رجاء الي بتقدر تساعدني ما تبخل علي
عنوان الموضوع : رجاء الي بتقدر تساعدني ما تبخل علي
مقدم من طرف منتديات نساء الجزائر
رجاء الي بتقدر تساعدني ما تبخل علي
رجاء الي بتقدر تساعدني ما تبخل علي
السلام عليكم ورحمة الله وبركاته
سيداتي العزيزات اتمنى ان تساعدنني في حل مشكلتي انا عندي مشكلتين ويمكن التنتين مرتيطات ببعض
المشكلة باختصار هي ان منذ ان كنت صغيرة والوالد لا يحب ان يعمل ودايما يتداين من الناس وتخيلوا كيف لما كنا صغار والناس تيجي تطلب منو مصاري وتهددوا امامنا واحنا مش عارفين شو نعمل كتير سالنا حالنا ليش ابونا هيك وحتى لما كبرنا ضل على عادته والحمد لله هلا كبرنا وبطلنا بحاجته وانا هلا متزوجة وبشتغل وبحاول على قد ما بدر اساعد امي واخواتي وكمان اخوي الكبير بشتغل وبصرف على البيت والي كمان اختين الحمد لله اتجوزوا ضل عنا في البيت اخوي الصغير واربع بنات ان شاء الله ربي يستر عليهم ، المهم انو ابوي ضل على عادته حتى بعد ما كبرنا وصاروا الناس الي بدهم منو مصاري يطلبو من جوزي ومن زواج خواتي كمان وهاد اثر علينا وبالذات اختي الي جوزها بطل يقدرها ويحترمها وصار يضل يحكيلها ابوك عمل وابوك اخد ومن هالحكي وانا كمان نفس الشي بس اختي اكتر مني وصار كل يوم وابوي وجوز اختي يضلو متقاتلين حتى وصلت الامور انو جوز اختي ضرب ابوي وبطل في احترام وتقدير وهلا انا خايفة على خواتي انو الناس تنفر منهم وما يجو يطلبوهم للزواج ، حاولنا كتير نحكي مع جوز اختي انو ما بيصير مهما كان ابوي انو يعمل معو هيك بس لا حياة لمن تنادي والمشكلة امي المريضة الي بتشوف كل هاد الحكي.
المشكلة التانية سيدي ( جدي ) الي مش مخلينا في حالنا باختصار معروف عنو انو من الناس الي بعملوا سحر واعمال، يوم تزوجنا انا وخواتي نكد علينا انا عارض زواجي ومنع الناس يفوتو لعنا على البيت وكمان خواتي لما تزوجو كمان ما خلاهم بحالهم المهم امي راحت لشيخ وحكالها ان سيدي هو الي عامل كل هالاعمال ، وحكالها انو عامللنا اعمال انو ما نتزوج واذا تزوجنا نعيش بنكد وعدم راحة تخيلو انو والله لا انا ولا خواتي مرتاحين زوجي كل ما بشتغل بشغلة بتركها وما بتوفق فيها وجوز اختي كمان واختي التانية جوزها نفس الشي واخوي المسكين كل ما بيجيب مصاري ما بنعرف كيف بتروح بكل بساطة ما فيها بركة ومش عارف يجمع فلوس عشان يجوز خطيبتو الي اهلها بيضلو يحكولوا ايمتى العرس باختصار النكد وقلة المال وقلة الراحة ما بتفارقنا مع العلم انو كل خواتي ملتزمات ومن رواد المساجد وحفظة القران.
رجاء الي بتقدر تساعدني ما تبخل علي
>>>>> ردود الأعضـــــــــــــــــــاء على الموضوع <<<<<
==================================
والله ما ادري ايش اقول ما عندي حل وما اعتقد في حل تلاقية من الناس
الحل عند رب العالمين الله يعينك على ما ابتلاكي واصبري وانشاء الله بيصير خير
وتنحل وتفرج ربك كريم
__________________________________________________ __________
__________________________________________________ __________
الله يصبركى
حبيبتى الجىء للى خلقنا وهو قادر على كل شىء
الاستغفار احسن شىء
الله يفك عنك الهم
__________________________________________________ __________
__________________________________________________ __________
رد مع اقتباس
