عنوان الموضوع : امي الغاليه -تم الرد
مقدم من طرف منتديات نساء الجزائر

امي الغاليه



السلام عليكم
انشاء اجد عندكم الحل
احنا تسع بنات واربع أولاد أربع من البنات واثنين من الأولاد متزوجين السالفه أن امي صارت قاسيه في تعاملها معانا خاصه ياالبنات وربي معامله فظيعه حتى احيانا احس اني موبنتها فاقدين حنانها صحيح كلنا كبار بالسن بس حتى ولو البنت تحتاج الحنان من الأم خاصه أحاول اني اتقرب منها بس ماقدرت أحس انها تبعد أكثر وماتحس في أحد والله العظيم اختي مرضت 15يوم ولا أحد اهتم فيها أبدا وإذا أحد مرض من أخواني ماتقعد كل شوي تجي تشوفه حتى لم نتعب ماتهتم ابدا وتقول مافيك إلا العافيه وكلامها يوجع دائما تخاصم وتشكي علينا عند الناس انا مانسوي شي ولانظف واحنا والله مانقصر وتحسسنا دائما غلطانين في كل شي ماأدري ايش اسوي ابيها جنبي صحيح عمري 20بس باقي احتاج حنانها ابيها تحضني مره جلست بحضنها فرحت مثل الطفل بس الوالد عكسها صحيح حنون بس مو مره
ساعدوني شنو اسوي عشان اتقرب منها

>>>>> ردود الأعضـــــــــــــــــــاء على الموضوع <<<<<
==================================


ياعمري اغلب البنات اللي في عمرك يعانون نفس المشكله

واضح ان امك تمر باازمه نفسيه او متضايقه من شئ ما

انصحك يالغلا تعوضين الحب اللي انتي محتاجتله من امك في خواتك

خلكم ايد وحده علشان ماتحسون بفقد الحنان

وادعي ان ربي يهدي بال امك ويحنن قلبها لكم


__________________________________________________ __________

حبيتي مادري وش اقلك بس بيني لها اهتمامك لها اكثر دقي كل يوم تطمني عليها خذي علومها حسسيها انك محتاجتلها احكيلها شغلاتك الخاصه كانك تبين تاخذين رايها في امورك الزوجيه اساليها يمه وش تنصحيني اسوي الين تحسسينها انك قريبه منها


__________________________________________________ __________

أختي انا مو متزوجه صحيح تحت سقف واحد بس للأسف مافيه نوع من انواع الحنان


__________________________________________________ __________

السلام عليكم ورحمة الله وبركاته

عزيزتي ,,أشتياق العبدالله

نعم هذا ما نراه منتشرا بين فتياتنا

لقد انحرمو كثير من كلمات الحب ولمسات الحنان في بيوتنا

لقد انشغل كل من الام والاب باعمالهم ومصالحهم الشخصيه

دون التفات الى احتياجات ابناءهم الروحيه والعاطفيه .

اصبح لغة التفاهم فقط هي الاوامر والنواهي عن امور

تتعلق بالدراسه او السلوك او ماشابه ...

ولكن عزيزتي ربما والدتك تكون ضحية معاملة قاسية في الصغر،

وفقدان للحنان،هي ايضاً لا تتعجبي،

فقد تحتاج الأم لبعض جرعات الحنان التي حُرمت منها في الصغر،

وقد لا يكون هناك من يفعل ذلك إلا إحدى بناتها،

عالجي أخطاءها بالبحث عن المسببات لا بنقد الأفعال

فقط جرِّبي أن تعامليها بلطف، وتُظهري لها العطف والشفقة

والحرص عليها، وتقرَّب إليها بذكاء،

فلِمَ لا تكونين أنتِ صديقتَها الوفية،

وتكسبين ثقتها ومحبتها؟!

فقط جرِّبي وأخبريني بالنتيجة.

تحيتي ,,


__________________________________________________ __________

بس انا يئست احيانا احضنها تبعدني عنها وإذا شفتها لوحدها أحاول اجيب اي سالفه عشان اتكلم معها بس مستحيل تكلم تصرفني
امي تزوجت بالسن مبكر 13ولاعمرها اشتكت من تعامل أهلها او حتى ابوي