عنوان الموضوع : مشكلتي مع خوات زوجي عطوني حل تعبت نفسيااا مجابة
مقدم من طرف منتديات نساء الجزائر

مشكلتي مع خوات زوجي عطوني حل تعبت نفسيااا



السلام عليكم
بنات الله يخليكم ساعدوني وربي صدري ضايق ولا قادرة اتحمل طفششششششششششت ع الاخر
مشكلتي مع خوات زوجي الي هم بنات خالي ماكانو كذا قبل زواجي
رافعات خشومهن علي وانا احاول اتقرب منهن كاني مسوية كبيرة من الكبائر
كل الي سويته اني رفضت اشرع بالزواج يعني ماسويت زفة داخل الصالة
شنو حملتهم علي
وربي هم الي خلوني اسوي كذا وبعدين التشريع من حقي لحظة ملكي
لا يبون يمشوني على كيفهم
تخيلو وحده منهم مرة اخوي يوم الزفة اتصلت فيني تقول انتي ماقدرتينا وو لا شي من اولها لاتشرهين علي بسلام لا اسلم عليكي ولاشي
وربي حطمتني نفسيا بكلامها الي اكثر من كذا صرت ابكي من القهر
ويوم دخلت قاعة الزواج بغرفة العروس طبعا ماطلعت للناس لا جو عندي و لاباركولي ولا شي بس وحده فيهم
الثانية دخلت كني متعشية معها البارحه ولا سلمت ولا شي الباقين ماجو
وياساتر على النفوس يوم زرتهم بعد العرس
بس صرت اتودد لهم لحد مالينت الي معي بالبيت بس في وحده لمن تجي راكنتني على جنب ولا تسولف معي ولا تعبرني بشي حتى ما تناظر لي قهرتني هذي متفقه مع مرة اخوي الي هي اختها
واحس نفوس الي عندي بالبيت ثقلت علي بعد زيارتها لنا
وربي زهقت توي ماصار لي شهر وكذا معاملتهم
المشكلة شقتي ماخلصت وانا خليته يطلع من الفندق راحمته
وربي مقدر انام تكفون دلوني على حل يريحني
ايش اسوي تكفن ساعدني وربي ماني خبيثة ولا قوية مرة ولا احب اكون كذا وتعبت نفسيا من نفوسهن الثقيلة علي

ايش اسوي تكفون ساعدووني

>>>>> ردود الأعضـــــــــــــــــــاء على الموضوع <<<<<
==================================


عليكي بالتطنيش تعيشي حياتك سعيده وعلى قولت( المثل خلك بعيد حبك يزيد ) فخليكي منتبهه منهم بس وانتبهي على نفسك وان شاء الله كل مشاكلك تنحل وبعدين اللي سويتي مو غلط


__________________________________________________ __________

حبيبيتي مبروك عليك الزواج و ان شاء الله تتهني بزوجك
اما عن البنات انتي لازم تكوني قوية و ما تتوددي عشان ما يشوفو حالهم
عليكي لان التودد راح يشعرهم انك ضعيفة و مستعدة تسوي اي شيء
لكي ترضيهم
انا انصحك انك تتكلمي معاهم و حاولي تصلحي الامور بالتفاهم
يمكن تتكلمي مع حماتك الي هي خالتك يعني امهم يمكن هي راح تتفهمك
اما اللي مطنشاتك انتي كمان طنشي و ما تخلي نفسك ضعيفة قدامها
لانه هيك راح تقوى عليكي حبيبتي انتي لساتك عروس عيشي حياتك
مع جوزك و ما تنكدي على نفسك
اكثري من الاستغفار و الدعاء و ان شاء الله ربنا راح يفرجها عليك


__________________________________________________ __________

شوفي أهم شي أم زوجك حطيها فوق رأسك وعامليها أحسن معامله وعلى كل مناسبه جيبي لها هدايا أكسبي قلبهاوأكلمك من واقع تجربه "والله ان زوجة أخوي تحب أمي مره وشايلتها فوق رأسها وتجيب لها هدايا وأمي صارت مره تحبها وتقول هذي أحسن حريم عيالي ومافيه أحسن منها وووالخ"تدرين ليش ؟لانها ذكيه قدرت تكسب قلب أمي لانها تعرف ان أخوي اهم شي عنده بالدنيا أمـــــــــــي" وللمعلومية فقط <زوجة أخوي هذي يوم خطبها أخوي أمي كانت مو موافقه عليها لكن سبحان الله شوفي كيف حسن المعامله ايش نتيحته>وأما أخوات زوجك فأنصحك انك تسوين الشي الي يرضي الله عزوجل يعني تسلمين عليهم تسألين عنهم وخلي زيارتك لبيت أهل زوجك بالاسبوع مره وحده علشان يشتاقون لك ,,أما اليّ تجلس عندك بالغرفه ولكن ماتعبرك اقولك خلي الوضع عــــــادي مو معناته انك ماتعبرينها لا خليك احسن منها اول ماتدخل سلمي عليها وقوليلها كيف حالك واسالي عنها ووجهك مبتسم واذا شفتيها مطنشتك كملي سوالفك مع أم زوجك وسولفي وانبسطي وانتبهي لاتطولين عندهم أكثر شي سااااعه الناس ماتحب الضيف الثقيل وبس>>>>ومعليش اني تكلمت بالعاميه لاني دائما احب التحدث بالفصحى ولكن لان كلمتك الي بالموضوع {تعبت نفسيا}هذي الكلمه احسها هزتني وتفاعلت معاك وترى كل كلامي من واقع تجربه واتمنى لك التوفيق والسعاده يااختي .


__________________________________________________ __________

اول اشي الف مبروك
تاني اشي خلي علاقتك فيهم رسمية جداااااااااا العب بعيد بتلعب مرتاح


__________________________________________________ __________

حبيبتي طنشيهم ماعليك منهم
هتمي في زوجك ثم امه هم يسوون كذا لانهم يشوفونك تبين رضاهم ماعليك منهم