عنوان الموضوع : انا في مشكله ماالي غير ربي ثم انتم........
مقدم من طرف منتديات نساء الجزائر

انا في مشكله ماالي غير ربي ثم انتم........



السلام عليكم اولا
انا رايحه بلش في مشكلتي مباشرة وبدون اي مقدمات
انا يابنات متزوجه الي سنتين والله رزقني والحمدلله بطفلين ورى بعض
ويا دوب عم دير بالي عليهم وعلى زوجي ومهمله بنفسي لانه مافي وقت
انا مقيمه في الرياض واخر شهر سته بدنا ننزل على الاردن وفي الاردن حماتي مقعده وبيت اهله بيت عيله كتير ناس بتيجي عليهم طبعا بناتهم وازواجهم واولادهم شي بجنن
وحماتي اجلكم الله بدها تبعتيها على الحمام ومابتعرف تخدم نفسها وحماي وقح ولسانه سليط مستعد يسب علي انا وعلى زوجي مابهمه المهم طلباته متوفره
وعندهم ولد عزابي وعنده مرض نفسي بخاف منه ومستعد يضرب ازا عصب وبسب مين ماكنتي تكوني وكله قدام زوجي
رايحين تسألوني كيف وانتي في السعوديه مين عم بيقوم فيها رايحه احكيلكم سلفتي بس قرروا متى انا بنزل بدهم يرحلوا على بيتهم قبل يجهز
يعني انا اللي ابلش فيهم ولا فوته ولا طلعه لانه السيد حماي بده مو كناين بده خدم ببلاش لبيتهم
ايش اعمل انا لساتني نفاس
وبعد ولادتي باسبوع صابتني حمى نفاس خفيفه والحمدلله طبت بس هلا عندي مشكله بعد الولاده واخدوا مني عينه من الرحم ولسى ماطلعت بس شاطرين بدهم حوالات وهدايا بطلبوها بلسانهم على الموبايل وهمه لا واحد ولا تنين وبدون مبالغه عددهم بيجي 300فرد بيت اهله
انا ياجماعه بخدم من نفسي ومابحب شي ينفرض عليه فرض وزوجي المهم عنده نفسه ويريح حاله من لسان ابوه على حسابي على الرغم من عملهم الي مشكله الفوا عليه يا ناس حكي مارح احكيلكم هادي بدها صفحات بكتبه الكم بعدين وظليت في حملي ببنتي زعلانه عند اهلي وقتها كنت لسى بدرس بالجامعه
والله السعوديه خنقه وحابه اطلع وارفه عن نفسي شوي طبعا انا ماصارلي 7شهور في السعوديه وكنت بساعد سلفتي وبخدمهم
ساعدوني الله يفرج همكم فرجولي همي

>>>>> ردود الأعضـــــــــــــــــــاء على الموضوع <<<<<
==================================


انتي رايحة اجازة تحملي هالشهر اللي رايحتيه ولا تتقاتلي معهم
كبري عقلك
وحماك رجال كبير وحماتك كبيرة الله يعينهم ويعين اللي جنبهم


__________________________________________________ __________

شكرا على ردك بس الواحد بتحمل يوم يومين اسبوع مو كل اجازتي انا بدي انزل اشوف اهلي وانام عندهم واقعد مع اخواتي مش اظل اخدم انا مش نازله من تعتير على تعتير اكبر الكل لازم يساعد مش يجوا يتضيفوا وبعدين انا عقلي كبير والحمدلله وعندي رحمه بالكبير قبل الصغر بس لو انتي مكاني ما بتحكي هيك


__________________________________________________ __________

الله يكون بعونك


__________________________________________________ __________

الله بعين الجميع


__________________________________________________ __________

ليش مافي حد بيكتب ولو بدعوه