عنوان الموضوع : مشكلة مع اخت زوجي ارجوكم افيدوني بحلول
مقدم من طرف منتديات نساء الجزائر

مشكلة مع اخت زوجي ارجوكم افيدوني بحلول



السلام علفيكم ورحمة الله وبركاته

اخواتي حبيت اشكيلكم واستشيركم في موضوعي

تكفون يالغوالي شورو علي انا تعبت
المشكلة وما فيها انا و اخوات زوجي الثنتين يدرسوا معاي في المدرسة

واخت زوجي الصغيرة من النوع الاجتماعية مرررة اي وحدة تحب تتكلم معاها وتتعرف عليها
وتسولف معها
في يوم من الايام كنا قاعدين بالشلة نسولف الا وحدة من صديقاتي تقولي يختي انا اكره هذي اخت كل شوي تسالني عن زوجي وتسال هو اطول منك صح هو كذا وكذا صح ولاصقة كل ما اقعد تسال زوجك وين وداك زوجك << طبعا باسمه
حتى تقعد تراسلني وكلمات حب وما حب وانا امسحها ما اعطيها وجه وتتكلم وتعابير وجهها اخر احتقار


والمشكلة قدام البنات كلهم وبصوت عالي المهم اخت زوجي تفكيرها مو كذا هي صغير وما تفكر كذا جيت فهمتها انها ما تقصد وهي صغيرة بس فضولية وتحب تسال كثير

لما شافتني بصف اخت زوجي قلبت تقول ايه ايه ادري هي صغيرة ووووالخ
والله ما مر دقايق وتقلب وكانها ما قالت شي قبل شوي

قهرتنييي

جا وقت الانصراف واشوف اخت زوجي تضحك معاها وتقولها سوي كذا وكذا وهي عادي تعبرها وتبتسم ولما تلف تشمق
قهرتني
قلت لاخت زوجي لا تكلميها خليك مع صديقاتك سالتني ليه قلت لها بعدين اقولك بس هي طنشت و قعدت تكلمها المهم ورجعنا البيت واول ما قلت لها قعدت تصارخ علي وتقول كلكم كذا انتي وصديقاتك وووووو وطردتني من البيت مع اني اكبر منها
طبعا بقولكم وش قلت لها قلت لها فلانة تقول كذا كذا كذا وانك حاطة عيونك على زوجها فلا تقعدي معاها قبالت هالكلام قدام الكل وانقهرت << صحيح انها ما قالت كذا بس كل مفهوم كلامها يعني انها تبي تقول ان اخت زوجي حاطة عينها مو انا اللي اقول كذا بس كل اللي كانو معاي والله وربي شاهد علي لما تساليهم يقولو علطول انها كانت حاطة عينها لان كلامها كله كذا << يتبع

>>>>> ردود الأعضـــــــــــــــــــاء على الموضوع <<<<<
==================================


المهم بعد يومين اختها الكبيرة كمان معانا بالمدرسه هي قدي جات سالت البنت قدامي
وقالت لها ( فلانة انا سمعت انك قلتي كذا وكذا وقلتي انه اختي حاطة عينها على زوجك وووو ) المهم انا تدخلت قلت هي ما قالت انه اختك حاطة عينها على زوجك بس قالت باقي الكلام مع انه ورب البيت واللي خلقني واحلف بالقران ان باقي الكلام نفس معني * حاطة عينها * بس والله ما بغيت احرج البنت طالعت في اخت زوجي وطالعتني من فوق لتحت وقالت يعني انتي الغلطانة قلت لها ماني غلطانة وانما ايش دخلني الغلط بين اختك وبينها انا بس نصحت اختك وتعلي صوتها قدام الكل وتصر اني الغلطانة في الاخير قلت لها ايه غلطانة لاني حبيت لكم الخير ولا رضيت ان اخت زوجي تكلم وحدة متضايقة منها
واول ماراحت اخت زوجي قالت لي وش فيها حتى احترام ما تحترمك لو انا منك كان قومت الدنيا عليها وتحش فيها بس انا سكتت ولا دافعت عنهم لاني تبت ادافع عن احد بعد هالموقف
<< يتبع


__________________________________________________ __________

رجعنا من المدرسة وانا تضايقت مررة حسيت اني مظلووومة بالله قولولي انا وش سويت انا واخوات زوجي زي السمن على العسل وش استفيد لو افتري على اعز وحدة بالنسبة لي فيهم انا اعتبر اخت زوجي الصغير زي اختي لانه عندي اخت قدها والله اني اغليها يعني وش بستفيد بس نصحتها انه ما تكلمها
وبعد كم يوم قلت لازم اكلم حماتي عشان تساوي اللي بيننا
نزلت وكلمتها وحكيت لها الموضوع وقالت لي انتي ليه تفترين على اخت زوجك وتقولين انها حاطة عينها على زوج صاحبتك قلت لها وربي البيت واللي يفقدني اعز ما عندي اني مافتريت عليها وش بستفيد وانا وقتها خنقتني العبرة والله اعلم بحالي حسييييت اني انظلمت انا ما افتريت على اخت زوجي انا قلت لها اللي فهمته من كلام البنت والله اني ما تبليت عليها صح ان البنت ماقالت هالجمله بس كل مفهوم وملخص كلامها كذا ورب البيت واذا سالو اي وحدة من اللي كانو جالسين بيقولون نفس اللي قلته الدنيا ظلمت بعيوني
المشكلة اني سمعت اخر مرة ان صديقتي او بالاصح عدوتي تكلمها وصااايرة طييييبة بعد المواجهة وتتكلم علي وتالف علي اني قلت كذا وكذا عنهم عشان تكون الطيبة والمظلومة واني انا اللي خربت بينهم بس العكس حسبي الله عليها الله يذوقها اللي تذوقني والله تعبت ليه كذا يصير فيني وانا مافي نيتي غير الخير والحب لاخوات زوجي كل ما اسوي شي ينقلب ضدي والله اعلم اني اقول الصدق
وسبق ياما دافعت عن اخوات زوجي وخسرت صديقات كثار عشانهم بس هم ما يدرون
ادافع عنهم بدون ما اقول لهم شي بس يوم جيت انصح وحدة انها ما تكلم البنت اللي ما تطيقها صرت الغلطانة واللي قالت واللي حشت ما صارو الغلطانين
صرت الكذابة مع اني حلفت وقلت ان الله يفقدني اعز شي عندي ما صدقوني
وش الحل انا تعبت
في البداية قلت لنفسي اطنشهم بس في الاخير هم اهل زوجي مثل اهلي ما اقدر اطنش
وهم فاهمينني غلط ومصدقين الغريبةلو انا الغلطانة مافيها شي لو صدقو الغريبة بس المشكلة اني مظلومة بالله عليكم انا احس كذا واللا صدق مظلومة ووش هي اخطائي
قلت لكم كل شي ابي اعرف وش هي اخطاء كل وحدة فينا
ارجوكم شوروعلي قولولي وش اسوي انا تعبتتتتت


__________________________________________________ __________

السلام عليكم ورحمة الله وبركاته
شوفي عزيزتي
صحيح نيتك حسنه ولكنك غلطتي في البدايه يوم قلتي لاخت زوجك ان صديقتها تقول انك حاطه عينك على زوجها .. هو صحيح كلامها بهذا المعنى ولكن ماكان المفروض تقولين كلام ماقالته البنت بالضبط .. ان كان ولا بد فالمفروض تنقلين الكلام بالحرف الواحد وعلى صيغة نصيحه .. اما الان وقد حصل الذي حصل ولو كنت انا بموقفك ولا اروح لأخت زوجي او انصحها وانما اجاوب صديقتها اللي تشتكي بان تقول لأخت زوجك نفس الكلام اللي جيت تشتكي منه .. وتطلعين انت خارج قوس من الموضوع .. يعني اللي عندها شكوى من احدى اخوات زوجك تروح لهم وتشتكي .. بدون ان يضعوك انت في الوسط .. لان موقفك حساس جدا .. انت زوجة اخوهم ..
الان حصل اللي حصل والزمن كفيل يخليهم ينسوا الموضوع
زمان كان عندنا في العراق قانون في وزارة التربيه .. البنت اذا تزوجت لايسمح لها باكمال الدراسه في المدارس العاديه وانما هناك مدارس مسائيه .. والغرض من هذا القانون هو منع اختلاط المتزوجات بالبنات الغير متزوجات وخصوصا ان عمر البنات في الثانويه لازال صغير .. وحوارات المتزوجات لاتناسب حوار البنات ..
الله يرحم ايام زمان .. ايام العز
ربي يهدي اخوات زوجك وصديقاتهم

تحياتييييييييييي


__________________________________________________ __________

ايه والله انا كنت عارفة اني غلطانة لاني ما نقلت نفس الكلام بس وانا ما عرفت اتصرف بس وش اسوي والله انه نيتي خير وما قصدت اني افتري على اخت زوجي يعني وش اسوي

والله تعبت صرت اكره انزل عندهم عشان ما اسوي شي ويفهموني غلط لاني بنظرهم غلطانة بكل شي
طيب انا وش استفيد يعني اذا افتريت عليها

والله تعبت ليه يكذبوني


انا بنفس عمرهم مو اكبر منهم والله اني ما عرفت اتصرف وش اسوييي


__________________________________________________ __________

................................................ .............................................