عنوان الموضوع : اشهر الكذبات
مقدم من طرف منتديات نساء الجزائر

اشهر الكذبات




أشهر كذبات البنات عند التعرف على الاولاد:
1- مادري حبيبي احس اني اعرفك من زمان تصدق

2- حبيبي احس انك غير عن كل الشباب احس انك مختلف وغير عنهم

(عندي قرون يعني)


3-ياريتني ياقلبي عرفتك من زمان

(اي خيرانشالله..عارفه 79 واحد قبلي )


4-انا ماطلع من البيت كثير ولما اطلع انزل راسي تحت وما أطالع احد

(انتي اللي اخترعتي الهياته يام كشه )


5- انا احب الشعر ومن هواياتي الرسم والسباحه



6-ماحب اقعد وغرفتي حوسه وانا احب النظافه وماعرف انام الا وانا مبخره غرفتي وفراشي ( اي صح بطانيتك صارت حامضه من السعابيل والريحه الخايسه يالنظيفه )


7-احتمال اروح سويسرا الصيف القادم

( هذا اذا ماكنتي في ربوع حفر الباطن أ مدينة الاشباح الخفجي )


8- تصدق حبيبي ماعرف ألبس الا من زارا او نكست ( الا سوق المباركيه متعاقدة معه يالحصان )


9-وااااي حبيبي مشتهيه موكا فرابشينو مع كراميل من ستاربكس

( انتي مال بسكوت مالح وشاى بو وزه طيح الله حظك )


10-دايم اشتري عطوري من تناغرا ( هذا اذا مو عطرك المفضل المرش مال جدتك مالت عليكي )


11- شكلي حبيبي راح اطق لي جاكوار من الوكاله

( اذا مو هوندا موديل 76 من الحراج يالدبه )


12- انا بيتنا بشارع الحب على تقاطع النزهه والفيحاء ( اذا مو ساكنه بعشيش بالصليبيه اقص ايدي )


13- حبيبي اليوم تلفوني طاح بالمرحاض واخترب

( يعني اشتري لي جهاز..ليش مدخله التلفون معاها الحمام )


14- انا كنت مخطوبه بس خطيبي مافيه مواصفات (ليش هو خطيبك سيارة او جهاز لازم يكون بمواصفات ما ودك في عريس فتحة بالسقف )


15- حبيبي بروح اشتري قرقيعان من باتشي للأطفال ( قولي قرقيعان الصيداوي المحزر ماغيره ليش مستحيه )


16- حبيبي حط في بالك ترى انا اذا حبيت حبيت من كل قلبي


17- حبيبي ودي اروح نادي كراون بلازا ودي العب تنس هناك ( يعني كول..هذا اذا مالعبتي غميمة بحوش بيتكم )


18- علاقتي فيك محد يدري فيها ابد لانها تعتبر من اهم خصوصياتي ( حتى خدامتهم تدري انها تكلم.. )


19- احب اقعد بالبيت واساعد امي واحب اقعد مع الحريم ونشرب شاى ( يعني ترى ماعندي خرابيط تعال اخطبني..بالعيد انشالله )



20- حبيبي عيد ميلادي الاسبوع الجاى ( يعني ابي هديه...انت عاد لاتقصر )


21- بعد كم يوم راح ادخل معهد واتعلم اسباني بعد ماخلصت الفرنسي والايطالي ( عربي مثل الاوادم (ماتعرفين...هالمره اسباني؟




انا اعتذر عن كل كلمة بس الفكرة مجرد مزحة وابتسامات خفيفة
ولاتزعلون بنات ترى انا وحده منكم



هذي بعض كذبات الشباب على البنات

-1حبيبتي تدرين والله انا ماعندي حركات الشبااب .. ماكلم بنات.. اصلا ماحب هالحركات..
(( باااااااااين وانت كل بنات العالم يعرفونك ))
2- مادري حبيبتي احس اني اعرفك من زمااان
(( لا يمكن ملخبط بينها وبين وحده كنت تعرفها اول .. يمكن في شبه ))

3- حبيبتي احس انك غير عن كل البنات احس انك مختلفه وغير عنهم
((ليش فوق راسها ريشه و لا من كوكب ثاني ))
4-حبيبتي والله احس في اشياء كثيرة انا وانتي نتشابه فيهااا .. كأننا شخص واحد
(( سبحان الله اخوها في الاسلام لازم يكون في شبه ها ها هاااي ))
5-ياليتني ياقلبي عرفتك من زمان
(( معليش كان عندك زحمه ))

6- حبيبتي انتي تامرين قلبي امر .. كل اللي تقولينه البيه
(( ايه في الاحلام اكيد ))
7- حيااتي ابيك تتغطين عشان ما احد يشوفك غيري لاني اغاار
((لا يا حرااااام الغيرة حرقت قلبك حرق ))
8- ابجي اخطبك من اهلك بس بعد ما اكون نفسي
(( اجل من تكوون هع هع بس صح ت**ر الخاطر فلوسك كلها على الجوال والسيارة وعزايم ربعك و و و الخ ))
9-يا قلبي ابغى اشوفك باقرب وقت ماقدر على الشوق اللي ذبحني
((يبغى اصحابه يتأكدون انها حلوة ))
10 - انا احب الشعر ومن هواياتي الرسم والسباحه
(( لا رومنسي الحبيب ))
11- حبيبتي حطي في بالك ترى انا اذا حبيت حبيت من كل قلبي
(( اقول بس اي قلب فيهم ؟!!!! ))
12- علاقتي فيك محد يدري فيها ابد لانها تعتبر من اهم خصوصياتي
(( بس عادي كل ربعــه يدرون .. لانهم مو اي احد ))
13- شكلي حبيبتي راح اطق لي جاكوار من الوكاله
((اذا مو هوندا موديل 76 من الحراج ))

14 - احتمال اروح سويسرا الصيف الجاي
(( ايــــــــــه هيــــــن <<<< بس قولها الجوال ماهو معمم لانه مايشتغل بالديره))
15- دايم اشتري عطوري من تناغرا
(( الحمدلله والشكر ))
16- لما اشوف رقمك في جوالي قلبي يفز من مكانه
(( اكييد .. خايف تكون كشفت ملاعيبك ))
17- فلان قال لي اعطيه رقمك .. بس انا قلت له اقتلني قبل ماتاخذ رقمها مني
(( هاهاااي يا مضحي انت يا شجااع .. هذا اذا مو كل الشباب يعرفون رقمها المسكينه ))
19 - حبيبتي ابغا صورتك اخليها عندي عشان قبل ما انام اشوفها واحطها تحت راسي وانام
(( لا وانت الصاج عشان يوم تمل منها تهددها ))
20- اسف حبيبتي امس ما اتصلت عليك بس كنت مشغووووول مررررة مع الدراسه
(( باين يا نيوووتن انـــــــــت ))
21- تدرين حبيبتي انا دايما البنات في المجمع يطلبون رقمي ... بس انا ماعطيهم فيــس دام انتي حبي
(( هاهاااي .. الترتيب الصحيح للجمله .. دايماا انا الحق البنات بس مايعطوني فــــيس ))
22- والله حبيبتي كان ودي اجي عالموعد اليوم بس صارت ظروف صعبة جدااا وماقدر اجيك
(( ايه صح تذكر موعده مع خويته الثانيه اللي واعدها 10 مرات وخلف وعده ))
23- امس مانمت... طول الوقت افكر فيك... اخذتي عقلي حبيبتي
(( الا قصدك نمت وحلمت وشبعت نووم ولا تدري عنهاااا اصلاً ))
24- انتي احلى بنت شفتها بحياتي ماظن القى احلى منك
(( ليش متعرف على ملكة جمال الكون واحنا ماندري؟؟))
25- الظاهر بشتري كمبيوتر جديد... كمبيوتري صار له شهرين معاي وكمبيوتراخوي مايعجبني والكمبيوتر الثاني ماتأقلمت معاه
((ماشاء الله وكالة كمبيوتراات ....اراهن بعمري على انه كمبيوترك قديييييييم وماعندك غيره كل ماخرب صلحته))


بس بدون زعل هذا الموضوع نزلتو لانو معضم البنات تضايقن بسبب تنزيلي كذبات البنات للمساواه هي كذبات الشباب

>>>>> ردود الأعضـــــــــــــــــــاء على الموضوع <<<<<
==================================


°•.♥.• !!! بــآرك الله فيك علـــــى الموضـوع الرائـعـ،،،


°•.♥.•° لك جزيل الشكر و الله ينور طريقك °•.♥.•°

°•.♥.•°!!اكتبي ولاتتوقفي °•.♥.•°!!
فاحساسك الصادق وصل الي عمق مشاعرنا
كلماتك صادقة
لاتتوقفي عن نزف أحرفك فهي رائعة بكل المعاني
ما أروع قلمك و ما أروع هذه المشاركة °•.♥.•°!!

°•.♥.•°!! في انتظـــآر جديـــدك دائمـــا ..!!. °•.♥.•°

°•.♥.•° تقبـــلي تحيآتـــي°•.♥.•°


__________________________________________________ __________

تسلمين كلك ذوق شاربه توت ولابسه بوت انتي سيده رائعه


__________________________________________________ __________

هههههههه

خيالك واســــــــــــــــع
مشكوووووووووورة


__________________________________________________ __________


__________________________________________________ __________