عنوان الموضوع : مشكلة اخوي مع زوجته واهل زوجته ارجو الافاده -تم الرد
مقدم من طرف منتديات نساء الجزائر

مشكلة اخوي مع زوجته واهل زوجته ارجو الافاده



السلام عليكم ورحمة الله

اخواتي وحبايبي احب امسي عليكم بالخير

اما بعد

احب ان اطرح مشكلة اخوي واتمنى اللقى الحلول لان وضعه بجد متازم

انا طبعا عندي ثلاث اخوان الله يوفقهم ويستر عليهم
الكبير عمره 32 ولا مفكر بالزواج
واللي بعده 28 وبرضو مافكر بالزواج
اصغر واحد فيهم اللي هو صاحب المشكله عمره 25 وهو اللي كان مصر بينهم على الزواج وانه يستر نفسه بالحلال ولكم قصته بالتفصيل الممل

اول مافكر يتزوج صارت سالفه كبيره عندنا بالبيت بخصوص انت اصغر واحد كيف تعرس قبل الكبار وكلنا عارفين العادات والتقاليد

المهم بعد ماقرر يتزوج وكسرو مجاديفه ابوي وامي قررو انه مايتزوج الا بعد اخواني الكبار

مع العلم ان اخوي الصغير هذا مانشوفه الا بالشهر مره بسبب انه كان موضف تبع شركات حفر وبترول وكان دوامه بالبر وبمناطق نائيه

يعني صبر وكد وجمع الريال على الريال علشان يتزوج وفجاه ينصدم بقرار ابوي وامي انه مايتزوج قبل اخواني الكبار

اللي حصل بعدين ان اخوي الوسطي قرر يتزوج وفعلا زوجوه وبعدها تزوج اخوي الصغير

اول وحده فكر فيها اللي هي اخت واحد من اخوياه من يوم كانو صغار وهم مع بعض وبحكم العلاقه اللي بينهم قال بياخذ اخته بحيث انها كبرة قدام عينه وعارف اطباع اهل البنت ومعاشرهم والى اخره

اللي حصل انو فعلا قبلو فيه ورحبو وهلو ووافقو وحمدلله ملكو وربي وفقهم

الحاصل والمشكله والمصيبه بالقادم

بعد الملكه اخوي حس ان امها تتدخل بحاجات كثيره حتى بينه وبين زوجته

اخوي من النوع اللي محد يقدر يغير شي براسه الا اذا كان هالشي صح وبمصلحة الكل

تفاجا انها تتدخل بالكبيره والصغيره وبالاثاث والفرش في ككككل شي يخصه هو وزوجته

مع الايام اكتشف حاجه اكبر من كذا بكثير ان الام طلعت هي اللي ماسكه البيت بكل قرارته وافعاله

من الكبير للصغير حتى زوجها تقوده قود

اخوي كان يعدي شغلات كييره علشان زوجته وعلشان هالزواج يستمر

عدت الملكه وتزوجو وسكنو لحالهم ولازالت الام تتدخل بكل شي

مع الايام صارت زوجة اخوي تشتكي لاخوي من امها انها دايم تتكلم فيه وتذمه مع العلم انها تبكي وكنت تدعي علىامها على كثر ماهي منكده عيشتها وكانت برضو تشتكي لي مرات

مع العلم ان زوجة اخوي هي بنفسها كنت تقول ان اخوي مو مقصر ابدن مع امها

السلام والضحك والسوالف ويعزمها ويجيب لها اغراض للبيت ماكان مقصر معها بشي

البدايه اخوي كان يحسبها حبوبه وطيبه وواقفه بصفه طلعت العكس من قدامه مرحبا ومسهلا ومن وراه تقطع ظهره

المهم طلعت خالته ام زوجته هي البلا

بعدين صار اخوي وام زوجته مايتكلمون مع بعض باسباب كلامها عليه لان اخوي جلس معها مره وحاول يوصل لحل بخصوص اللي بينهم وللاسف هي تنكر وتقول انا بصفك وانت مثل ولدي

اخوي صار مايطيقها ولا يزورها ولاشي والام عرفت ان اخوي صعب انها تقوده مثل زوجها وعيالها وقامت حتى هي تكرهه وماتطيقه ابد وصار الوضع بالعلن كل واحد مايطيق الثاني

وهي لازلت تزززن في اذن البنت زوجك وزوجك زوجك وزوجك

الموضوع اللحين وصل مرحله ماتترقع

صارت مشكله كبيره باسباب حاجات تافهه وام البنت كبرت الموضوع بزياده

طبعا زوجة اخوي صغيره اخذها بعد الثانوي على طول وان امها تغلبها بالراي لانها صغيره

والموضوع ان زوجة اخوي في بيت اهلها من 7 شهور واهلها مصممين على الطلاق بعد ماعرفت الام ان اخوي ماراح يكون تحت طوعها

مع العلم ان زوجها وعيالها وزوج بنتها الكبيره كلهم تمشيهم على رايها بس اخوي ماكان صيد سهل بالنسبه لها لانها ماتكون على حق دايم وان قراراتها دائما من باب التسلط والسيطره

وتخيلو من 7 شهور هي عند اهلها وخوي ضل يحاول فيهم 5 شهور علشان يشوفوها ويجلس معها وهم يرفضون بحجة ان البنت ماتبيه

طبعا واضحه ليش مايبونه يجلس معها لانها تحبه وبس تشوفه بترجع له

مع العلم انها كلمته كم مره من ورا اهلها وتحلفه انن مايقول نها كلمته

وتقوله ضبط علاقتك مع امي واخواني وهو بالاساس ما اخطى عليهم

وفوق كذا راح وجلس معهم ولا خلوه يجلس معها

بعد 7 شهور فتحو له المجال وجلسوهم لحالهم

بس وش يقول اخوي عنها

يقول اللي جلست معها مو زوجتي ولا اعرفها اول مره اشوفها

بالعربي واضحه انهم خلال الشهور هذي كلها جالسين يزنون فوق راسها لين غيرو تفكيرها بالكامل

والمشكله ان الام تكلمت باخوي عند الناس وحطت فيه عيوب ماهي فيه من الاساس بحجة ان هو الشين وبنتها الزينه

مع العلم ان زوجة اخوي سنتين وهي معاه وحاجات اساسيه ماكانت تعرفها وهو مطوف ولا عمره اشتكى لاحد

واخوي جرب الزواج والاستقرار وعاف زوجته من اهلها ومن طبايعهم وحاب يتزوج مره ثانيه

كيف نزوجه وللام متكلمه فيه عند الناس بالشينه

واخوي مصمم يبي يتزوج قبل مايطلقها لانه بعد ماجرب الزواج مايبي يكون عزوبي وغير كذا كسرن لراس امها لانها تقوله روح محد راح يزوجك بعد بنتي

افيدوني يا اخوات بارقام خطابات او ناس يبون يزوجون بناتهم ويسترونهم مو ينكدون عيشتة بناتهم السلطه والسيطره الظالمه

اخوي الان عمره 26 سنه وموضف بشركه كبيره وراتبه كويس وقد المسؤوليه والهةما امدحه لانه اخوي بس للي اشوفه انه تبهذل بهذله مو طبيعيه بهالزواج

مع العلم اننا من سكان الخبر اتمنى تفيدوني برساله خاصه بالارقام

اشكركم عى حسن المتابعه واسفه عى الاطاله

>>>>> ردود الأعضـــــــــــــــــــاء على الموضوع <<<<<
==================================


حبيبتي ليش ماطلبها بالمحكمة ؟ كان اوفر ليه ويكسر راسهم عن جد
اكره اي حماة تتدخل بحياة الزجين سواء ام البنت او الرجل
ليش مايرضو فيه
انت زوجيه شي رفيقتك او اي واحدة تعرفو انها منيحة وتقبل فيه بكل شي
الله يتمملو على خير


__________________________________________________ __________

الله يعوضه ببنت الحلال
ويفرج عليه


__________________________________________________ __________

خطبوله اقاربكم او وحده من معارفكم ولاتخلو يرجع لها الله يرزقه بنت الحلال اللي تسعده


__________________________________________________ __________

خطبنا له ثلاث مرات ويجي الرفض من البدايه

كله من كلام ام زوجته للعالم شوهت سمعته ولاني عارفه كيف افيده

فيدوني يابنات حواء

صباحكم ورد وجوري


__________________________________________________ __________

حسبي الله على هالاشكآل
والله استغرب بعض الاهالي يخربون بيت بنتهم !!!!
الحمدالله ان اهلي مش كذا يآرب لك الحمد
وبخصوص موضوعك ريماس
لاتيأسو , واعرف نآس كثير ماتتاثر بكلام الناس
لما يسالو عنه , وكثير بيوت يبون يسترون بنآتهم
وانتي اللي عليك شوفي صديقآتك واقربهم لك وحكيهآ بالاول عن مشكله اخوك
يعني خليك صريحه معاهم في البدآيه , المهم انكم مآتيآسو
والله يعوضه ببنت الحلال اللي تسعده يارب