عنوان الموضوع : اهل الزوج ؟؟؟؟
مقدم من طرف منتديات نساء الجزائر

اهل الزوج ؟؟؟؟



اخواتي كل عام وانتم بالف خير وعافية وسعادة دائمة يارب العالمين

حبيت اطرح قضية اتمنى اللي يدخل مايبخل بالرد علشان نستفيد انا اتكلم عن اهل الزوج الاغلبية يعتبرون الزوجة عدو وكأنهم داخلين معركة طبعا انا تزوجت شخص كل البنات من اهل زوجي يتمنون يتزوجونه زوجي ليس بيننا صلة قرابه هو من قبيلة غير قبيلتي وطبع اهلهم انهم مايتزوجون الا من نفس العائلة في الاغلب ....


اول ماتزوجت صرت اسأل زوجي عن اهله وشخصياتهم خبرني عن الحريم اللي يحبن المشاكل واللي عاقلة واللي تحب تنقل الكلام وعلمني عن اغلب اطباع النساء عندهم
طبعا انا من النوع اللي مااحب اتكلم كثير يعني افضل الصمت واهل زوجي الله لايوريكم ياحبهم للكلام ونقله فصرت اذا اجتمعت فيهم ماتكلم عن اي شي الا اذا سالوني اجاوب وافضل اكون صامته علشان اسلم من القيل والقال المهم يابنات كنت الاحظ نظرات الغيرة والحقد فهم من النوع اللي يحب يسأل عن اشياء ماتخصهم للامانه مو كل اهل وزجي كذا اخواته 3 وجدا محترمات لكن البلا من حريم اخوانه وبنات اخوانه بشكل ماتتوقعون انا احب اخبر زوجي بكل شي يصير علشان يكون عنده خبر بكل شي لاني اول ماتزوجت كان يقول زوجات اخواني لاموني يوم اخذتك يقولون ليش تاخذ وحده من برا وله بنات عم وقرايب نفسهم فيه لذلك كنت اقول لزوجي كل شي يصير وهو ولله الحمد مرتاح معي الله لايغير علينا ونسيت اقول ان عائلتهم من النوع اللي عادي عندهم البنت تكلم ولد عمها وتراسله وهذا الشي عيب عند اهلي وحرام لان اهلي ناس محافظين جدا القصة يابنات ان الغيرة زادت لانهم شافوا اخوات زوجي يمدحوني عند زوجي بحشمتي وصمتي لدرجة انه مره قالي اختي تقول ماشاءالله على زوجتك محد يقدر يمسك عليها كلمة (وانا عاد انبسطت يوم قالي كذا) انا طولت عليكم لكن المشكلة ان الغيرة بدت تزيد انا طبعا ماعندي اطفال الله يرزقني وكل محروم يارب السبب مني بتأخر الحمل زوجي ولله الحمد سليم وزوجي دايم يقول لبعض الحريم اذا سألوه متى نشوف عيالك يقول ماني مستعجل انا مرتاح مع زوجتي وماابغى عيال الا منها مع اني دايم اقوله اذا احد سألك قل متى ماالله كتب وبس لاتقول اني مرتاح ولا شي قال لا خليهن احسن يابنات انا طولت عليكم وانا اكتب وانا مستعجلة علشان كذا لاتلوموني صار لي موقف ضيق صدري وهو ان وحده كانت توها جايبه ولدها مالها الا اربع شهور والبارح وانا اسلم عليها جيت اببوس ولدها مسكته على طول وسحبته مني قدام الحريم وربي يابنات تمنيت ان الارض تنشق وتبلعني ولا اصير بها الموقف حسيت وقتها ان وجهي تغير يالله ليش سوت كذا وصرت الوم نفسي مع اني ماسويت شي ماصدقت اني اطلع الا ورحت ابكي على طول يابنات عجزت انام من البارح طول الوقت افكر والله يابنات حتى اخت زوجي وجهها تغير اللي سوت الموقف بنت اخو زوجي مع اني والله ماامدح نفسي كانت دايم تدق علي وتستشيرني باشياء واعلمها واخدمها بعيوني وعمري ماقلت لاي احد انا بانتظار ردكم واسفه على الاطالة

>>>>> ردود الأعضـــــــــــــــــــاء على الموضوع <<<<<
==================================


يه يه عايشه في قرية وحووش

الله يصبر قلبج عمري عليهم

المهم عليج من اخواته للي بيحترمونك

والباقي خليهم ومثل ما قلتي لا تختلطي معاهم كثير

الحين عرفتي شلون هم

واذا على الموقف المحرج أختي

عادي عمري فما استغرب من تصرفهم

وثانيا المفروض ما اضيق روحج على سالفه ما بتستاهل

والفشله مو لج بالعكس علشان يعرفون الحريم شلون طبعهم

واذا بيتكلمون ما راح يتكلمون عنج والله راح يتكلمون عنها وشلون اخذت الطفل منج

وانا ما قلت جذي الا تخيلت روحي انا معاهم وشفت موقفج والكل بيقول مثلي والله

على العموم السالفة ما تستاهل وارجعي عادية واكا عندج زوج والناس للي بيحبونك

والله يجازيك على نياتك الطيبه ويرزقج بالذرية الصالحة

واتمنى لج السعادة يارب


__________________________________________________ __________

همسة العشاق الله يسعدك يارب اسعدتيني بردك


__________________________________________________ __________

حببيتي الانسان نيتو تخدمه هدا اهم شي وانت ما يهمك العبد مانبي منه شي اهم شي ربنا سبحانه وتعالى واكيد ربنا ما ينسى احد ويجازيه وبالنسبة للغيرة تحصل دائما وماتخافي منها اهم شي انت خليك هيك وزي ما انت اهم شي ويارب ويارب ويارب يرزقك ربنا بالذرية الصالحة عن قريب يارب وتصيرين احلى ام وتعزمينا علا اسبوع البيبي قولي امين والله انو دخلت قلبي ربنا معاك ويحرسك ويحفظك امين


__________________________________________________ __________

حبيبتي شوق 86 الله يسعدك دنيا واخره على ردك ويارب يتقبل الله منك اول وحده
بعزمها من المنتدى انتي بس عاد ياويلك لو ماتجين؟؟؟؟


__________________________________________________ __________

مشكورة اختي زوجة واكيد بجي