عنوان الموضوع : زوجي ينام بغرفه وانا بغرفه ثانيه -تم الرد
مقدم من طرف منتديات نساء الجزائر

زوجي ينام بغرفه وانا بغرفه ثانيه



السلام عليكم ورحمة الله وبركاته

حابه اعتذر لان المفروض الموضوع هذا يكون بقسم مشكلتي بس لانه مايفتح معي مدري وش فيه بس حابه اشكي لكم واقولكم

زوجي دايم احسه مايبي ينام معي بنفس الغرفه يحط اعذار عشان مايجي الغرفه ويتعمد ينام في الكنبه ويقول انا غفيت ماحسيت واذا شافني اصر عليه ينام بالغرفه يجي وينام بس ينام بطرف السرير وانا بالطرف الثاني
وان جيت قربت وحطيت يدي على صدره يرمي يدي ولما اسئله اليوم الثاني يقول ماحسيت وانا اصلا عارفه انه يحس وعارف ,
بس انا قلت ما بي اجبره على شي مايبيه لان لو يبيني راح يجيني وحتى باقي الاوقات لما ابي اقعد جنبه او اسولف معه او حتى امزح معه يقول عني (غثيثه وممله ومزعجه ويقول تزوجي غيري عشان يعطيك اللي تبينه ويقول عني بزر وخرى دايم يقول عني كذا مايحترمني ويسبني واغلب الاوقات يناديني كلبه)ابي حل لهالزوج اكثر من مره حبيت اتطلق بس افكر بخواتي اللي اكبر مني للحين ماتزوجو لان خالتي اخت امي تطلقت والكل تكلم عنها وانا اخاف اصير مثلها وفوق هذا زوجي يخوني خاني مرتين بعد زواجي بشهرين اكتشفت انه يخوني وانا كنت حامل منه والجنين بين الحيا والموت وهو يخون ويشوف افلام دعاره , مايصلي..



انا مو قصدي افضح زوجي ولا افشي عن حياتي بس لاني ابي حل ابي اعرف اذا اكمل معه ولا لا دام اني ماعندي عيال منه للحين ففرصتي اتخذ هالقرار والقرار السليم ابي نصيحه منكم لاني تعبت انا بين حبي له وبين مستقبل حياتي وشكرا ..

>>>>> ردود الأعضـــــــــــــــــــاء على الموضوع <<<<<
==================================


حبيبتي انا حبيت افيدك ولاابي اضرك كانك تبين رايي ونصيحتي لمصلحتك كانك حامل لاتطلبين الطلاق وتصبري عشان ولدك او بنتك الجاي واللة يعينك ان اللة مع الصابري تحملي غشانك حامل عشان ضناك انا هاذا رايي لمصلحتك


__________________________________________________ __________




فرآوله الريآض آهي تقول ماعندهـــآ عيال منه للحين

انا صح مانصحج بالطلاق لأأن آبغض الحلال عند الله الطلآق

بس ترا لسانه متبري منه آسمحيلي ع هالكلمــــه .. قلبي معآج شكلج متحملتـــه وآأإآأإيـــــــــــــد


بس دآمج تحبينه ياقلبـــي حاولي تقعــدين معاه وحاولي تفهميــن منه شسااالفه شيبي منج تسووينه له . . آكشخي له وسوي له حركآت وكذا يعني انتي متزوجــه آخبببر منآ .. قومي الليل صلي ركعتين وآدعي له

الله يسخره له ويهديه لج

وطمنيني عنج


__________________________________________________ __________

حبيبتي عليك بقيام الليل والله الذي لا الاله الا هو اني اعرف وحده من قريباتي زوجها كان منكد عليها عيشتها وتزوج عليها مسيار وماكان يصرف عليها الا اهلها حتى عياله مايدري عنهم ولايجلس بالبيت يعني كانت عايشه بجحيم واتجهت الى الباب المفتوح للانسان الى ربي وصارت تصلي الليل وتدعي ربي وتكثر من الاستغفار وربي شاهد علي انها تغيرت حياتها 180درجه وماصاريطلع من البيت والفلوس تقوله من وين اجيك يعني كثر رزقها وهي الحين مبسوطه ماشاء الله عليها اتمنى اكون افدتك والله يصلح مابينكم ولاتنسين الصدقه ولاتنسيني من الدعاء


__________________________________________________ __________

الوضع عادي جدا حبيبتي
كل رجال وله اسلوبه وانتي شفي الاسلوب الافضل الا ي يريح زوجك وسويه
دامه مو مقصر معاك بشيء اوصارحيه ماقدرتي بالمصارحه قوليله اليوم تحلمت فيك انك سويتلي كذا واعطيه الطريقه وعجبني الحلم ياريت يتحقق هذا واعذريني ع الاسلوب
والله يوفقكم ويسعدكم ولايحرمكم من بعض يارب


__________________________________________________ __________

شوفي حبيبتي انا ماقولك هالكلام عشان اخوووفك
بس انتى قلتي انه مايبغاك وانو خانك بعد شهرين من زواجك
وانو يتلفظ عليك بكلمات بذ ئيه
انا بقولك اشياء وانتى شوفي وش اللي تحسين انه صح ممكن هالشئ
اول شئ: ياكون مغصووب عليك ولا يبغاك

ثاني شئ: يمكن عين وحسد (ذكرت بالقران) او ممكن سحر عشان يفرق بينكم

ثالث شئ: يمكن مافي تجانس بينكم في الامور الزوجيه لاتنسين انو اجساده كميائيه يعني ممكن جسده وجسدك ماتجانسوا<< من دكتوري في الجامعه

وحده من هالحتمالات وارده
وقبل لاتستعجلين بالمور الطلاق
خلي احد من اهلك واهله يدخل ويشووف الغلط من وين؟؟
الله يسرلك امرك