عنوان الموضوع : ارجوكم يا اخواتي محتاجكم .. مجابة
مقدم من طرف منتديات نساء الجزائر

ارجوكم يا اخواتي محتاجكم ..



مسا الخير اخواتي.. انا احترت ومليت من كثر التفكير والهم ..وما لقيت حل وحبيت اني اعرض عليكم اللي صار بحكم اني ما شاورت احد لحساسيه الموقف وغير انو متفائل اني الاقي عندكم احد الحلول المناسبه.. سامحوني طويله شوي بس محتاجه منكم بعض وقتكم وفهمكم للموقف..

انا في سن 23 سنه وهي تصغرني باربع شهور لي الان ثلاث سنوات مع بنت عمتي اللي ما تخيلت هيا فيوم انها تكون على ذمتي ونكون لبعض لانها كانت تحبني<<< كانو اخواتي بيحكولي الشي هذا انو ملاحظ .. وما جا على بالي فيوم اني حاخطبها بحكم صغر سني وتفكيري فهذاك الوقت وحيث اني مااهتميت لحبها ... لكن شاء الله اني اتقدم لها مع انه كنت مخير في بنات كثير لا تقل عنهم شأننا لكن من مبدا ان لقيت قلب يحبني حرام البنت تتعذب عشاني قلت لازم اسعدها وان شالله تسعدني معاها... وفعلا فيوم الشوفه دخلت قلبي والله حببني فيها وصرت ما اشوف غيرها فحياتي ...

املكت قبل 5 شهور من الان وطبعا ما اخبي عليكم اني من خطبتها واي شي تتخيلوه من شخص هايم ومحب مجنون كنت اعمله وفوق الخيال منها اني عرفت انها تحب تسهر فنص الشهر يوم القمرا من ملكنا كنت افاجئها بوجودي فغرفتها من دون ما تدري اخذ اجازه واسافر عشان كذا ... وفوق كذا ما خليت مجرد شعور بالفراغ فحياتها من خطبتها ... الا انه كان فيه شي يزعلني وهو قله فكلامها واحيان احس انها تخبي علي .. وشي ما اعرف تفسيره ... ومع اني متأكد انها تحبني لدرجه انها ما تقدر تحط عينها فعيني ...ووعشان ما اطول عليكم ..

فيوم كنا مشتاقين لبعض فالويكند جلسنا وسهرنا الين الصباح واخر سعاده وهنا خرجت من غرفتها تجيب الفطور وجو اخوانها الصغار واخذوا يلعبوا فالغرفه ومن هنا ومن هنا الين طيحو دفاتر ورحت انا باشيلها لقيت واحد منها مفتوح على صفحه ومكتوب فيها كلام حاولت اني اتحاشى اقراه لكن قلت هذي زوجتي ما تخبي عني شي ....المفاجأة كل كلمه توازي طلقه الرصاص فجسمي وصعب تنزل من دون ما تترك اثر فيني .. كلام ما اتذكره نصا.. لكن فيما معناه وحده عايشه معاناه !! انه ما هو انا الشريك اللي كانت تتمنى وانه ما يقدر يعطيني نص اكتفائي بذاتي والحب !! وانه الشخص اللي تتمناه ترك لها جروح ما يمكن تندفن ...
وان الله "يصبرني" على قسمتي ونصيبي .. والله يسعدني ويسعده.. حاولت استوعب ان الكلام مكتوب قبل ما نملك باسابيع ... وتأثرت كثير صراحه

طبعا انا اتفاجأت اول ما جا ففكري انو مو هيا اللي كاتبه الكلام الا اطالع فالخط خط يدها وتوقيعها .. سألتها .. ومثل ما توقعت ردت علي انو صاحبتها كاتبه الكلام هذا طبعا تركت قلبي على الجانب وفكرت بعقلي شوي اللي كان غايب قبل اقرى الكلام بدقايق طول مده خطبتنا .. قلت واضح انو انتي اللي كتبتيه ليه ؟؟ وواضح انو كذبت علي وانو هيا اللي كاتبه الكلام ... فالبدايه ...فضلت اني اغيب عنها كم يوم وفعلا تركتها بعد كم يوم رديت عليها وطلبت منها تتكلم عن اللي مكتوب وصارحتني انها كتبت الكلام هذا .. وتحلف لي انها ما حبت غيري واني انا حياتها ووو... طبعا اكبر صدمه تلقيتها فحياتي ... احاول القى اي عذر انها تكتب الكلام هذا تقولي انا ناسيه ليه كتبت ممكن روايه قريتها اوممكن انا كنت فحاله !!؟؟ المهم انه انهيت كلامها انو مستحيل وحده تكون متهنيه فحياته وحبها تكتب كذا .. غير انو حبي ما ناساك اي شي كان موجود فحياتك قبل .. وانو لومو حب كان فقلبها شويه حب ما كتبت كلام جارح زي كذا...

قاعد افكر حتى لو بنرجع زي اول الكلام هذا بنام وياكل ويشرب معايا ماهو راضي يفارق خيالي ... لو انكتب كلام اقسى من كذا بس وتاريخه قبل الخطبه كان شققت الورقه ولا ناقشتها فيها اصلا لكن قبل الملكه بايام وفعز الحب اللي ينسيها اي شي غير انها كانت تحبني غير انو لو ما حبتني الحمد لله واهبني بوسامه ونعم طيبه اي بنت تتمناها .. وماقدرت انسيها الشي الي ما اعرفه ... كلام يدل اني مالي قيمه فحياتها .. والعكس لما كلمتني بعدها انها تحبني .. انا ملتزم الصمت لكن فكرت لو رجعت في شي مكسور .. انا افكر ابعد لاني قدمت شي فوق طاقتي وكلامها فالرساله يبين اني ما اسعدتها ... وكلامها بعد كذا لما كلمتني انها ما حتقدر تعيش من غيري ... طبعا انا متعلق فيها لكن الكلام اقنعني اني لازم ابعد ... مهما كانت النتيجه..

<<<<< سامحوني فطريقه كتابتي بطريقه سهله عشان ما يفسر الغرض من الموضوع اي شي ثاني...


ايش رايكم يا اخواتي عشان ابغى اكمل حياتي طبيعيه بها او بدونها

>>>>> ردود الأعضـــــــــــــــــــاء على الموضوع <<<<<
==================================


ما فهمت انت بنت ولا ولد
علنا ان المنتدى خاص بالبنات والسيدات
بحكم انهم واضعين تحت اسمك المستعار سيدة جديدة


__________________________________________________ __________

للاسف هذا المنتدى للنساء فقط


__________________________________________________ __________


__________________________________________________ __________


__________________________________________________ __________