عنوان الموضوع : استحلفكم بالله تلحقونى -تم الرد
مقدم من طرف منتديات نساء الجزائر

استحلفكم بالله تلحقونى



السلام عليكن حبيباتى ورحمه الله وبركاته
هادخل فى الموضوع على طول لانى تعبت بسببه

انا قريت مشكلات كتيره عن الحموات فى المنتدى وانا كمان مشكلتى انى كنت باحب حماتى جدا لحد ما اتجوزت وعرفتها على حقيقتها هى برضوا بتدخل البيت وانا مش موجوده وابنها اللى هو جوزى مسافر واما بينزل بتقعد معانا بالساعات وانا بادخل انام وهى لسه قاعده عادى ولا كأنى موجوده ومش بتحب تقابلنى اما اروح اطمن على شقتى وبتنكر نفسها منى حتى فى العيد لما حبيت اروح لها قالت لى مش عايزة اشوف حد ولا اتكلم مع حد مع انى كنت عيزاها تشوف بنت ابنها مش تشوفنى انا يعنى وطتير مواقف اقسم لكن بالله ما تتحكى من الاسبوع الاول فى الجواز لما كنت هاموت ولولا الكسوف والملامه انا كنت انفصلت عن زوجى المشكله انى لما باحكيله بييجى عليا كتير وهو متاكد ان مامته اللى غلطانه انا دلوقتى كرهتها ومش طايقه اكلمها ومش بس كده ده انا بدأت اكره زوجى واخاف منه معدتش عايزة اكون معاه مع ان زواجنا كان من سنتين ومقعدتش معاه الا اشهر معدودة فيهم لانه مسافر

انا تعبت نفسيا وجسديا بسبب بكائى يوميا مش حاسه باى طعم للسعاده مع انى كنت باتمنى انى اتزوج واستقر بس للاسف اتجوزت ولم استقر

نفسي احس بحب جوزى ليا نفسي احس انى محور مهم فى حياته نفسي يعاملنى زى ما باعامله ده انا باحكيله عن كل حاجه عنى وعن اسرتى وهو عمره ما حكى لى عن اسرته وده شئ انا ندمت عليه جدا انى عرفته باللى جوه اسرتى

انا باكره حماتى كرهت اخوه هو كمان مع انى كنت باعتبره اخويا وكرهت جوزى ارجوكن انقذونى من اللى انا فيه ده

>>>>> ردود الأعضـــــــــــــــــــاء على الموضوع <<<<<
==================================


لا عليكي حبيبتي اصبري واحتسبي الأجر عند الله ادعي الله ان يحنن قلبها ليكي وتحبكي و يبعد عنكم المشاكل و الخلافات لكن حبيبتي اوصيكي بالصبر تم الصبر تم الصبر اصبري لاجل بنتك وجوزك ولاجلك انتي كمان


__________________________________________________ __________

الصبر تم الصبر تم الصبر اصبري لاجل بنتك وجوزك ولاجلك انتي كمان


__________________________________________________ __________

حبيبتي ما تفكري حالك انت لحالك هيك مالك غير السكوت والدعاء والاحتساب عند الله أغلب الحموات هيك وكأن قنبلة نووية نزلت عليها لما تزوج ابنها بقولولك عامليها زي أمك بلا تشبيه ومع هيك على الفاضي عند الأغلب كل ثانية هي في حال حسب الريح
والله الواحد محتار معقول الوحدة فينا العضوات لما تزوج ابنها بتعامل كنتها هيك مش متخيلة

اصبري زي ما حكولك الأخوات بعدين ليش ماتسافري عند زوجك وتستقري


__________________________________________________ __________

شكرا على مروركن وردكن عليا

ربنا يبارك فيكن

والله صابرة بس خلاص فعلا للصبر حدود وانا لحد كده وتعبت وربنا شاهد عليا انى مش بافترى عليها ده من اول اسبوع فى الجواز وهى معيطانى
حسبى الله ونعم الوكيل


__________________________________________________ __________

الصبر هو مفتاح فرج