عنوان الموضوع : ########محتاجه رايكم #####
مقدم من طرف منتديات نساء الجزائر

########محتاجه رايكم #####



السلام عليكم ورحمة الله وبركاته حبيباتي

محتاجه رايجن بموضوع انا عملته انا طالبة

واليوم كان عدنا امتحان انشاء وانا حافظه ان شاء وتعبانه وتعبت على الانشاء كثير

وانا في امتحان الانشاء اكتب

شفت زميلتي الله جالسه قدامي بتغش واضعه الورقه تحت الرحله

انا قلت للمدرسه عليها لان انا تعبت وحفظت ان شاء وهي على الجاهز تاخذ درجه وطبعا هذا مو حق ولا اي شخص يعلم باني انه قلت للمدرسه بس لما قلت لاقاربي لاموني وقللولي ليش

انتي قلتي للمدرسه هذه صديقتك

اي صح صديقتي بس انه احب اكون على حق هذا موعدل ان هي تاخذ درجه بدون تعب وانا اتعب مثل درجته

اقاربي يقلولي لا ابتعدي عن هذه الصفه وانا ما اريد اتركه لان هذا عدل

انتوووو شنو رايجن اني كنت خطانه لما قلت للمدرسه ولا على صواب وهل هذه فتنة ؟؟

>>>>> ردود الأعضـــــــــــــــــــاء على الموضوع <<<<<
==================================


اني برايي صحيح هي غشت وغلطانة بس انتي كمان غلطتي لانك فتنتي عليها
هذا رايي حبيبتي
اقبلي مروري


__________________________________________________ __________

حبيبتي هي الله يحاسبها ﻻن من غشنا ليس منا
برأيي ﻻ تكرري هالشي
موفقه وان شاء الله تنجحين وتاخذين درجه عاليه


__________________________________________________ __________

طبعا فتنه ربي شايفها وعارف انها على غلط بس ستر عليهآ وآنتي تقومين تفضحينهآ .؟!

ليه الحقد طيب انتي تعبتي على الامتحان وبتجيبين الدرجة من تعبك وهي جابتها بالغش والحرام يعني ربي بيحاسبها مو شرط تخلينها ترسب بس عشان انتي تعبتي .!! ياماا اتعب بالاختبارات النهائية وحتى النوم ما انام عشآن آذآكر بس وآشوف بنات يغشون ولآ عمري فتنت عليهم خلآص ربي يحآسبهم خلي الخلق للخآلق لآتفتنين حتى لو شفتي بعيونك مو شرط تكونين حقودية كذآ بس لانك ذاكرتي وتعبتي ترا البنات الفتانات الكل يتجنبهم بآلمدرسة آنتبهي لاتكرهين الناس فيك لآتدخلين ب احد خلآص تعبتي الله يجازيك بآلخير معليك بآلبنات الباقيات واذا هم غلطانات عندهم رب يحاسبهم ولا غافل عنهم ولاتجي وحده تتفلسف وتقول الساكت عن الحق شيطان اخرس الحق المقصود لو وحده سوت سآلفة وضرت نفسهآ وضرت غيرهاا وسكتي عنهاا بس هذي ضرت نفسهآ ماضرتك ولا ضرت اي احد وآلذنب عليها لوحدهآ ولا سوت مشآكل ل احد مادري ليه الفتنه .!! الله يهديك بس


__________________________________________________ __________

انتي غلطانه من ستر مسلم في الدنيا ستره الله يوم القيامه
هي الله يحاسبها بكيفها لاكن ماعلم عليها كيفها
حتا تهتز صورتك قدام زميلاتك
احنا درسنا ومر علينا كل شي والله اني ادرس وسهر الليالي ولما يجي الامتحان
البنات يغشو مني يكونن مافتحن حتا الكتاب وعادي والله ولا فكرت اشتكي للاستاذه ولا اقولها
لاكن ثانيمره لا تعلمين ع احد لاني مابي صورتك تهتز قدام زميلاتك


__________________________________________________ __________

برأي غلط ... ترى الفتنة أشد من القتل انتبهي تصير عاده لك وبعدين اذا هي غشت ربي يحاسبها والمره الجايه حاولي تغيرين مكانك وووبس وانتهت السالفة