عنوان الموضوع : حاولت بس ماقدرت انسـاها .. ساعدوني
مقدم من طرف منتديات نساء الجزائر

حاولت بس ماقدرت انسـاها .. ساعدوني



حاولت بس ماقدرت انسـاها .. رح اقولكم قصتي وياها وياليت تساعدوني
ولاتقولون لي كرامه وماادري شنو خلو نفسكم بمكاني وشوفوا انا قاعده اكتب لكم قصتي
وانا اصيح من القهر ...

بأختصار انا بنت عمري 20 سنه وادرس بالكليه واحب وحده بويه معانا بالكليه .. بالبدايه ماكنت احبها
خذت رقمها من وحده من البنات وكلمتها واستهبال وانا احبك وكذا وهي حببتني فيهـا ... وحبيتـها ..

وهذا كله وهي ماشافتني .. عاد انا حلوه وبشهاده الكل .. وهي كان عندها خويه موحلوه بس تحبها .. ولمى سألتها
شلون شكل البنت اللي تعجبك كل الموصفات اللي قالتها فيني ...

الموووهيم مااطول عليكم رحت لها وسلمت عليها وسألتها عن رايها فيني وقالت حلوه .. وبعدين صار بيننا سلام
فجأه ماصارت ترد على مكالماتي ولاتعبرني .. استغربت بس عذرتها .. لاني احبـها .. الموهيم وراحت وحده من البنات
صديقتي وبنفس الوقت تعرفها وسألتها عن مكانتي عندها قالت كلها على بعضها اكرهها مااطيقها مااحبها .. وسألتها ليه
قالت كذا بدون سبب ماابيها ماابيهـا .. ولمى صديقتي وصلت لي هالكلام انهرت نفسيا بس مااتصلت فيها وطنشتها ولمى
طنشتها هي رجعت تسلم من نفسـها .. كنت اظن اني نسيتها بس للأسف كنت اكذب على نفسي انا مانسيتها انا حبيتها لا
انا عشقتها المشكله لمى اشوف عيونها انسى كل الكلام اللي قالته عني وارجع الاحقها مثل الهبله طبعا اقصد اتصل فيها
والبنت من كثر اتصالاتي زهقت ورقمها صار سبير وماتهتم فيه وماترد ابداااااا .. لاعلي ولاعلى غيري ..

شسوي الحين انا احبـها واموت فيها ماابي منها شي بس ابيها ترد على اتصلت فيها مرات كثيره وزهقت ماودي ازعجها
بس ودي اكلمها والمشكله ماابي اروح لها بالكليه .. عشان كرامتي ماتنداس اكثر مما انداست حرام عليها ليه تسوي فيني كذا
وربي ماابي شي غير انها تعطيني وجـه .. انا اكتب هالكلمات وانا ابكي على حالي مثل المجنونه وراها والكل يقولي انتي مريضه
نفسيا فيها .. روحي تعالجي .. والا اقري على نفسك .. صرت دايما احلم فيها ولمى احد يتكلم احسبه يقول اسمهـا واغلط وانادي
الناس بأسمـها ... وابكي مقهوره عليها ليه ماتبني انا وش فيني وش الغلط اللي فيني وتبيني اغيره والله العظيم احبـها وماابي
منها شي غير انها ترد علي بس .. اذكر مره يوم كنت اكلمها قالت لي اذا ماقابلتك ترى رح احرمك من صوتي قعدت اضحك و
واقولها لالا لاتحرميني من صوتك ... ماكنت ادري انو رح يجي اليوم اللي فعلا تحرمني من صوتها وابكي بدل الدمع دم ..

انا مثل المجنون اللي يدور على شي يعقله مثل فاقد الامل اللي يكذب ع نفسه ويقول لسى فيه امل ... شسوي لاتقولون كرامه
ولاشي مووقته احبها وحبي لها مجنون .. شفتها مره ع المسن وقعدت تحقق معي من وين لك ايميلي وقلت لها منك بس قعدت
تستجوب متى عطيتني اياه وكذا وقلت اذا ماتبيني سوي لي بلوك ماله داعي هالتحقيق قامت جاملت وقالت لاشدعوه عادي ..
ومن ذاك اليوم ماشفتها شكلها سوت لي بلوك .. شسوي قولوا لي الله يخليكم .. اخر شي افكر فيه اني مااروح للكليه عشان مااشوفها
واسوي لها بلوك وامسح رقمها مع اني حافطتهم .. واحيانا افكر اروح بيتها بس ماابي اثقل عليها مع العلم انها ماتدري اني ادل بيتها
... ياليتها تصرخ بوجهي وتقول ماابيك عشان افهم ... ياليتني اقدر انساها عشقها صار مثل العروق اللي تمشي بجسمي وشرايني..
انا صرت مثل العبده لها والمجنونه فيها بس ياليتها تحس فيني .. ماادري شقول اكثر بس تعبت من كثر
ماقلت وانا ماكتبت الا لان محد حاس فيني .. شسوي معاها قولوا لي

(( بليز لاتقولون انسيها وموناقصه تهزيئ ترى فيني اللي يكفيني ))

>>>>> ردود الأعضـــــــــــــــــــاء على الموضوع <<<<<
==================================


لاحول ولاقوة الابالله حبيبتي حاس بكل كلمة قلتيها تعصر قلبي ( الحل بيدك )
يارب يارب يارب يارب يارب تساعدها فى هالوقت الفضيل وتفرج همها
الله معس يابنيتي قادر سبحانه على كل صعب ومستحيل


__________________________________________________ __________

شاكره لك ردك بس ماني عارفه شسوي ؟


__________________________________________________ __________

انا صرت مثل العبده لها والمجنونه فيها بس ياليتها تحس فيني ..ماهذا الكلام ؟؟؟؟؟ العبادة لله فقط ..كلامك هذا كفر حرام عليك ... وبعدين ما فهمت انتي بنت تحبيبن بنت مثلك بهذا الشكل ؟؟؟؟ سامحيني قصتك غامضة ومو مفهوم معناها ... واذا مثل ما فهمت صدقيني هذا خطأ وعيب وحرام وجميع هذه المفاهيم راجعي نفسك وفكري جيدا هذه نصيحتي ...توجهي الي الله وأقرأي القرآن وأذكري الله كثيرا هذا أقضل لك من هالكلام اللي مايدخل عقل ولايقبل به العقل ولا الدين .


__________________________________________________ __________

السلام عليكم
حبيبتي انا حاسة فيكي لاني ممكن تقولي اعيش نفس الي تعيشينة ولاكن انا احسن شوي
بس ياليت احد يقدر يعطينا الحل
معا إنو الحل بيدينا بس إحنا مانبغا نتوجه لو
الله يكون في عونا
تحياتيــــــــــــ


__________________________________________________ __________

المشاركة الأصلية كتبت بواسطة الزوجة المطيعة
انا صرت مثل العبده لها والمجنونه فيها بس ياليتها تحس فيني ..ماهذا الكلام ؟؟؟؟؟ العبادة لله فقط ..كلامك هذا كفر حرام عليك ... وبعدين ما فهمت انتي بنت تحبيبن بنت مثلك بهذا الشكل ؟؟؟؟ سامحيني قصتك غامضة ومو مفهوم معناها ... واذا مثل ما فهمت صدقيني هذا خطأ وعيب وحرام وجميع هذه المفاهيم راجعي نفسك وفكري جيدا هذه نصيحتي ...توجهي الي الله وأقرأي القرآن وأذكري الله كثيرا هذا أقضل لك من هالكلام اللي مايدخل عقل ولايقبل به العقل ولا الدين .

انا ماقصدت اعبدها اقصد العبده المطيعه اللي تمشي بشورها وامرها ..