عنوان الموضوع : بفتح قلبي لكم واقول حكايتي وابي منكم تساعدوني وربي مخنوقه >يارب يفرج همي
مقدم من طرف منتديات نساء الجزائر

بفتح قلبي لكم واقول حكايتي وابي منكم تساعدوني وربي مخنوقه >يارب يفرج همي



السلام عليكم ورحمة الله وبركاته
انا احتاج مساعدتكم ورايكم وياليت ماتبخلون علي وهذي اول مشاركه لي
باختصار انا تزوجت وعمري 19 غصب اجباري وليتني ماتزوجت انذبحت وانهد حيلي بست سنين تدمرت والله يابنات احاول امشي الوضع واساير الوضع بس ماقدرت
كل شي علي مسؤليه البيت زوجي ماعنده مسؤوليه ابدا تخيلوا كل شي علي
اسدد الكهرباء والتلفون واهلي يساعدوني مادياوانا الي اجيب اغراض البيت واذا تعبت رحت المستشفى كل شي كل شي تتخيلونهوالله مايهم
بس لو قدام هذا القى زوج مهتم ولا اخلاقه حلوة ولا بيت زي الناس وربي امشيها لكن مافيه اذا اخلاقه وعصبيته علي وماعنده اي شعور يابنات اذا جلست معه ولمست ايده يبعدها وانا مابي امدح نفسي بس انا الحمدلله بنت حلوة وجسمي مافيه عيب مهتمه حيل بنفسيولا افكر يشوف شي مني مايعجبه واراعيه اذا تعب بس هو تعبني الولد مو دارس ومو من مستواي وتحملت وسكت جبرني اترك الدراسه وانا باقي لي بس 6 مواد على التخرج من الجامعه ادب انجليزي وتركتها لاني ابي اعيش وانستر ببيت حالي حال اي بنت رضيت بهالزواج وجلست اقول لنفسي يمكن لما غصبني ابوي لانه هو يشوف هالزواج احسن لي
بس الله يسامحه مادرا انه بهالزواج ذبحني
المهم والله ماجاه مني على كل شي الا كل خير
تمنيت لحظات رومانسيه ولا طلعه حلوة بالعكس اذا قلتله وش رايك نروح للمكان الفلاني يوديني واذا وصلنا عنده قال شفتيه ويمشي بالسياره وانا اموووت من القهر ولا اذا طلعنا نتمشى يكون قافل مزاجه ولا نطلع بالليل متاخر عشان يكون كل شي مقفل ومااشتري شي يابنات المولات والاسواق مااعرفها الا عند اهلي
ويصرف فلوسه على اصحابه وخرابيط مالها داعي والبيت كأنه خرابه مايفكر يصرف عليه
واذا طلبت منه نعدل البيت قال انتي فاضيه صرت انكسح من اهلي اا قالو بيجون للمنطقه الي انا فيها ولا اذا سمعت انه فيه احد من اعمامي ولا خوالي بيجي
انحاش لااهلي ولا اقفل جوالي اتفشل احد يشوف البيت الي انا فيها
حتى حقوقي الشرعيه الي وصى رب العالمين فيها مايعطيني اياهااهم شي اهو يرتاح
واااهاشياء كثيره اتفشل اطلع معه اجهز ثياب له واكويها و
لا يفكر يعدل شكله عليه حركات تقرف ماتعودت عليها وربي اتعب منها
تعت نفسيتي وطاح شعري صرت اتعالج واحقن براسي ابر عشان الشعر يطلع من جديد بتقولون ليه صابره
انا عندي بنت عمرها سنتين وانا بعد اتعب مااقدر اعيش بدون رجل جمبي مجرد وجوده يحسسني بالامان
انا من اول ليله ولا شعوريا حبيته وهذا شي بديهي لكل بنت وانها ترسم خطه حلوة لحياتها
بنات زعلت عليه ورحت لااهلي
ولا ابدى اي ندم ومافكر يجي يسال انا اتصل عليه ابي احافظ على اخر شي طلبت منه على الاقل يصبغ البيت ويعدل دورات المياه >اعزكم الله والمطبخ
رحت وشفت الاصباغ وانا عند اهلي وارسلت له اساميها وارقامها وطبعا انا ابي هالشي
قلبه مايطاوعه غيرها وتحملت المشكله صبغ الحمامات وعدل السيراميك
بس المجاري وهذي كانت المشكله تلفانه ماعدلها
والغرفه صبغها ولا فكر يرجع السري والدولاب والاثاث الباقي كلهم العمال حطوهم بالوسط لما كانوا يصبغون
ابوي جالس يحاسب نفسه ويلومها على اللي سواه فيني والله خواتي مومثلي
بالعكس ازواجهم مافيه منهم الله يخليهم لبعض امهم رجعت وانا اعرف اني بخسر بس يابنات انا اهلي بيتركون السعوديه خلاص اخذوا جنسيه ثانيه وهو كان يهددني انه بيبلغ عن ابوي انا سكت مااقدر اقول شي وغير كذا حتى لوومارجعت ماعندي جواز ولا بنتي عندهاعشان اروح مع اهلي ورجعت وانتا اعرف اني بموت من الهم معه بس اصبر نفسي
انه بعد العسر يسر وان ربي هو كفيلي بهالدنيا
تخيلو غبت عنه 6 شهور
ورجعت وهو مو مشتاق بالعكس زايد شره
اوقات اتمنى يضربني بس مايقول لي كلمات تذبح وتقتل
طيب لو اهله عدليين يهون الا خواته وامه كنت احبهمبس هم متعبين عمتي عسى ماتشوفني تجلس تهزاء وانا اعدها مثل امي اسكت وابتسم لها مابي ينقال عني ماتربيت بس مانفع في يوم حذفت الفنجال مال القهوة بوجهي بمجلس النساءووربي ماقلت شي صح بان علي تضايقت بس والله ابتسمت لها وماتكلمت احاول اتقرب لها ومافيه فايده
المهم انا قرت اروح بيت اهلي بس قبل اروح لازم اطلع جواز وبما ان زوجي يحب اهلي يصرفون علي وعلى بنتي قلت له انا بروح مع اهلي البحرين عشان اختي بتجهز لزواجها وهي بتشتري لي ولبنتي قماش الزواج وبتخيطه هديه
اول كان رافض ومن قلت انها متكفله بكل شي
وافق وانا قررت ماارجع
بنات مشكلتي معه بعون ربي تنتهي بس انا مااقدر اعيش من غير زوج واو رجل بحياتي ومابي الشيطان يزين لي الحاجات هذي بالحراموانا ابي الستر رحت وكلمت خطابه ولقت لي واحد نفس مااحلم ومطلق وكان يعاني الامور اللي اعانيها ويبي استقرار ويبي زوجة مهتمه وحنونه ورومانسيه يبيها حبيبه قبل ماتكون زوجه بس الولد فيه مشكله امه من دوله ثانيه وهو وحيدها معا انها متوفيه بس الدوله الي هو فيها مدري اخاف اهلي مايرضون غير كذا خايفه من كلام الناس انه توي متطلقه واتزوج كيف تصير
احنا عندنا لازم يحطون في البنت شي مايفكرون انه نصيب وخصوصا اذا كان برا العائله وهالولد مامانع وجود بنتي وانا ماامانع وجود بنته بس خايفه ابي رايكم وش اسوي كيف اقنع اهلي بهالولد وربي ابي اعيش زي البنات ابي اعيش هالحياه الي انحرمت منها ابي رايكم لاتبخلون علي تكفون وترا انا كنت اقولها لاامي زي المزحه اني بكلم خطابه واني مااقدر اعيش كذاوامي ماكان عندها مانع بس انا خايفه ومحتاجه هالزواج ابي استقر نفسيا واحس اني بامان ريحوني الله يريحكم ودلوني وش اسوي

واسفه طولت عليكم بس وربي مدري وش اكتب اول مره اكتب لاااحد عن مشاكلي

>>>>> ردود الأعضـــــــــــــــــــاء على الموضوع <<<<<
==================================


استخيري الله ماخاب من استخار


__________________________________________________ __________

ياقلبي استخيري ربك اذا كان هذا خير لك ربي يفرجها عنك ..
وان شاء الله بترتاحين من العذاب اللي انتي عايشها .. استغفري وادعي ربك واكثري من الصلاة ..
والله يصبرك ويعينك .. ودعواتي لك انو ربي يسعدك في حياتك ..


__________________________________________________ __________

صح حبيبتى إستخيرى ربنا سبحانه و تعالى و إنشاء ربنا سبحانه و تعالى يقدر لكى الخير و يسرلك الطريق ليه إنشاء اللهو كمان فى صلاة حاجه صليها و إنشاء الله ربنا يفرج همك و يكرمك و يعوضك خير إنشاء الله
و إلجأى إلى ربنا بحانه و تعالى بالدعاء و الاتغفار و الصلاه و ربنا سبحانه و تعالى و حده القادر على تفريج
و كمان عمرو خالد كان قال إنو لو عندنا مشكله أو هم أو مصيبه نذهب إلى الله و نقول
ليس لى إلا أنت يارب ستجده رؤوفا رحيما و نقول يا حنان يا منان ياجابر كل كسير إجبر بخاطرى من للضعيف إلا أنت يا قوى من للفقير إلا انت يا غنى من للحزين إلا أنت يا كريم و عندها ستسمعى قوله تعالى و رحمتى وسعت كل شئ
إعملى كده و إنشاء الله ربنا يفرج همك و و الله انا الفتره اللى فاتت دى عدت على حاجات كتييييييييييييييييييييييييير صعبه طبعا هى مش زيك بس كنت لما بلجأ إلى ربنا سبحانه و تعالى و كنت بقول إلى ربنا سبحانه و تعالى كل اللى حاسه بيه و كل اللى جوايا و الله كنت برتاااااااااااااااااااااح و كانت كل حاجه بتتحل و كنت بصبر اوووووووووى و بثبت اووووووووووى و ده طبعا لأن ربنا سبحانه و تعالى أرحم بينا من اهلنا من اكثر ام حنينه على إينها ده كلام الحبيب المصطفى سيدنا و مولانا محمد عليه الصلاة و السلام أنا الحديث مش فاكراه بالظبط بس كان ده معناه و ربنا معاكى و إنشاء الله ربنا يفرج همك عن قريب اااااااااااه و كمان قولى إن لله و إنا إليه راجعون اللهم أجرنى فى مصيبتى و أخلفنى خيرا منها و الله لما سمعت الشيخ الشعراوى و هو بيقولها للعندو مشكله او مصيبه و قعدت اقولها مشكلتى اتحلت و صيبتى راحت و همى راح و إرتحت اووووووووووووووووووووووى قولى كده كمان و إنشاء الله خير و هادعيلك كمان فى صلاتى بس إنتىكمان إعملى زى ماقولتلك و طمنينى عليكى
أسفه للإطاله


__________________________________________________ __________

المشاركة الأصلية كتبت بواسطة مهرةاصيلة
استخيري الله ماخاب من استخار

هلا اختي مهره وربي انا كل ليله ادعي واصلي ابي ربي يفرجها علي واستخرت واحس براحه لهالشخص

مشكورة على تجاوبك معي


__________________________________________________ __________

المشاركة الأصلية كتبت بواسطة اغلى الاماني
ياقلبي استخيري ربك اذا كان هذا خير لك ربي يفرجها عنك ..
وان شاء الله بترتاحين من العذاب اللي انتي عايشها .. استغفري وادعي ربك واكثري من الصلاة ..
والله يصبرك ويعينك .. ودعواتي لك انو ربي يسعدك في حياتك ..


تسلمين حبيبتي ويارب يفرجها علي ويارب يسعدك وين ماكنتي