عنوان الموضوع : فلوسي ضايعه !!! مجابة
مقدم من طرف منتديات نساء الجزائر

فلوسي ضايعه !!!



أكيد كلنا نمر بحاله من الحووسه وتحسين أنك تشترين تشترين

وترجعين البيت ماتقلين قطعتين على بعض طالعين حلوين مع بعض

ويصير دولابك مليااان ملابس حلوه بس ناقصها شيء ياتوب ماله تنوره او قطعه تناسبه
ويا تنوره حلوه بس ما لها توب يلبق لها!!!

ولا علشانك سمينه حبتين
أو نحيفه حبتين ..تأجلين تشترين لنفسك وتفكرين بغيرك وتشترين لأطفالك
أو أحطييييين كل حيلك بالميك اب او العطورات أو كريمات العنايه إلي تخلص مدتها عندك
ما أستخدمتيها صح



طيب نبداء مع بعض تنظيم

أولا جاوبي على هالسؤال؟؟؟...؟؟

1- أكثر شيء تصرفين فلوسك عليه خاصه إلي تخصصينها لشراء الملابس؟؟

إذا إنتي إنسانه تعانين من انك ماتلبسين ملابس مرتبه ومبسوطه فيها
راح تجاوبين وتقولين
اصرفها على بنتي او عيالي لاني اشوف اشياء كثير تغرين بالسوق لهم ..

أصرفها على الميك اب وللأسف تلقينك ماتستخدمين إلا خمس او اربع منتجات والباقي تخلص مدة صلاحيه ما استفدتي منه

أصرفها على الصيدليه وعلى فكره الصيدليه تاكل الفلوس مثل محلات المكياج والعطور
كريمات ومنتجات كثيره تغريك لكن للأسف مصيرها تتكدس عندك وماتستخدمين منها إلا منتجين


أصرفها بالسوبر ماركت مجلات شوكلت أي شيء يعجبني اجيبه
صحيح السوبرماركت ما تاخذ فلوس كثر بس تضيع المبلغ بدل ماتكملين بعض النواقص إلي ناقصه لبسك تصيرين مضيعتها بقرابيع مالها فايده



خلااااااااص اكيد كل وحده تقول اخلصي علينا نبي المهم بالموضوع


طيب ..


أبيك تقعدين قعده ريلاكس وابي هالكلام يدخل مخك مضبووط

أولا

لا تتضايقين من نفسك وحبي نفسك زي ماهي
وسألي نفسك هل إنتي مخلوق فضائي ولا عندك أعضاء زايده تصعب عليك عملية التسوق ههههه
يعني مافيك شيء الحمد الله

سمينه عااادي فيه بنات كثير كثير سمنتهم
زايده و شيك مره ويعرفون يلبسون ويفتحون
نفسك بالمجلس وبالمناسبات ونحرص نشوف وش لابسين


نحيفه أحلى شيء مهما كانت درجة عصالتك إنتي في نعمه مقاساتك موجوده ان شاء الله
والملابس تضل تلبقلك


قصيره طويله بشرتك تعبانه شعرك طايح
مو عذر تهملين نفسك >>>>أحسكم تقولون خير تحسبينا عاهات

لاا مو كذا بس ابيك تفكرين مهما كنتي ت
عانين من مشاكل بإمكانك تطلعين بشكل انيق ومرتب
لانك إذا صرتي مرتبه ولابسه ملابس حلوه رااح تنفتح نفسك وتصيرين مبسوطه



طيب ياسكر ننتقل
للمرحلة الثانيه

بعد ماقتنعين أنك ما تأجلين أنك تستمتعين بكل أيامك
وتعيشين يوم بيوم

بعض البنات تقعد سحيل ام الخلافين تقول انا ما ابي اشتري لحد ما أنحف
ولا لحد ما اسمن
ولا لحد ما اخلص علاج بشرتي ولا افك البريسز ((تقويم الإنسان ))

لييييييه ؟؟ طيب


أولا

قسمي فلوسك وقسمي السنه للملابس


السنه شتاء وصيف

نبداء بشتاء دام أحنا الحين على ابوابه


أعرفي مخططاتك لهذا الشتاء
تتوقعين مناسبات معينه ؟؟
ماعندك مناسبات لكن عندك وظيفه ؟


ضروري ترتبين لبس كاااامل يعني تنزلين السوق
وماتحطين ببالك فكره مستحيله
علشان ماتتعبين وإنتي تلفين الأسواق
ولا تفكرين ما ابي اطلع مثل فلانه ولا ما ابي اشتري
من هذي المحلات وتقللين خياراتك

وكل جسم له قصة بنطلون وقطة تنوره تناسبه وقصة توب تلبق له

دوري بالتلفزيون او بحياتك ناس قريبه من جسمك
وحاول تعرفين كيف تلبس او إيش إليس مايناسبها

مثلاً
إنتي مليانه من كتوفك وصدرك لا تزحمين نفسك ب
جاكيت وقصات كثير تعمل زحمه على كتوفيك
او تلبسين خامه ثقيل مثل بلوفرات الصور

وان شاء الله اسوي موضوع كامل بهذا الخصوص


وخليك متابعه للموضه

ولو إنتي ناويه تشترين رخيص أدخل المحلات الغاليه
وخذي فكره وشوفي وش عندهم
علشان لو اعجبك شيء عندهم يمكن تلقين
له شيء يشبهه عند الملابس الأقل سعر



طيب اول خطوه نعيد ونقول

لبس مررره متناسق يناسب جسمك ويناسب لون بشرتك يصلح لزيارات الرسميه
وستايله مختلف عن إلي كنتي تلبسينه
قبل علشان تحسينك بتنويع وأنك غيرتي


وإنتي بسوق وتشترين لا تفكرين تشترين إلا أشياء تكمل نفس اللبس
لو اعجبتك بجامه
ولا اعجبك توب ماله دخل لو سمحتي حطيه على جنب وخلصي لبسك وفكينا من الخلاقين>>يمه صرت اخوف



وتنسيق الألوان مو عيب ولاهو شكل طفولي بالعكس
شكل مريح للعين يدل على اناقه وذوق









بعد ماتكونين علقتي لبسك إلي ناويه تلبسينه بأي عزيمه تكون بفصل الشتاء
مع كل توابعه من إكسسورات ومناكير وأندر وير مناسب حتى ..


الشنط :

كلنا نحب الشنط أفضل اشتري شنطتين عليهم القيمة وأكرفهم كرررف لشتاء
وحده رسميه مع لبسي الرسمي ووحده ألوانها مناسبه للملابس الكاجول واليوميه



وبنهاية السنه تلقين عندك مثلا ست شنط او اربع كلهم حلوه وتبدلين فيها وإنتي مبسوطه
وقيمتها فيها



بس اهم شيء تشترينها علشانها تعجبك مو علشانها ماركه ولا عليها اسم مصمم
وماتشترينها وهي ماتناسب لبسك او ماتناسب ستايلك!!!



نرجع بعد كثر الحكي .. نعيد خطواتنا بشكل مختصر


1-شوفي طبيعة حياتك هل حياتك مليانه مناسبات
2- نوع المناسبات (سهره - بالبيت - بسيطه )
3- بعد التحديد حددي هدف معين لبس لأي مناسبه او مجموعة اطقم
4- أنهي مشترياتك والتنسيق للبس واحد فقط ولا تشتتين عقلك بكثرة الأفكار
5- خصصي يوم لتسوق لكل شيء
مره لنفسك
مره لأطفالك
مره لملابس البيت
مره للتسوق للبيت
6- أدخلي المحلات الغاليه وحتى لو ماتشترين منها شوفي إيش الموضه وخذي فكره
عتى خذي فكره على المجوهرات
7- لا تكررين مشترياتك وفكري مليون مره هذي القطعه عندي مثلها بالبيت
8-أعترفي بمقاسك ولا تشترين شيء اكبر او اصغر
وتعلقين أمااال بأنك راح تسمنين او تنحفين
بكذا ماتتخربط عليك الامور وتشترين اشياء كثيره مالها سنع ولزمه


حطي خطه لتخفيظات
وللأمكان إلي تبيع بأسعار منافسه

مثلاً
الملابس الداخليه مالها موضه
وقت التخفيضات اغتنمي الفرررصه وررركض ع المحلات وأشتري الكميات المناسبه والمقاسات المناسبه

الجينزات والتي شيرتات والملابس إلي مالها موديل مثل توبات داخليه وهي ضروريه بالملابس حددي لها وقت بأيام التخفيضات
وأشتريها من محلاتك إلي تحبين تشترين منها





واستمتعي بالملابس بوقتها

وسلامتكم

>>>>> ردود الأعضـــــــــــــــــــاء على الموضوع <<<<<
==================================


الف شكر معاكي حق في كل الي بتقوليه


بس حنا مصابين بداء شوبنق يعني مافيه مجال نبعد عنه
صح

دمتي موضوع مميز


__________________________________________________ __________

موضوع رائع أختى وفعلاً كلامك حق
لو كل بنت او امرأة نظرت ما تشترى وما هو الضرورى اولاً ثم الاقل اهمية
لان المال سوف يحاسبنا عليه الله وماذا فعلنا به


__________________________________________________ __________

ماشاء الله موضوع حلو ومفيد الف شكر حبيبتي


__________________________________________________ __________

كلام سليم...

يعطيكِ العافية حبيبتي...

لا عدمناكِ...


__________________________________________________ __________

جزيـــــت خيراً على الطرح الممتع و المفيد

ونتطلع للقادم

تحياتي لك