عنوان الموضوع : تاكدت ان زوجي متزوج مسيار
مقدم من طرف منتديات نساء الجزائر

تاكدت ان زوجي متزوج مسيار



يابنات اكتب لكم موضوعي وانا في قمة البرود من الصدمة انا الزوجة الثانية وزوجي يحبني وانا احبة بس ماأدري احسة صار ينتقد جسمي باستمراربس جسمي لانه اصلا مايقدر يعايرني في اي شي ثاني لاني بصراحة كنت له الزوجة والصديقة والاخت وكل شي وما قصرت معه وقفاتي معه كثير وهو ماأكذب عليكم معترف بهذا الشي ودايم يسمعني من ذا الكلام انتي حبيبتي انتي حياتي انا مالي في الدنيا غيرك انا احبك انا وانا وانا طبعا زوجته الاولى ماهي دارية عن الدنيا بس شغلها الشاغل تراقبني واذا طلعت مع زوجي ارجع البيت والبوز شبرين وماهو حبا في زوجها الا حسد لي الله يسامحها بس مع اني طيبة والله معها هي واولاده يالله الله يكتب الاجر بس ومتحملة كل هذا من زوجته لا وفوق هذا كله مشغلني طباخة يوم تطبخ لاولادها ويوم انا اطبخ وصابرة ومحتسبة عشان خاطرة ماعلينا انا عاد من فترة شاكة في رقم يتصل بزوجي انه حرمة ويرسل رسايل حب وغرام وصارحت زوجي اكثر من مرة اني شاكة فيه وفي هذا الرقم ويحلف ويطلق ان مابيني وبينها اي شي وانها مجرد ممرضة عالجتة لما سوى عملية قبل حدود 3او4سنوات وانه بس يجاملها وهي اندونيسية الجنسية بس ماأدري هو صادق ولا كذاب في مسألة الجنسية يعني ممكن انها سعودية ماأدري وانا شاكة في زوجي انه متزوجها مسيار خصوصا ان سفراتة كثيرعلى مدينة معينة مابغى اذكر اسم المدينة احسن احد يعرف من انا عاد انا المرة هذي قلت خذني معك انا طفشانة وابغى اروح معك ياحبيبي قال خلاص واخذني معة وهناك تعالو شوفو انواع الكذاب مرة باطلع مع اخوياي وانا متاكدة انه يبغى يروحلها جيتكم يابنات قلت احسن شي افتش جوالة وهو يتحمم اشوف اخر رسايل ومكالمات وهنا كانت المفاجأة لقيت رسالة وسايط شكلها تازة وهي مرسلة الجزء السفلي اكرمكم الله منها وعريان عاد انا انصدمت وقلت اتكلم بعدين تعوذت من الشيطان وقلت افكر احسن من اني اتهور خصوصا اني ماابغى اخسر بيتي عشان وحدة زبالة زي هذي بس يابنات يااهل الحكمة شورو علي ايش اسوي اتكلم معه واصارحة بالصورة اللي شفتها من الرقم اللي من زمان وانا شاكة فيه خصوصا انه مستحيل يمشي في حرام وهذا ضني فية عشان كذا انا احكم انة متزوجها مسيار وهل تصرفي ضعف ولا قوة والمشكلة انا الى حد الان ماعندي وظيفة يعني لو قلت له طلقني اخاف بعدين يشمتون الاعداء فيني خصوصا ان وضعي مع زوجي المادي عالي وجالس يبنيلي فلة بروحي تكفون شورو علي يالغوالي ولكن كامل شكري وتقديري

>>>>> ردود الأعضـــــــــــــــــــاء على الموضوع <<<<<
==================================


لا حول ولا قوة الا بالله
الله يكون في عونك يا اختي
بس ادعي في صلاتك وكل وقتك بهذا الدعاء
اللهم اكفينيهم بما شئت
اللهم إنا ندرئك في نحورهم ونعوذ بك من شرورهم
وادعي في سجودك دااااااائما اللهم اني لا اسألك الا رضاك
واكثري من الاستغفار ولا تنسي اذكار الصباح والمساء
وبالله التوفيق


__________________________________________________ __________

الله يصبرك ويربط على قلبك نصيحتي لك دامها مرسله نفسها فهذي مستحيل تدوم معه لانه لو يحبها كان مارسلت جسمها له هي تبغى تغريه علشان يجي عندها خليك عادي وحاولي انك تهتمي فيه اكثر علشان يعرف انه مقصر ولاتحاولين تشكين فيه اختي ان شاء الله انها ماتدوم لان باين عليها ماخذته علشان فلوسه بس
انت كملي حياتك بهدؤء وانسي اللي شفتيه صح انه قهر ومستحيل بس انت كثري من النوافل والا ستغفار والصدقه وان شاء الله تنحل مشكلتك
اســـــــــــال الله العظيم يسخره لك


__________________________________________________ __________

لا حول ولا قوة الا بالله العلي العظيم .اختي انت دايما اكثري من الدعاء ان الله يصرف عن زوجك شرها هذي الله المستعان ماتخاف الله وزوجك الله يهديه ويسخر ه لك


__________________________________________________ __________

بصراحه حبيبتي ولا تزعلي من كلامي المفروض ماتهتمين سواء مسيار او غير مسيار لانك زوجه ثانيه
هو عنده زوجه واولاد وراح ازوجك شلون ضمنتي ما يباوع لغيرك صحيح السنه النبويه اتحلل اكثر من وحده بس عندي سؤال هو عادل ابينكم من الناحيه الماديه والعاطفيه لما ايطلع مشوار ايطلع زوجته الاولى ؟
يعني زواجه مو بس مشكلتك مشكلته زوجته الاولى كمان


__________________________________________________ __________

اسمعي ياااااااااااااااااااااااااقلبي كبري عقلك وامسكي بيتك وادعي ربك واصبري مردو لك ولزوجتك وكثري من قول ربي مسني الضر وانت ارحم الراحمين الله يعينك ويصبرك