقره القران وختمته اكثر من خمس مرات بس هيه تجي وتروح الحاله


__________________________________________________ __________

المشاركة الأصلية كتبت بواسطة ASOOM*
الله يعينك حبيبتي ويفرج همك

تسلميلي اختي الغاليه


__________________________________________________ __________

حبيبتي انتي حملتي من قبل وتعرفين ان كل اللي عندك وسواس لا اكثر

شوفي اوقات الوسواس يصير واقع لاطاوعتيه كل ماحسيتي بذا الوسواس قولي اعوذ بالله من الشيطان الرجيم وكل ماحسيتي انه جاك استغفري كثير وتذكري انتي مو مجبوره على الحمل لاتحاولين تجبرين نفسك على شيء اذا انتي مو مستعده له وفكري كيف لو ولدتي طفلتك بتكونين فرحآنـة فيها حاولي تتجنبين الافكار السلبيـة كل ماجات على بالك تعوذي من الشيطان واستغفري وكل يوم آستغفري لو اكثر من 4000 الاف مرا والله الاستغفار حل لكل شيء الله يهدي قلبك يآرب ويبعد عنك وساويس الشيطآن القرب من الله حل لكل المشآكل خصوصا النفسيـة

ولاتكررين كلمـة مشكلتي مالها حل وكلام سلبي لانه بياثر على عقلك الباطني انتبهي من الكلام السلبي

موفقـة