عنوان الموضوع : زوجي ما يسويلي اعتبار
مقدم من طرف منتديات نساء الجزائر

زوجي ما يسويلي اعتبار



السلام عليكم

هدي اول مشاركة ليا واتمنى انكم تساعدوني لانو من جد ضايق بيا .

انا متزوجة من سنتين وعندي ولد امور ما شاء الله وحكايتي بدات مع زوجي فكانت ايم الخطوبة وكمان الشهرين الولى من زواجنا اسعد ايام حياتي كان يحب يشتريلي هدايا من غير ما يسالني ودايما عزومات برا وما يقدر يشوف الدمعة على عيني لاني عايشة معاه بالسعودية واهلي في بلد تاني. المهم بعد شهرين حملت والرجال انقلب 180 درجة مع انو راضي عن الحمل صار رجل تاني ما يهموا ابكي ولا انحرق حتى المعاشرة مرة اشتقلو ولا يعبرني وفي شهري التاسع من الحمل اكتشفت انو بيمارس العادة السرية وبعد كده كشفتو وكنت مرة قاسية معاه وخاصمتو وعلاطول قعد يبكي ويعتزر.
وكملت حياتي بعد الولادة والمعاشرة نادرا ما تكون مرة في شهرين... والحمد لله حصلت شغل براتب مرة كويس وانا بشارك في الايجار والشغالة وبيفضلي حاجة مرة بسيطة لدرجة اني سارلي داحين سنة بشتغل وما حوشت ولا ريال. بعد كده صار دايما يحسسنى انو اهلو اهم وانا بنت الناس. لو اهلو غلطو علي ما لازم اشتكيلو عالاقل بستنى منو بس مواساة ويقولي معليش ويطيب خاطري بس ما يسويها دايما يقولي الناس هدولا (على اهلو) في يوم حنحتاجهم ماديا وهما اللي حيساعدونا (مع انو المساعدة اللي بيدوها لينا هدايا مادية لولدي بحوالي 500 ريال في العيد ولو في جمعة مسويناها يقولولنا احنا نمسك عشا الرجال اشياء زي كده) وما ادري هل زوجي ناسي انو لازم يراعيني زي ما بيراعي اهلو لانو لو هما بيساعدوه مرة في السنة انا بحطلو راتبي كل شهر.
حتى في مرة قالي: الزوج دايما بيخاف على اختو اكثر ما يخاف على زوجتو....احس انو مرة مرتبط باهلو مع العلم انو اصغر واحد في اخواتو ....
والله انا عمري ما غلطت مع اهلو وكل ربوع وخميس بنبات عندهم(واتحدى اي زوجة تنتضم زي وتطلعلهم كل اسبوع) لانهم من مكة وانا عايشة بجدة وفي وحدة سلفتي اكبر وحدة. بيشوفوها واولادها وزوجها في العيد فقط لانها بتفضل تقعد مع صحباتها وتروح السوق على انها تروح عندهم بس الحمد لله انا عاقلة.

المهم الاسبوع اللي فات نزلت حماتي على جدة كان يوم الاتنين لانها تعبانة تبغى تشوف دكتور بجدة المهم زوجي اتصل علي وقالي انو امو تعبانة فقلت خلاص اول ما اجي من العمل نروح على بيت سلفتي وحده تانية (مو اللي قلتلكم تحب السوق وما تزورهم.) روحنا ودايما ابوس ايد حماتي لاني اعتبرها زي امي بعد كده كنت انا وهي بس في الغرفة وقامت قالتلي انتي صرت زي فلانة تحبي تروحي السوق كتير. قلتلها مين قال ردت علي انا قلت. بطريقة قوية انا بصراحة انصدمت وهي بتقصد قبل ما تنزل على جدة بيومين رحت انا السوق مع زوجي لسيتي بلازا عشان تخفيضات فقضيت لولدي واشتريت بعض ديكورات البيت وافتكر كان يوم السبت ورحت الاحد يعني يومين. فانا اللي قاهرني بتقارني بوحدة صمعتها مو كويسة في العيلة ونسيت انو انا جيتها مع اني ما ريحت في البيت من العمل على طول عندها وزعلانة انو هيا تعبانة.. ونسيت انو انا كل ربوع وخميس نطلع نونسها واطبخلها اكلات. واللي قهرني اكثر لما رجعت البيت كنت مرة زعلانة وندمت انو زرتها وقلت لي زوجي بالحرف الواحد حبيبي انا مرة زعلت لما امك قارنتني بفلانة فرد علي وقال ايوه انا سمعتها وضحك بصوت عالي وقال: وضحكتني لما قلتيلها مين قال وردت أنا قلت.
بعدها اتمنيت الارض تنشق وتبلعني. انا اول ما كنت اعرف انو زوجي سمعنا لانو كنت انا وهي بس في الغرفة بس شكل كان في الممر يغسل ايدو.
وما ادري بتلومني على السوق وانا بشتري بفلوسي وبروح لسوق برجولي ملها صلاح بيا. خلتني اكرهها لانو انا من طبعي ما احب حدى يقارني او يقلل من مرتبتي.

فاليوم قاعدة بفكر وقلت مدام زوجي كده كده لا عاد يسويلي اعتبار ولا في كلام حب ولا يعبرني بهدية ...احسلي اخلي فلوسي في البنك وخلي اهلو يدفعولو الايجار. وانا ادفع الشغالة وبس.
يا ريت يا بنات تساعدوني بارائكم وهل انا غلطانة ولا لا. انا من يوم الحادت ما نمت لانو بشيل جواتي وما عندي اهلي جنبي عشان احكيلهم ولا عندي صحبات.

>>>>> ردود الأعضـــــــــــــــــــاء على الموضوع <<<<<
==================================


الله يهديلك زوجك
بس لازم تحطي في بالك إنو كل الرجال كدا
بس وهو مبصوط منك يقلك إنو مابيفكر إلا بيكي
وفي وقت تاني بيشوف إنو أهلو أحق بإهتمامو داكله
بس أنا أقلك تحملي وأصبري واحتسبي الأجر عند الله
لأنه العبد بينسى لكن الخالق لا ينسى
وربنا يكتب لك الأجر على قد تعبك
وكما تدين تدان مصيرك تصيري أم زوج
وتحبي إنو مرت ولدك تكون معاكي أحسن مماإنتي مع حماتك
تقبلي تحياتي وبوسيلي الأمور ابنك


__________________________________________________ __________

بس انا ما اعارض انو نزورهم كل اسبوع بس عالاقل يديني قيمة ويحسسني بحبوا تعرفي احنا الحريم نموت في كلام الحب اذا انا صارلي سنتين متزوجاه وعمري ما سمعت كلمت بحبك ايش يصيرلنا بعد 10 سنين.

شكرا حبيبتي سكاكر على ردك بس ايش رايك في فكرة انو ماادفعلو الايجار ويتحمل مسؤوليتو عشان يعرف بقيمتي.


__________________________________________________ __________

فينكم 10 مشاهدات تدخلو بس تتفرجوا بالله ساعدوني بارائكم


__________________________________________________ __________

uppppppppppppppppp


__________________________________________________ __________

ياالغاليه الله يهدي زواجك يارب


وكل مشكله لها حل انتي الحين صرتي ام ولازم تكوني قد المسؤاليه


ومافيه انسان كامل وهذا طبيعي الرجال مو مثل بعض يختلفون


زوجك من النوع يقدر اهله كثير ومايقدر يزعلهم


انتي حاولي قد ماتقدرين تكوني قريبه منهم


اذا جلست مع زوجك اتصلي عليهم وسلمي خلي كلامك لطيف


مع اهله وخصوصا اذا كان موجود خليكي دايما مبتسمه



اشتري لهم شئ بسيط وهو يشوف وهالطريقه راح يعرف



انك تحبين اهله



ومن ناحيه العاده السريه احب افهمك مافيه شئ تقدرين تحلينه بالعصبيه



اول شئ انتي حاولي تعلاجي الموضوع من بعيد يعني اهتمي فيه



حاولي انك تخلقين جوء معه حسسيه انك تحبينه اشتري له هديه



اكتبي له رساله حلوه والخ واحب افهمك ترى الام هي اللي تسعد بيتها


او تتعسه كلما حسيتي الجوء بداء يبرد انتي سيطري على الوضع


واذا مانفع هذا كله اجلسي معه بهدوء تكلمي معه بطلف وان شاء الله خير