عنوان الموضوع : حبا في الله ورسوله الكريم اسمعوني
مقدم من طرف منتديات نساء الجزائر

حبا في الله ورسوله الكريم اسمعوني



السلام عليكم ورحمة الله وبركاته
والصلاة والسلام على رسول الله الكريم عليه ازكى وافضل الصلاة والسلام
ومابعد
بنات بدي احكي معكم في موضوع كتير بيهمني ويمكن حكيت عنو قبل بس مو بالتفاصيل انا بدي خفف عن نفسي لاني بالكتابة بشعر براحة والي مااقدر احكي معو بحكي معو هون بمنتدى سيدتي
الموضوع الي راح احكي عنو شاغل كل البنات بس كل واحدة وكيف حسب ظروفها الاحتماعية والعائلية طبعا
موضوع الزواج انا اتعقدت منها الموضوع كل ماقول انسى بيجي او لازم يجي حدا يحكي عنو بحارتنا كل البنات فيه لسا متزوجو كل مايجلسو يحكو انا ماتزوجت وانا كمان كل البنات الحارة التانيين اتزوجوا غير حارتنا بس جد هالشي الي صار وهالشي خلاني اتعقد نحنا في البيت اربع بنات ولا واحدة فينا اتزوجت كل مابيجي نصيب واحدة فينا كانو بيجي شي بيوقفوا او بيكون الشخص مو مناسب او بيجي مناسب ومابيرجع
اهالشي بيخلي الواحد محتار كتير والكل بيسالنا انتو بنات حلوين ومتربيات اهل الخير ليش ما تزوجتو كانو في حدا عملكم عملة كانو عين صابيتكم اي والله حيرة هالشي مابيزيد غير الهم بحكي هالشي واحسة فيه من كل قلبي وشو كمان انو رفقات اتزوجوا غيرك انت ليش انت كمان حلوة كلام متل السم بس بنات عن جد الا حراتنا كل البنات الي في الحارات التانيين اتزوجوا واالي بتتزوج اليوم فيهم تتزوج بكرا عالطاير والشغلة عندهم عناد فلانة تزوجت انا كمان بتزوج بس اكيد الامر بايد الله عزو جل بس الطريف الامر انون عن جد بيتزوجوا سبحان الله
صرت بكره شي اسمو عرس او اني روح على هداك العرس عن جد شي بنات اتزوجوا شي مخطوبين ونظارات النسوان شي بترحم واغلبهم مابترحم ليش هيك كلو انا شخصيا انخطبت كتير بس ماكنو مناسبين بتزوج بالغصب اكيد لاء الله عزوجل ماحكى هيك بالعكس نها عن هالشي متل مافي لااكراه في الدين في كمان لااكراه في الزواج والشغلة مو بالغصب بتزوج حدا مو عجبني مو حبيتو هيدي حياة ابدية شي مقدس مو لعب مو بتلعب تينيس تخلصو وترجع هايدي حياة اتنين اجمعو على كل الشي على السراء والضراء على العسر واليسر وفي كتابه العزيز هن لباسون لكم وانتم لباسون لهن صدق الله العظيم
هالشي بيلخص كل شي بس المشككلة ماحدا بيفهم انو انت بتختاري شو بدك زوج مثالي ماحدا بيفهم انو القلب وما بيريد في بنات من هدول اتزوجوا وخلاص انا مو منهم انا عندي هالشي مقدس في اكتر من هيك بدي اتزوج كيف ماكان مشان اعاند البنت التانية واحكي وانا كمان اي والله مسخرة عن جد بس والله الي تقدمولي كلهم بدون استثناء مو متل مابدي والي بدياه مااجى او الي بحبو يجي يتزوج واحدة تانية مسلا
والله بحكي معكم بنات مشان اخفف بس بعرف تنو ولا واحدة فيكم تقدر تعمل شي تسمع بس الله وحدو الواحد الاحد الي بيعمل والي بيعطي وبيمنع ويقول لشي كن فيكون ونعم بالله انا بدعي ربي انو يرزقني الزوج الصالح ولكل بنت بس دعائي لسا ما تحقق لسا بستنى وبتمنى من ربي يحن علي انا عبدتو الضعيفة لاحول ولا قوة لي وهو القوي المتين سبحانه ليس كمثله شي وهو العلي العظيم
انا عمري ثلاثة وعشرين يعني لساتني صغيرة بس المجتمع البيئة الي انا عايشة فيها غير بيعقدو الواحد هالشي بيخوفني بيخلني بعيش كوابيس بتخيل اشيا مو حلو كلو بسبب القلق والخوف من المستقبل
وبحاول ابعد عني الشيطان وخلي ثقتي بربي كبيرة كبيرة كتيير لانو هو العالم بحالي مو حدا غيرو يمكن ربي بيمتحني وانا مابعرف يمكن لانو ايماني ضعيف لازم اقويه يمكن لانو ربي بيحبني
اسفة بنات اذا طولت عليكم بس ارتحت كتير
وانا والله بالهكتابة الامل سكن بقلبي وانشاء الله ربي يفرجها وعلى كل المسلمين
ولا اله الا الله محمد رسول الله

>>>>> ردود الأعضـــــــــــــــــــاء على الموضوع <<<<<
==================================


حياتي الله يرزقك الزوج الصالح الي يسعدك
ويهينيك لاكن كلام ناس صحيح انه يجرح
لاكن حاولي تطنشي لانه مايجي من وراه الا الهم
تحياتي لكي


__________________________________________________ __________

حبيبتي 23 سنة مازلت صغيرة
وفيما يخص كلام الناس عمرو ما بيخلص ... الزواج قسمة ونصيب
وان شاء الله يجيك انت وخواتك احلي عرسان
أسأل الله ان ييسر امرك وامور اخواتك ويرزقكن الازواج الصالحين
في القريب العاجل بس لا تنسي تبشرينا


__________________________________________________ __________

حبيبتي الله يرزقك بزوج صالح بار عاجلا وليس اجلا اكثري من الاستغفار واجعلي صلتك بربك اكبر يجد لكي مخرج من همك


__________________________________________________ __________

يسلمو بنات الله يحفظكم يارب
والي فيه الخير يجيبو ربنا العالمين


__________________________________________________ __________

يا عمري لساتك صغيرة والله في عائلات كان عندها عشر بنات وجاء نصيبهن على التوالي عليك بالتوكل على الله والدعاء الصادق المتيقن الاجابة من السميع البصير وسترين ان الله لا ينسى عباده الصابرين.