جامعة جامعة ماأروعها زرعه زرعه هيا معها مجابة
عنوان الموضوع : جامعة جامعة ماأروعها زرعه زرعه هيا معها مجابة
مقدم من طرف منتديات نساء الجزائر
جامعة جامعة ماأروعها زرعه زرعه هيا معها
السلام علاكم ورحمه الله وبرتساته يالله ان تحيي كلن باسمه ..
اليوم بنرجع للماضي شوي ويازين الماضي زيناه
ايام السنافر وسالي وفلونه
طبعن اللي خلاني اريوس الين هناك
ميموري جوالن لقيته عندي في عفشي وفيه صور
قلت ارجع لايام الصبا
بعد مرور عشر سنين من المراكض في الشموس بكل كليه وجامعه في الرياض وكلن يكرشني بسبب بشاعه خشتي ربي كتب لي اسجل ويقبلوني الجامعه بالصدفه يقولون انهم غلطوا بااسم وحده مزيونه تشبهه اسمي ودخلت انا وقعدت هي في البيت خل زينها ينفعها--> وحده منقهره ..
المهم اول يوم لي في الجامعه احس اني وحيده ماعرف احد وامشي خطوتين واسال وين اروح له وش ذا الجامعه ولا شارع الملك عبد الله شوارع تسبيرره تخبرون ماخذت عليها
قبل ادخل في مدرسه كنها العسكريه محوطيني من كل الجهات قلت وش في الدنيا ..
وادخل واسلم واقعد وكلن يناظرني باستغراب يقولون في انفسهم وش هالفراشه اللي تدرس معنا هذي المفروض مقرها الحوش ميب عندنا ..
فتحت كيستي لاني ماجبت شنطه ولامتن اغراضي بكيسه البقاله واطالع القى المبنى غير والقاعه غير غير مره
قلت لحظه لحظه يااوم بلوزه حمراء
الدكتوره .. وش اللي ام بلوزه حمراء انا اسمي تيتشر
انا .. من يقالها تيتشر ذي اخس والله اسمتس عمريكي ..
الدكتوره .. بلى كلام فاضي واخلصي وش تبين
انا .. ان محاضرتي ليست هذه اتسمحين لي بالخروج ..
الدكتوره طسي ..
انا .. انقلبت الايه هالحين انا احتسي لغه عربيه فصحى وانتي حوطي ..
الدكتوره يالله اطلعي لاانادي لتس الأمن يشقلونتس ..
انا طيب طيب خلاص بظهر جعلتس ان شاء الله الحمى اللي تقعد فيتس شهر تلوين منها ..
الدكتوره وشو ماسمعت !!
انا ابد سلامة قلبتس
اوتسي بطلع بس وين المبنى الفلاني تراني ضايعه مادري وين الله حاطني فيه
قالت لي اسم المبنى
وانا اختي من اول قايله لي ترى بعض البنات لين قلتي لهم وين المدري وشو ضيعوتس قلت ليش ذي ماتصير حاقده وتلعب علي لو انها دختوره وفعلا يوم سالت وحده قالت وينتس وينه ايا يالتسلبه تلعب علي اوريتس فيها خل اشوفها بس والله لااتوطى في بطنها بنت العرب .. مشيت ومشيت لين حسيت ان رجلي تنبض من قوه المشي والشمس صاكه في جبهتي احس اني بدوخ خلاص لبقت عند اقرب كفاتريا ونسيت المحاضره واللي جابها ..
حطيت رجل على رجل وقلت لها السالفه من طئطئ لسلام عليكم قالت ياحياتشي يابنتي دنتي قديده معزوره بس المره القايه مائبلش اعزار يابنات فاهمين ..
خذت الحضور وجا الدور علي اسمك ايه ياوحشه انا اسمي عبد الله ويدلعوني العبيدي .. ( فيس كاشخ بالشماغ )
طلعنا وقعدت في الكراسي جتني وحده قالت لو سمحتي وين المبنى الفلاني والله مدري ياوخيتي انا مستجده توني بقراطيسي مادري عن شي فيذا باامكاني اسوي سوات النجسة الدكتوره والعب عليتس واضيع بتس بس خاف ادلتس صح هههههههههه ..
وجت وحده ثانيه تسالني وين مبنى التمريض قلت خير ان شاء الله تراكم ادوشتوا راسي ماااعرف شي الظاهر اني بجيب قلم فسفوري واكتب على جبهتي انا مستجده ياناس..
احلفي عاد عشان اصدقتس تصدقين توني اكتشف ليش البنات لجوني كل ساعه ساليني اثاريني باين علي اني حرمتن مستتمه عندي عيلان كثر قريح اجل اصبري بتغطى والله والبس بشتي واتغطى وافتك من هالحنحنه والرنرنه..
المهم واقعد احتري احتري اهلي يجون ياخذوني ماجو فضت نص الجامعه على الساعه اربع ونص العصر ادقق محد يرد ..وبلعت اوووم العافيه قلت الظاهر اهلي يحسبون الجامعه ملجا ودراسه موب جايني الا اليوم الثاني ..
جعل هالكرسي تنكسر رجل من رجوله وتهبد ..
هذي القاعه بدون بنات طبعا كان بودي اصور لكم شله العبند بس حلفو علي قالوا ماشخصنا خن نشخص وصورينا معليش ههههههههههههههههه ..
عاد اكيد الحين انها تطورت والقاعات ماهيب تسذا من زمان ماجيتها
بس هذي الصور ايام عهدي
واخيييييييييييرا حنو علي اهلي وجو ياخذوني شفتو هالسياره الخضراء المقربعه فيها مصري هذا دليل انهم سمحوا للاجانب دخول الجامعه بس على حسابهم شوي شوي يسمحون لهم ويكرشون السعوديات ..والله يعينا ..
شفتوا شلوني وانا متديفره ياحليلي ..--> تسمع انه يفتح المخ ..
هذي احداث اول يوم لي وبعدها الحمد لله سلكت وخذو علي وعلى خشتي صارت عادي عندهم ..
وتعرفت على شله عبنده جداد وحده منهم تلبس ربطه وحالقتن شعرها حلق على اربعه وفيه نقطه صلعه بالوسط قسم بالله مافيه فرق بينها وبين اخوي ..
والثانيه تسمع باالون الموضه لابستن لي بلوزه فصفوريه وتنوره صفراء ونظارات تصرخ فسفورررررري والبشره سوداء طالع شكلها خلفه طبعا مسكوها وكتبوها مخالفه من اول يوم استقبال ..
الفايده من موضوعي ..
لاتروحون الجامعه الا وانتم سالين والا ماخذين معكم خريطه الجامعه عشان ماتضيعون مثلي .. خذوا معكم بساط وقهوه وشاهي وحلى ومكسرات ( حشى رايحه حديقه )
تحياتي لكم ..
زرعه من منفوحة
دقيزة دقيزة..
ترى ذا موضوع متعوبن عليه
اللي تدخل ترد لو تحط وردة منسدحة ماعندي مشكلة
اهم شي التقدير والدعم<< اهم شي الدعم متعوب عليها
>>>>> ردود الأعضـــــــــــــــــــاء على الموضوع <<<<<
==================================
هههههههههه
اضحكتيني الله يضحك سنك
أنا فرحانة لأني اول وحدة ترد عليك
تقرير مرة حلو ووافي
تصلحين مراسلة للام بي سي
مشكورة ياغلاتي
والله يوفقك
__________________________________________________ __________
يا حلاووووه .. قم بس قم
واهـ بس
اسلوبك حلو اعجبني وقصتك تهبل فيها نوع من الجهاد
ارفع موضوعـــك لعميدة النادي للنظر فيه
__________________________________________________ __________
هههههههههههه
الله يعطيك العاافيه اكيد حنيتي للجاامعه
ولا الشكولاته ولدي يبيها
ارسلي لي وحده
تحيتي لك
__________________________________________________ __________
خخخخخخخ هذي يبي لها عيادة لحالها يمشطون شعرها
أهلين وهـ بس وين الناس ؟ مريت على النادي وقلت في خاطري وهـ بس هنا
ودخلت أسلم عليك وعلى موضوعك
اليوم بنرجع للماضي شوي ويازين الماضي زيناه
ايام السنافر وسالي وفلونه
اي والله ي زينها من أيام نسيتي هايدي وأفتح ي سمسم بدر وأنيس ونعمان الدب خخخخخخخخخ
واهم شي عدنان ولينا يوم انه يلزق على جدار السفينه تقل أبرص خخخخخخخخخخخخخ
اعد حقره بقره
خخخخخخخخخخ ترى حقرة بقراء فاهمنيها غلط منول خخخخخخخخخخخخخخخ
سالفتها سالفة اقولس عليها
أول ماجو المصاريه للرياض كانو عيالهم وبناتهم يحسون حقرا بقرا قلي عمي عد العشرة
وانحن مطافيق جلسنا نقلدهم ولا نعرف وش يقصدون ، يوم كبرنا صارت الأغنية
حـ أقرأء يعني ابقراء
قل لي عمي عد العشرة
يعني عمه الله يطول عمره يدرس ولد اخوه رياضيات يقوله عد العشرة
وانحن مع الخيل ي شقراء خخخخخخخخخخخخخخخ حوتك حوتك مثل أهل وشيقر
فتحت كيستي لاني ماجبت شنطه ولامتن اغراضي بكيسه البقاله
ورى ماكشختي بشنطة أم أرقام خخخخخخخخخخخخخخ يمدحونها ع شان ماتنسرق عباتس خخخخخخخخ
قلت لحظه لحظه يااوم بلوزه حمراء
زين الي ما انطلق عليها ثور من الثيران هههههههههههههههه
انا طيب طيب خلاص بظهر جعلتس ان شاء الله الحمى اللي تقعد فيتس شهر تلوين منها ..
هههههههههههههههه ماقلتي مثلي جعله يحبب جليدتس من قدر يصيبس خخخخخخخخخخخخخخخ
لبقت عند اقرب كفاتريا ونسيت المحاضره واللي جابها .. افطرت وعينت من الله خير
لا وسم الله على فضل الله خبزة يابسة وشاهي بارد مدري كم ذباب وايزن فيه خخخخخخخخخخخخخخ
وعلبة مرندا مدري كم هندي شايله لحد ماوصولها الكافتيريا ودتس تسمعين بكلمة كافتريا ولا تشوفينها
لا وبعد الي تبيع لتس كنها معلقة شهادة الدكتوراه عندها تاحسييس بنفس شينة
يجيب الله مطر
هههههههههههههههههههه ياكثر مانقولها وبعد كذا نجيب العيد لآهلنا همن نقول حملنا هههههههه وين الخوا جوا ههههههه والحلبة ههههههههههه الرشاد هههههههههههه أمزح حاملين يعني ساقطين يعني راسبين خخخخخخخخخخخخخخ
خذت الحضور وجا الدور علي اسمك ايه ياوحشه انا اسمي عبد الله ويدلعوني العبيدي ..
خخخخخخخخخخخخخ مادخلت رويسي أقولك سالفة مرة من المرارير جتني في المكتب بنتين توأم يبي يقدمون في المدرسة لآنهم جايين من قرية بعيده عن الرياض
يوم قريت أسمائهم شوي وتطير الخبزة في حلقي
قلت وش أسمائكم ، قالت أنا بيضة واختي ابيوضة ،،،،،،،،،وانا صامه خشتي فيني الضحكة خخخخخخخخخخخخخخخخخخخخخ
فيه شي غريب هـ الكرسي ي وهـ بس
ماتلاحظين ان مافيه ولا شخبوطة ولا عين مرسومة ولا قلب طاير فيه سهوم خخخخخخخخخخخخخخ
يازينه قبل كان له طعم وهالحين يزوع السبد مدري ليش مدري كثرت البساكيت والخرابيط
خخخخخخخخخخخخخ الله يوسع صديرتس ي زرعة بجد بجد ضحكتيني بسواليفس
__________________________________________________ __________
تشدني مواضيعك بصرااااااااااااحة رووووووووووووووووعة
الله يسعدك ضحكتيني وانا طفشانه
.................................................. .....
رد مع اقتباس
