عنوان الموضوع : سيدااااااااااااااااااااااااااات ارجو المساعدة ............. -تم الرد
مقدم من طرف منتديات نساء الجزائر

سيدااااااااااااااااااااااااااات ارجو المساعدة .............



السلام عليكم ورحمة الله وبركاته

انا عندي مشكلة
, عمري 27 سنة وعمري ما حبيت , ولما دخلنا ب 2017 تعرفت على شب غير بقية كل الشباب راكز ومحترم ومتعلم وفهمان وانيق يعني فيو كل الصفات الي بتتمناها اي بنت يكون في بالزوج المستقبلي ومن أول لقاء خبرتو انو أنا ماني صغيرة , وماني حابة ادخل في علاقات مابعرف شو رح تكون نهايتها , وقلتلو حابة انك تكون صريح معي ,اذا كنت بدك ياني فتفضل لعنا عالبيت بتتعرف على بابا وبتطلب منو ايدي للزواج ,والشب ما كذب خبر كلها كانت كم يوم واجى لعنا عالبيت وقعد مع بابا وطلب منو ايدي , طبعاً بابا وافق لانو بيعرف انو بنتو ماحبت لهاد العمر غير هاد الشاب ,بس اشترط عليه يجيب اهلو ليخطبوني رسمي .
مرت الايام ونحن عم نستنى عريس الغفلة هو وأهلو ومابين حدا , طبعاً كان في تليفونات , وتفاجأت مرة انو امو بدها تحكي معي , فتفائلت بالخير وقلت لحالي الله هداهون المهم بدل ماتسألني كيفك يا بنتي انت من اي عائلة ومن هالاسئلة تخيلو شو قالتلي !؟
شوفي يا بنتي بعرف انو ابني بيحبك وقلي قديش بتحبيه ,بس لا تواخذينا
نحن ما عنا امكانية نجي ونخطبك !!!
وهون انا انصعقت واجتني السكتة , وسكرت الموبايل شي اسبوع مشان ما احكي مع الشب مع انو قلبي كان عم يحترق من جوا وكنت مجروحة وعم أتألم .
بعد اسبوع فتحت الموبايل ولا..... أول مكالمة كانت منو ,اعتذر وقالي انو ماكان بيعرف انو والدتو رح تتصرف هالتصرف معي , وانو لوكان بيعرف ماكان خلاها ............... وصار يبكي ويقلي بحبك وبموت بلاكي ولا تتركيني , وطبعاً انا صدقت وتعاطفت معو وقررت اني أسامحو وعطيتو مهلة شهر وييجي بعدها يخطبني رسمي أو بتركو وبعيش حياتي لحالي بعيدة عنو وعن أهلي , وبلشت بمعاملات السفر .
وقبل ماتنتهي المدة بأسبوعين أنفقد الشب وماحدا عرف عنو شي حتى أهلو , وصرت متل المجنونة وأفكار تاخدني وأفكار تجيبني , ودقيت لكل رفقاتو أسأل عنو ومافي فايدة , ودقيت لأمو وحكيت معها وسألتها بأسلوب غير مباشر عن حبيبي , وقالت انو مابتعرف عنو شي .
المهم وضليت على هالحالة 5 أشهر من غير ما أعرف عنو شي , ومرت الايام والاعياد والاشهر ومافي خبر ,ودخلنا بالسنة الجديدة وكمان ما سمعنا عنو شي , ويا حرام بابا (الله يطولي بعمرو) الوحيد الي ساندني وحاول مرات كتيرة انو يدور عليه بس بدون نتيجة .
وهلا المشكلة :
انو عمي اللزم اخو بابا صار بدو يخطبني لابنو , وساواها قبل هالمرة وماوافقت وزعلو هو وبابا وما حاكو بعض ست سنين ,والحمد لله رجعو تصالحو بعدها , وهلا رجع كمان يطلبني لابنو , وانا مابطيقو لابن عمي ولا بحبو ,وخايفة على بابا يرجع يخسر اخوه مشاني ومحتارة , وماني حابة اخسرو لحبيبي لاني لساتني بحبو وبموت فيه , وحب انا بذات نفسي ماعم صدقو , وبعشقو وهو كمان نفس الحالة , بس مالي ثقة بأهلو وخايفة ما يخطبوني لابنون , والكل عم يقلي انك كبرتي وحاجتك ................

بتمنى حدا يشور علي ويقلي شو أعمل
ماااااااااااااااااالي حدا غيركون حبيباااااتي

>>>>> ردود الأعضـــــــــــــــــــاء على الموضوع <<<<<
==================================


الله معاكى ويوففك للرئى السليم حبيبتى

تقبلى مرورى
لكى حبيى وتقديرى


__________________________________________________ __________

حبيبتي ما الك الا صلاة الاستخارة والدعاء وربك مايتركك ان شاء الله
اكيد راح يرشدك للصواب وانا برايي طالما اللي تحبيه ماعاد بين لازم تنسيه وخصوصي انو اهلو مو ناويين يخطبوكي الو
واذا صليتي استخارة وماارتحتي لابن عمك ارفضيه الزواج مو لعبة القرار اللي راح تاخديه هو قرار العمر وبها القرار ترتبط سعادتك او تعاستك
انا كمان خطبني ابن خالي ورفضت لاني مابحبو وتخانق خالي مع ماما وبطل يحكي معها بس بعد مدة طويلة رجعو تراضو
لاتخافي انك تفرقي بين ابوكي وعمك الاخوة بيضلو اخوة لاتخافي مهما مر الزمن راح يرجعو مع بعض اذا وافقتي او رفضتي هن اخوة
فلا تقدمي تضحيات عالحساب سعادتك وحياتك ويمكن توافقي وتصير مشاكل كمان وكمان لانك مو حاببتيه
واكيد ابوكي راح يتفهم قرارك وانتي خبريه انك ماتريدي ابن عمك واذا وافقتي بيكون بس مشانو ومشان اخوه وانا حسيت من كلامك انو ابوكي متفهم واكيد ماراح يرضى بهيك شي انك تتزوجيه غصب عنك
والله يوفقك حبيبتي
اسفة عالاطالة


__________________________________________________ __________

وعليكم السلام ورحمة الله وبركاته

أختي العزيزة .. عليك بصلاة الإستخارة أكثر من مرة

وحبيبك لو رجع ما بتضمني انه يخطبك .. ما تنتظريه وادعي الله ينسيك حبه

اما ابن عمك اذا مو مرتاحه من الإرتباط به فما ترتبطي فيه كرمال لحدا

واحمدي الله انه والدك متفهم ... الله يخليلك إياه .. مش رح يتخلى عنك ورح يدعم اختيارك

اكثري من الإستغفار والصدقة والصلاة في جوف الليل

والله معك ويختارلك الأفضل

ينقل للقسم المناسب


__________________________________________________ __________

السلام عليكم ورحمة الله وبركاته

عزيزتي اميرة المآسي

كل شيء في هذة الحياة تاتي بالتراضي والتوافق

وهذة حياتك لا يغصبك فيها احد ,,

انتِ ما عليك الا ان تري ماذا تريدي انتِ

بمعنى ماهو الشيء الذي ترتاحي له ماذا يريد عقلك وقلبك

القرار كلة يرجع لكِ انتِ وحدكِ ,,

والحياة الزوجية الناجحة تقوم على مشاعر الود المتبادلة؛ لأن الأرواح جنودٌ مجندة

ما تعارف منها ائتلف وما تناكر منها اختلف،

واعطي لنفسك بعض الوقت لكي تفكري جيداً ولا تستعجلي الامور

سواء ابن عمك او الشاب الثاني ,,

لان هذا زواج وليس لعبة ,,

وعندما يختار عقلك ارجو منكِ ان تستخيري وبعدها اتركي امورك على الله

انو عمي اللزم اخو بابا صار بدو يخطبني لابنو , وساواها قبل هالمرة وماوافقت وزعلو هو وبابا وما حاكو بعض ست سنين ,والحمد لله رجعو تصالحو بعدها , وهلا رجع كمان يطلبني لابنو , وانا مابطيقو لابن عمي ولا بحبو ,وخايفة على بابا يرجع يخسر اخوه مشاني ومحتارة , وماني حابة اخسرو لحبيبي لاني لساتني بحبو وبموت فيه

شوفي يا قلبي هذة الامور لا يدخل فيها احد سواء عمك او ابيك

هذة حياتك انتِ وانتِ التي تريدي ان تعيشي مع من يختارة عقلك وقلبك

استبعدي هذة الامور الخاصة عنكِ ,,

واهم اهم شيء ان يكون اختيارك للشخص ذو دين وخلق

وبعدها عليكِ بالدعـــــــــــاء والاستغفار ,,

نسأل الله أن يوفقك ويسدد خطاكِ.,,

تحيتــــــــــــــي ,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,


__________________________________________________ __________

حبيبتي أنا مع الأخوات وربي يوفقك ويهيدك للطريق الصحيح