عنوان الموضوع : ياليت احصل حل لمشكلتي ..
مقدم من طرف منتديات نساء الجزائر

ياليت احصل حل لمشكلتي ..



السلام عليكم ورحمةة الله وبركاته
كيف حالكم واحوالكم ؟
المهم اسف سجلت عندكم وانا ولد لكن والله ما سجلت الا لطرح مشكلتي اللي استحي ان اعرضها ع اي شخص حولي فبحثت بقوقل واكثر المشاكل حصلتها هنا واغلبهن بنات
انا ولد عمري 19 سنةة ادرس سنة اولى جامعه
مشكلتي اني ماعندي ثقة بنفسي وبالعربي خواف درجةة اولى وعيب علي اقول هالكلام لكن والله ما اقوله الا لاني ابي حل احس نفسي مالي داعي ب اي شي احس ان مابي فايده لا اي موضوع عندي اخوي اصغر مني له شخصيته بالبيت عكسي تماما يعتمدون عليه اهلي ما لا يعتمدون علي انا .. انا مغترب لما اكلم اهلي واقولهم اني ناوي اجيهم يتمسخرون بكلام اللي هو وشوله تجي مابك فايده يوم تجينا طبعا هم من باب الضحك ( مزحه برزحه ) غير كذا السواقة ماعرف اسوق ولا لي جراءة ان اسوق بوقتنا الحالي اللي عمره 10 سنوات يسوق وانا للحين .. مالي شخصية اخاف افكر اتمنى صارت امنية لي اني اسوق واخدم اخواتي وامي اللي لما تطلب اخواني ويعصبون عليها اللي يقول عجزان واللي يقول مابي بوقته اقول ياليتن اعرف اسوق والله ما اخليكي تحتاجين احدد لدرجه اغلب وقتي بالغربة افكر واتخيل تخيلات انبسط بخيالي اني اسوق واروح واجي واتمشى واودي اهلي باختصار احس برجولتي مع ان الحين البنت وهي بنت تسوق ههههههه اشوف غيري اقول ياليتن وياليتن وتعبت ومليت والله مدري وش اقول لدرجة احس لو اسوق تنحل كل اموري مع ان ابوي يقول والله انك احسن عيالي ماشاء الله عليك لكن لو تسوق )) تضيق بي لما اسمع هالكلام .. انا الحمدلله بالغربه والله والشاهد الله ما دخنت ولا شيشت ولا سكرت ولا نكرت ولا رحت للنوادي او المراقص بالعربي اللي اغلب الشباب يروحون له صلواتي محافظ عليهن ولله الحمد وبالمسجد الاذكار اقولهم مساء وصباح وغير كذا دعاء الخروج من الممنزل مو معناة كلامي اني ماعرف اسوق انا اعرف بس مالي قدرة احس ان فيه حاجز او شي مقلقني ما اسوق عمامي كذلك ذبحوني بهالموضوع خلاص صارت بي عقده رجال وش كبري ؟؟!!
تعبت من التفكير تعبت والله العظيم يعني المساله مدري هي عدم ثقة او عين حسود او وش يعني فيه ناس احسن مني طيب ويقربون لي ليش ماجتهم عين ليش بس انا يعني انا ما اعترض بالقضاء والقدر هذا شي مكتوب لكن يعني من كثر ما افكر اقول ياربي فلان وفلان احسن مني يعني وش فيني ان عشان يحسدونن ؟؟!! ومع ذلك بعد ما اخلص من تفكيري اقول الحمدلله ع كل حال ..مع العلم اني انصح خويي واقوله عن عيوبه وامدحه ومن هالكلام وانصحه يحبن ع راسي يقول والله انك رجال وان قليل بالرجال مثلك وان الواحد يدور اللي ينصحه المهم مع ذلك مدري وش احس بوه .. واكثر شي يحسسن فعلا ويعقدن اني الان سجلت بمنتدى نسائي عشان اطرح مشكلتي ؟؟!!فكرو فيها ترا لو جينا للعقل تراها تقهر والله تقهر ..لكن ما تجرات وكتبت كل هالكلام الا عشان القا حل وياليت واتمنى من الله ثم منكم تشوفون لي حل ..وصلى الله وبارك على نبينا محمد عليه افضل الصلاة واتم التسليم

>>>>> ردود الأعضـــــــــــــــــــاء على الموضوع <<<<<
==================================



__________________________________________________ __________


__________________________________________________ __________


__________________________________________________ __________


__________________________________________________ __________